12月22日 – 今天是冬至的日子，晚上到舅父家做冬。
12月23日 – 今天豬頭人會同朋友進行球賽，我當然會列席啦。最好可以享用一餐豐富的晚餐。
12月24日 – 平安夜…中午是自由活動時間，晚上到表姐度開party。
12月25日 – 今天約左亞康、亞kit、亞水…佢地bbq…不醉無歸。
12月26日 – 今天是戶外活動日…詳情稍後公報。
12月27日 – 今天放假…做咩都得…
今年聖誕我開心…你開心…大家都開心，我要影多d相响blog度分享。
天寒地凍沖涼記趣之撞親隻腳
好容易爬起床，寒氣由腳底直達心口…嗱嗱淋跑去浴室，攞齊毛巾、牙刷諗住沖個熱水涼驅寒啦!!!
甘啱啱開水…d水好凍家麻，甘我咪避囉…但係d水又向我流過黎喎!!所以我咪「丁」住腳企囉(即攞腳尖掂地)，可能因我太肥or鈍…忽然失平衡，成個人向前一仆，隻腳撞埋個牆角度…嘩!!!痛到我y…
返中心途中响度諗…其實自己真係好搞笑，有時真係不得不承認…我真係名副其實的『傻仔敏』。
唔解決...唔訓覺
早前她與Katie Holmes舉行婚禮，傳聞中科學教的婚禮，新郎會承諾新娘子送她一隻鑊、一把梳和一隻貓來令她開心。當日在報章上我看不到那一隻鑊、一把梳和一隻貓…淨係見到响佢手上幾卡的大鑽石。
除左注意到粒大鑽石之外，有一點都令我覺得好有興趣，就係科學教發言人Pouw所說的一點，作為科學教的信徒「他們必須互相承諾，如不能解決日間發生的問題，晚上就不睡覺了。」
一聽到依點…不敢在心裏「嘩」。男人肯同你解決問題…這個承諾一定深受女人歡迎，因為女人最愛討論問題；而男人最愛逃避問題，除非迫不得已要面對。
當一對男女彼此間有問題要解決，男人就會開始逃避…女人就會响度等，等對方一齊去面對…解決。依d係一場耐力賽，男人唔會介意個女人係度等…因為佢依然可以抱頭大睡的，但係當問題一日未解決…女人係會訓唔著的。
因為依一點…開始令我有興趣認識一下科學教。因為就算解決唔到問題…起碼係一齊無得訓，甘樣男士們可能都要焗住面對問題…兩個一齊煩，甘先叫做公平。
中心聯歡會
最後12點10分會議完畢…一開完會，個肚已經餓到饑哩咕嚕。好在今天是中心聖誕聯歡的日子，可以盡情吃喝玩樂，我食左2大碟野食。今年終擺脫抽杯的命運(年年抽獎抽中杯)，抽中左一把價值百多元的雨傘同一盒朱古力。Hoho…真係情緒高漲。
祝大家同我一樣有個快樂聖誕。
知足常樂
大部份人都不會滿足於現狀，我們會不斷尋找…期望找最好的一天。但到底那是「最好」，或者到離世的一天都未必會知道。除非人們可學會知足，否則不會有停下的一天。
尋晚第1次睇【一擲千金 - DEAL OR NO DEAL】，看著今集的幸運兒，由開始的信心十足，到最後的淚流滿面，心中想著…「如果佢唔係甘貪心，咪唔會一無所有囉！」但係當局者迷…當然係人都想有幾多攞幾多嫁啦！今次的課令到我反思，開始明白知足確是幸福的來源。
係感情關係中，人的慾望更高更強，男女各自在尋覓「超完美」，但係市場上筍盤不多，出現求過於供的情況，點解會甘…就係因為『唔知足』。兩個人走在一起有不同程度的原因，淺層次(起初)的原因是因為人很脆弱，我們都害怕寂寞孤單，需要依賴，所以一起。但當走在一起，我們就會不自覺的「要求」起來，『點解人地男朋友/女朋友/老公/老婆會好甘多??』成為了每日必問自己的自問自答問題。
對我來說，當我身子熱騰騰的時候，對方會把手擱在我我額頭上…摸摸是否發燒；記得我身上那裡破損了，細意的問問…這就已經足夠了。我相信知足常樂。
讓眼淚流下
當男人唔開心的時候，他們會像一隻受了傷的獅子，他們不會鬧更不會哭，他們只要一個山洞，然後一個在山洞內自行療傷。
對他們自己「運功療傷」的方法，我真的是不甚了解，我始終不明為何他們不何把煩惱、傷痛宣之於口。
豬頭人都有苦惱的時候，我在他眼內看到的就只有一層霧，充滿鬱結，他會對我說：「我也很想哭…就好似你常常哭。」他就是怎樣也無法痛哭，眼淚只能往肚子裏流。
這時候…作為女朋友/老婆的不需要再做什麼，因為在這一刻，男人根本就會把你看作透明的，你的作用比不上一部NDS、PSP、一場球賽或是一套周星馳電影。
男人無法哭泣、無法訴心事、無法暢快地宣洩負面能量，所以男人早死。男人自己都知吧，只能悲嘆一句，做男人好難。
If the hero never comes to you
If you need someone you're feeling blue
If you wait for love when you're alone
If you call your friends the light is hold
You can run away but you can't hide
Through the storm and through the lonely night
Then i show you there's a destiny
The best things in life they are free
But if you wanna cry, cry on my shoulder
If you need someone who cares for you
If you feeling sad your heart gets colder
Yes, I show you what will love can do
If your sky is grey, oh let me know
There's a place in heaven where we'll go
If heaven is a million years away
Oh, just call me and I make your day
When the night are getting cold and blue
When the days are getting hard for you
I will always stay here by your side
I promise you I'll never hide
恭喜...她們有喜
最近娛樂圈喜事重重，模特兒徐子淇同歌手謝安琪都快將出閣，兩人的婚事都廣獲報道。
徐子淇消聲匿跡近半年，但每隔2星期就會傳出結婚、韃Q、未婚懷孕…真係好奇怪，她出道多年，據記憶中她的緋聞同負面新聞一向都少之又少，甘多年都係得個洪天明，但係當她與李家誠拍拖後，新聞就幾乎日日都出現。不過無辦法，娛樂圈碰上豪門，還要是超級巨鑽黃老五…人人恨得牙痕痕，d人唔會覺得人間有情，只會諗來諗去都係個女的貪圖富貴、死好命。
謝安琪未婚懷孕，大眾議論紛紛，認為她正處當頭起，無程程嫁比無錢的二打六張繼聰。但係我就覺得她簡直係名符其實的「烈女」，勇者無敵…大住個肚唱歌咪仲型。而且當大家聽過張繼聰首『K型』之後…就會明白他不是二打六，只是運未到吧。
無敵周星馳
真係不得不佩服周星馳，淨係見佢個套「逃學威龍」一年响TVB播九萬幾次、「逃學威龍之龍過雞年」更加係新年必備節目就可想而知。但係無論播左幾多次…都一定會有觀眾捧場。
- 1988年 《霹靂先鋒》 Final Justice
- 1988年 《最佳女婿》 Faithfully Yours
- 1989年 《龍在天涯》 Dragon Fight
- 1989年 《流氓差婆》 Thunder Cops 2
- 1990年 《望夫成龍》 Love is Love
- 1990年 《一本漫畫闖天涯》 My Hero
- 1990年 《龍鳳茶樓》 Lung Fung Restaurant
- 1990年 《風雨同路》 The Unmatchable Match
- 1990年 《咖喱辣椒》 Curry and Pepper
- 1990年 《小偷阿星》 Sleazy Dizzy
- 1990年 《師兄撞鬼》 Look Out, Officer!
- 1990年 《賭聖》 All for the Winner
- 1990年 《無敵幸運星》 When Fortune Smiles
- 1990年 《江湖最後一個大佬》 Triad Story
- 1990年 《賭俠》 God of Gamblers 2
- 1991年 《整蠱專家》 Tricky Brains
- 1991年 《龍的傳人》 Legend of the Dragon
- 1991年 《新精武門1991》 Fist of Fury 1991
- 1991年 《逃學威龍》 Fight Back to School
- 1991年 《賭俠２之上海灘賭聖》 God of Gamblers 2:Back To Shanghai
- 1991年 《情聖》The Magnificent Scoundrels
- 1992年 《漫畫威龍》 Fist of Fury 1991
- 1992年 《家有囍事》 All's Well End's Well
- 1992年 《逃學威龍２》 Fight Back to School 2
- 1992年 《審死官》 Justice,My Foot!
- 1992年 《鹿鼎記》 Royal Tramp
- 1992年 《鹿鼎記２神龍教》 Royal Tramp 2
- 1992年 《武狀元蘇乞兒》 King of Beggars
- 1993年 《逃學威龍３之龍過雞年》 Fight Back to School 3
- 1993年 《唐伯虎點秋香》 Flirting Scholar
- 1993年 《濟公》 The Mad Monk
- 1994年 《破壞之王》 Love On Delivery
- 1994年 《九品芝麻官之白面包青天》 Hail the Judge
- 1994年 《國產淩淩漆》 From Beijing With Love
- 1995年 《西遊記第壹佰零壹回之月光寶盒》 A Chinese Odyssey Part One - Pandora's Box
- 1995年 《西遊記大結局之仙履奇緣》 A Chinese Odyssey Part Two - Cinderella
- 1995年 《回魂夜》 Out of the Dark
- 1995年 《百變星君》 Sixty Million Dollar Man
- 1996年 《大內密探零零發》 Forbidden City Cop
- 1996年 《食神》 The God of Cookery
- 1997年 《97家有喜事》 All's Well End's Well 97
- 1997年 《算死草》 Lawyer . Lawyer
- 1998年 《行運一條龍》 The Lucky Guy
- 1999年 《喜劇之王》 King of Comedy
- 1999年 《千王之王2000》 The Tricky Master
- 2001年 《少林足球》 Shaolin Soccer
- 2004年 《功夫》 Kung Fu Hustle
當中的經典對白同場面更加係為人津津樂道：
三叔~~~~~~~~
賭俠各位觀眾，五條煙(A)！
昨日，我菲律賓工人行過街市，聽到有個賣魚佬講話有條友仔叫做賭神，係你。哈哈……我當堂嚇左一跳，然後得啖笑。呢個世界，居然有人自稱為賭神，咁即係分明當我流唧！拿！我就叫賭聖，你賭啤都要帶隱形液晶體眼鏡啦，我睬你都o徒氣，直情睇穿牌o既，呢d就叫特異功能。呢度有隻A士，只要我輕輕一"chu"，就即刻變為一隻皺左o既A士，因為我未發功丫嘛。我發左功呀，變副麻雀出呢都得。你話我果然無厘頭呀，我夠話你訓醒戇九九咯。望咩呀﹖條氣唔順呀﹖發個輪黎大家研究下。當然，你要補番一百幾十萬過我就唔在講架啦。啤咩呀﹖學野唔使錢呀﹖抄底我聯絡電話係香港︰3345678，我再重覆一次係香港︰3345678。你唔搵我我冇所謂，因為呢d係你o既損失。十點後鐘唔好打黎，因為我訓左！
逝去感情如何留我住，半點痴情遺留恕不易，更多悽悽慘慘的遭遇，我不知道~~~hum家鏟！
整蠱專家我就係風魔萬千少女，改進社會風氣，刺激電影市道，提高青少年人內涵﹐玉樹臨風，風度翩翩的整蠱專家，我個名叫古晶，英文名叫Jing Koo。
國產凌凌漆拿！好似呢個modelF40咁，表面上，佢係一個大哥電話，實際上，佢係一個鬚刨，方便我出席一D宴會埸合，能夠神不知鬼不覺咁剃鬚…呢個鬚刨model911，表面上，係一個鬚刨，實際上，佢係一個風筒…(再指住第二個風筒) 而呢個風筒只係表面的掩飾，事實上，佢亦係 一個鬚刨，問你死未﹖
古時有關雲長全神灌注捉象棋括骨療毒，今日有我凌凌漆聚精會神睇咸帶鋤骨囉彈頭。
呢支唔係普通既電筒，呢支係唔使電芯既太陽能電筒！o你有光源既時候佢會著，冇燈佢就絕對唔會著。如果想佢著，只要囉個電筒出黎照住佢…咁佢就會著啦！
校長︰「你地兩個係父子(指周星星同達叔)﹖咁點解一個姓周一個姓曹架﹖」
達叔︰「我本來叫佢做曹星星，但係唔知點解佢自己叫下叫左周星星…(細細聲同周星馳講)咁講得唔得呀周sir﹖」
唔係呀嘛﹖支槍真係咁善良﹖(周星星，企圖開支善良的槍又開唔到時講)
我對你既佩服有如滔滔江水連錦不絕，對你既欽敬亦有如黃河氾濫一發不可收拾！
我絕對冇強姦隻豬！ (包龍星得知被屈時激動說出)
「查實，我係一個演員黎o既。」
鹼水麵冇過冷河，所以成碗湯有鹼水味。魚蛋亦都冇魚味，但係你為左掩飾，專登加D咖喱汁將佢做成咖哩魚蛋，但係咁做太天真，因為你煮o既時間唔夠，咖喱味根本只係o係表面，而冇入到裡面，掂到湯之後重要沖走埋。好好地一粒咖喱魚蛋，俾你整到冇魚味亦都冇咖喱味，失敗！蘿蔔冇揀過，太多渣，失敗！D豬皮又煮得太淋，冇咬口，失敗！D豬紅鬆泡泡，一夾就散，失敗中o既失敗！最慘係D大腸，粒面都重未通乾淨，重有舊屎，你有冇攪錯呀﹖
地球很危險，趕快回你的火星去吧！
小強！小強你怎麼了小強？小強你不能死啊！
「曾經有一份真誠的愛情擺在我的面前，我沒有珍惜，等到失去的時候才追悔莫及，人世間最痛苦的事情莫過於此。如果上天能夠給我一個重新來過的機會，我會對那個女孩子說三個字：『我愛你』。如果非要給這份愛加上一個期限，我希望是，一萬年。」
真係好懷念從前的周星馳電影，無論隔幾耐睇幾多次都百看不厭…
星期六得12度
傻仔敏天氣報告：
傻仔敏預料，受一股東北季候風影響，13/12/2006傍晚起天氣開始轉涼，展望周日（2006年12月16日）氣溫將低至12℃，是入冬以來最寒冷的一天，提醒各方好友應穿著足夠衣物禦寒。
今個冬天好似涷得比較遲，有時中午著件長袖衫都覺得熱，令到衣櫃裏的冬裝都著唔到，今個星期終可以著出黎亮一亮。
依個星期六約左中心同事去BBQ，天寒地凍BBQ簡直係一流…已經相約3名高手決戰4方城，又有得玩又有得食，真開心。跟住星期日就同豬頭人上深圳按摩。
樣樣都有菌
點解以家D細菌會甘犀利嫁，一路以黎都話食肉菌係經傷口感染，以家連食都會，甘點搞呀…仲要係我鍾情的刺身，真係有理由相信遲D可能咩都唔食得，極有可能要轉食太空食品 ~~
火鍋傻仔敏
晚媽媽同豬頭人兩個跑到銅鑼灣，一心諗住去「火鍋本色」食火鍋，一早都知到依到人多枱少(全店共16桌)，所以都醒目預先BOOK左枱。大約11點到達，但係已經有2對人响到等緊，甘咪唯有一路等…一路諗定食D咩囉！！望住菜單上各式各樣的海鮮，肚子不停發出咕嚕咕嚕的响聲，豬頭人仲話餓到有暈添！足足等在成半個鐘，我地同個肚都等唔到LU…依個時候我地決定走。
走去邊…去左去一條街有成3間店的「金海閣」，一坐低第一時間叫左個菊花茶同清湯湯底，湯底內有冬瓜、番茄、紅蘿白，清清地都唔錯。肥牛 – 牛味都算幾夠，但份量偏少，要叫兩碟先夠；象拔蚌 – 嘩！！真係鮮甜到不得了…一字記之曰「正」，宜家諗起到流口水；貴花蚌 – 清甜，抵食夾大件，比之前食的都平…唔會到喉唔到肺；鮮牛柏葉 – 不經人工漂白，但略「鞋口」；西洋菜 – 比小肥羊大碟一倍，好香菜味。
食飽飽後…經過火煱本色，握著豬頭人的手fing下fing下說「下次我一定要黎依道…好唔好！！」豬頭人顯然係無我甘好氣，因為佢並唔係火鍋豬頭人，佢心裏面應該係諗緊東海d大閘蟹多d。
哈日迷
不知大家有否為日劇瘋狂過…我曾試過不眠不休…兩天把「悠長假期」、「戀愛世紀」看(煲)完。不知家有否為日劇感動過…我曾為它流過淚…「同一屋簷下」、「上帝！給我多一點時間」、「東京愛的故事」。知大家有否為日劇笑掉大牙…我曾為它笑罵起來…「電車男」、「庶務二課」。
「悠長假期」還記得那彈球？屋頂上「Don't Worry,Be Happy」的廣告木牌嗎？
「戀愛世紀」劇中示愛電子牌是哲平（木村）與理子（松隆子）愛的見證。多次出現的水晶蘋果。
「美麗人生」生髮型師佟二（木村）與傷殘的杏子（常盤貴子）譜出戀曲，至為感人的一幕戲是佟二為死後杏子的遺容上妝……真教人動容。
還有：「等你說愛我」、「101次求婚」、「GTO」、「金田一少年事件簿」、「女婿大人」、「To Heart」、「HERO」、「料理天王」、「我Miss係大佬」、「愛情白皮書」、「冰之驕子PRIDE」、「女王的教室」、「一夜夫妻要結婚」…..
沖出水世界
故事內容：
在倫敦高床暖枕、一日五餐有人定時服侍的寵物鼠Roddy，食慣歎慣，自以為條命生得正，生活中一切美好事物都係應份屬於佢！點知有一日，一隻如假包換的坑渠老鼠Sid殺到！一向萬千寵愛在一身的Roddy仲未知大敵當前，以為Sid好容易打發！點知俾Sid一個唔該，一腳伸落馬桶，仲襟埋掣用水沖走佢添從此Roddy先知個世界原來係有黑暗的一面，亦因為咁樣，牠不再活在只有自己的狹小世界中，並邂逅了聰明機敏的街頭老鼠Rita，開始了段段驚險妙趣的經歷…
故事簡單易明，幾乎每隔5分鐘就有一個笑位。將老鼠世界人像化都十分討好，一開頭007造型、實驗室的無毛傻強、坑渠老鼠Sid、做默劇的白面鼠、法國蛙…仲有間中出黎唱下歌的鼻涕虫。
另外藉此片發現了古天樂在配音方面亦似有天份…但不包括唱歌那部份。
露比---無得頂
9/12/2006 (星期六)
今晚的晚餐選擇了九龍灣德福的「Ruby Tuesday」，望住滿滿的餐牌…都唔知揀邊樣好，最後點左：Colossal Burger、Tuesday Sampler、Quesadilla
Colossal Burger：兩塊厚厚的牛肉，一咬落去…無得頂，連個包皮都烤得香脆，而且塗滿左香濃牛油，一個足夠4人分享。
Tuesday Sampler：包含左炸芝士、魷魚脆圈、水牛城雞翼、炸虾。炸芝士真係好味到…一口咬落去，真係合晒我口味。
Quesadilla：第一次食d甘好味既墨西哥薄餅，响上邊塗上一層芝士醬，ooo味力沒法擋。
食飽飽…心滿意足地離開，心裏唱著：「我是愛吃的金牛座！」
大丈夫...係...邊個?
男士們時常都會投訴，就係「點解我女朋友同啱啱識個時變左…好似變左第二個人甘。」、「佢以前都唔係甘」、「嘩！結婚前後簡直就係兩個人」…如果一個女人可一直keep住千嬌百媚、小鳥依人，那是因為她的丈夫/男友太好、太man了。親愛的男士們,在抱怨老婆跟女友越來越沒女人味的同時，要想想自己是不是個可以讓女人依靠的男人啊！！！
富士山下
當慢慢細味歌詞，當置身其中…一句句詞就好像一幅幅畫面一樣。
攔路雨偏似雪花 飲泣的你凍嗎
這風褸我給你磨到有襟花
連調了職也不怕 怎麼始終牽掛
苦心選中今天想車你回家
原諒我不再送花 傷口應要結疤
花辦鋪滿心裡墳場才害怕
如若你非我不嫁 彼此終必火化
一生一世等一天需要代價
誰都只得那雙手 靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有
何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有
情人節不要說穿 只敢撫你髮端
這種姿態可會令你更心酸
留在汽車裡取暖 應該怎麼規勸
怎麼可以將手腕忍痛劃損
人活到幾歲算短 失戀只有更短
歸家需要幾里路誰能預算
忘掉我跟你恩怨 櫻花開了幾轉
東京之旅一早比一世遙遠
誰都只得那雙手 靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有
何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有
誰都只得那雙手 靠擁抱亦難任你擁有
要擁有必先懂失去怎接要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有
何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有
你還嫌不夠
我把這陳年風褸
送贈你解咒
Honey -- 一頭都係...Honey
之前聽人講話蜂皇漿好有營養，所以我最近開始服用，差不多食左一個星期，個人好似精神左少少
所以咪諗住打孖一齊黎囉！！即係食蜂皇漿 + 用花粉蜜糖黎敷面囉 。
依個方法我都連續做左幾日，點知尋日就出事喇！！一返到屋企咪去沖涼做mask，做mask之前咪用蜜糖黎敷下面先囉。點知傻仔敏又發傻勁，「一時」唔小心甘將d蜜糖黏在落頭髮度(留海)，攞清水洗又洗唔乾淨，「夜媽媽」無理由成頭洗啫(心諗有排至乾啦)…我咪運用我d「小智慧」-- 剪少少囉…一剪就唔見再一(忽)，心裏暗叫：「死啦！！一岩一忽…」甘咪再剪…諗住剪齊d囉，最後就剪左2吋…在鏡子望住自己個頭傻笑10分鐘，跟住第一時間去搵小夾子裝飾個頭，睇黎今次都要小夾子隨頭…無一頭半個月都唔洗旨意長得番。
MOS BURGER
終於都去左apm度品嚐在MOS BURGER，依個由日本遠道以來的米漢堡似乎十分受歡迎，排隊等候的人也不少。看看餐牌…平均一個餐都要差不多$40，不過傳說中(雜誌)講到甘好食，幾多人都好…都梗係要試一試。
今天我同豬頭人分別食左Mos Cheese Burger，個包十分香軟，塊牛肉好juicy，略嫌塊芝士薄左d，唔係太夠芝士味。(當然同Ruby Tuesday無得比啦！)
…不過無咩味。田園沙律配千島汁，蔬菜頗新鮮，個d蕃茄同生菜十分爽脆，粟米超甜，應該係日本出品。
http://www.mos.co.jp/index.html
香港騙案真係多
真係唔知係因為人蠢定係貪心
昨日再有婦人墮街頭陷阱受騙，失款60萬元。一名婦人昨早於荃灣楊屋道街市遇上兩名女騙徒，對方藉詞介紹工作，又指事主運氣好可獲神靈庇佑，可作法把其積蓄「倍增」，婦人信以為真，往銀行提取60萬元交予對方放入袋中祈福，其間疑騙徒將錢袋「偷龍轉鳳」，婦人返回寓所開袋檢視始發現袋中現金全部變成「陰司紙」，欲哭無淚報警。
警方數字顯示，今年首10個月共有171宗街頭騙案（涉及金額1140萬元），事主損失動輒數以10萬元計。根據以上數字，我真的有理由相信香港真係有好多有錢無掟洗的有錢人。
機場
機場對我的感覺總是美好的，因為到機場大多數是因為去旅行，而且我總喜歡早去晚返的團種…清晨時分就需要集合的，豬頭人一手拖著行理，一手拖著我步入機場，接著就享用早餐…雖然味道不是太好，但心情愉快…吃什麼都變成了高級的菜式，那種感覺總令人懷念。
今天( 19/11/2006 )因豬頭人要在機場工作，所以我就在機場渡過了一個星期日，在離境大堂裏，旅客熙來攘往，旅行團的團友高高興興正準備出發、外地訪港旅客就忙著整理大包細包的手信、有的則是送別親友。今天我在這裡看到了不同的面孔…我和其他人各不認識，他們可能是居於離我很遠的地方，大家居然有機會在此相遇，感覺真的了很奇妙。
晚上挽著豬頭人離開時…我告訴他「我想每年都要同你去旅行3次吧!」
機場24小時都不停的運作，不停的為人們提供服務，亦為人們帶來夢想。
早上的一個夢
早上起來天氣有點冷，躺在母親大人新買給我的真絲被內，真的不願起床。
在回中心的途中，坐在巴士車箱內關始幻想著…
遠離滿街趕著上班的人群，靜靜的拿著一杯熱朱古力，坐在渡輪上…迎面吹來一股微冷的風…耳邊响著【Everybody’s Changing】，雙腳跟著節奏打拍子…這就是生活。
Everybody’s Changing
（收錄於 Keane 的 Hopes and Fears 大碟）
You say you wander your own land
But when I think about it
I don’t see how you can
You’re aching, you’re breaking
And I can see the pain in your eyes
Says everybody’s changing
And I don’t know why
So little time
Try to understand that I’m
Trying to make a move just to stay in the game
I try to stay awake and remember my name
But everybody’s changing
And I don’t feel the same
You’re gone from here
And soon you will disappear
And fading into beautiful light
Cause everybody’s changing
And I don’t feel right
So little time
Try to understand that I’m
Trying to make a move just to stay in the game
I try to stay awake and remember my name
But everybody’s changing
And I don’t feel the same
So little time
Try to understand that I’m
Trying to make a move just to stay in the game
I try to stay awake and remember my name
But everybody’s changing
And I don’t feel the same
Oh everybody’s changing and I don’t feel the same
當巴士到站時，歌曲唱完了，我又返回現實之中。夢是要在現實中追尋的，為了實現夢想…所以我要努力工作，期望有一天實現自己期盼的那個夢，這就是生活。
墨攻
片中場面浩瀚，在黃土上的千軍萬馬震撼觀眾的感觀。但各人物的性格同內心世界似乎描述得不夠深刻吧！
全片極力帶出反戰和平的訊息，但嫌飾演墨者的劉德華有點自相矛盾，非攻兼愛不是連仗也不應打的嗎??何況片中還屍環遍野…是說出墨家宣揚的平等、博愛（兼愛），以及追求和平（非攻），乃是人類不斷追尋的目標， 而「墨攻」的悲劇結局，是否代表人類這些夢想終是遙不可及，又或是現實的不可能？
全片刻劃得真正突出的，並非主角及守城官民與敵軍鬥智鬥力，而是王志文飾演的 梁國昏 君及其他奸臣庸將，這些自私自利的統治者為了保住政權，殘害忠臣良民，比敵軍更奸險可怕。強烈諷喻專制當權者，就是此片最令人感嘆的悲劇主題。
結尾劉德華帶著一班因戰火而失去家園及親人的孤兒在茫茫大地上向前走的畫面，一方面話比大家知戰火的無情及禍害…另一面像是給我們希望，提醒世人下一代就是世界的希望…只要讓小孩明白戰爭的殘酷…他們就不會因一己之私而發動戰爭，這就是大家的希望。
愛情與面包
如果，作為女朋友的正有此意，不用內疚不用歉意，因為，男人完全能接受女人因為貧窮而蟬過別枝。對女人而言，窮的男人相比起老、醜、大肚腩、光頭…的男人更令女人厭惡。
根本，男人一向都清楚了解「有錢就有女，無錢就無女。」女人在他貧窮時離他而去，於他來說，就如太陽由東邊升起一般自然。男人都明白女人捱窮的能力是十分低的，有情飲水飽的情節通常只會在那些哭哭啼啼的小說中出現。
當然，世界上還有「真愛」同「蠢女人」的存在。當人人無鞋挽木屐走的時候，還會有人根本無想過要離開。如果是要留的話，那麼就要盡一個好女朋友的本分。
(1) 不要再買衣服，若然你的購物癮壓不住(尤其是正值換季的時候)，背著他之時才買吧！
(2) 不要吃得貴，大家樂、吉野家…等是首選。
(3) 咩電影都話唔好睇。
(4) 不知不覺地為他的食物櫃添加食物。
(5) 他正在捱，你就要陪他一同去捱，還要常保笑臉。
(6) 免除一切親朋戚友的聚會。(免去他被問長問短…埋單找數的機會)
(7) 就算你這時候升職加薪，也不要讓他知道，他只會覺得更自卑和更不開心。
(8) 不必為他的一時之氣話而動怒，要明白這是他的負面情緒。
(9) 安慰鼓勵的說話不必常掛咀邊，過多的話只會令人更難堪、低落。
(10) 享受/習慣兩個人之間的寂靜，對大部份心情不好的人…開口說話是一件苦事。
留在一個身處經濟低潮時期的男人身旁是件困難的事，女人不單止要捱窮，更要捱男人的負面說話和態度。但係只要倆人過了此段時期，攜手在陽光下的回顧，依一段同甘共苦的日子將會成為兩人之間的同心扣。
