後尾先知原來今日係日本很多大學的卒業旅行，唔怪之得多人成甘，玩唔成遊戲，我同豬頭人便決定改變方向，將目標轉為食同行街，我們可算係由街頭食到街尾。
我們的為食旅程由鯛魚燒($350 YEN/2件)開始，平平無奇的鯛魚燒都可以好味成甘，唔怪得很多人都說日本通街都有好野食；
接著是波板糖腸($450 YEN)(因為我覺得外型與波板糖一樣)，皮脆肉甜，加點茄汁和芥辣，就已經超好味，因為依條腸…又引發左我同豬頭人的爭奪戰；
金豚包($300 YEN)…限時出籠，手快有手慢無，我夾好時間黎到店子…買下新鮮出籠的大包，雖然說不上好好味，不過明顯食得出D包料好新鮮。
話甘快又話12點，食到七彩的我們…又係時候食午餐，我們在樂園的餐廳裏品嚐了一個火辣辣的火煱，有蟹、豆腐、烏東、金菇、魚…真係包羅萬有，不過間餐廳開晒暖氣…再加上火煱的熱力，食到我標晒汗，所以食左一陣我就拉豬頭人走喇！！
由於我們要趕去新宿行街掃貨，所以食完午餐後，我們到商店購買了點手信後，便啓程出發前往新宿。
( 13/3/2008 )
今朝8點就要離開酒店，時間真係好趕(重要，早餐都係求其食左碗粥配點日式配茶，豬頭人就食左兩件牛油方包，用左唔洗10分鐘，就食完早餐。
臨出發前，我把握機會在雪堆前拍照留念，天光的時候才看得清…原來酒店外的山頭滿是白雪，我甘大個女都係第一次見到甘多雪，雖然係好凍…但係真係好靚，依一刻好想自己身體可以好d，可以同豬頭人去北海道過一個白色的假期。
影呀…影呀…影左多張「雪伴傻仔敏」後，我們便高高興興的離開，向我們下一站進發。我們今天的第一站是「富士急遊樂場」，聽聞富士急有很多『超激』遊戲，真係好想睇下係咪甘勁。
早上9時30分，經過一段頗長的車程，我們終於黎到「富士急遊樂場」，未入場，我們已可感受到場內的氣氛，因為坐在過山車上的遊客發出的尖叫聲，透過空氣向四方八面傳送，那些叫聲…真的令人膽戰心驚。
買了門票後，我們便進場，望見頭頂的過山車，真係未坐先腳軟，依d甘刺激的遊戲，實在唔係甘啱我地，再三考慮後，我們決定向「富士急遊樂場」的超級鬼屋進發，這個鬼屋是已一間猛鬼醫院作為故事的背景，屋內的內容會經常作出變動，以家已去到4.0的版本，遊戲過程需時50分鐘，真係令人好期待。
點知去到入口，見到一條如蛇餅一樣的人龍，討厭排隊的我…望到此情境真係頭都痛埋，本來諗住攞$1000 YEN買張快證，點知連快證都售罄，玩一個遊戲要排成兩個鐘，我實在無法忍受得到。
生、老、病、死，是人生的必然定律，誰也不能逃得過，但是人總就是不接受現實，以為可以走出定律。
以女士們為例，我們每日花在身上的時間，就足以叫男士驚嘆，以我們的面為例，早上先塗爽膚水、日霜、防晒霜、底霜、粉底液、粉底、蜜粉、胭脂、眼線、眼影、唇膏…聽到這一堆，男士己見頭暈。
到了晚上，還有一堆…卸妝、潔面液、爽膚水、精華液、晚霜、眼霜…還有一大堆面膜，當然還包括銀包內各大美容院的會員證。
男士們永遠都不會明白…為 何 女士會為了面上的雀斑已花去數月的工資，他們不明用完一輪激光把30粒變成18粒有什麼分別，這個疑問與為何年過35的女人還穿得一身粉紅撲向HELLO KITTY房間一樣，成為男人世界的一個『謎』…謎底比起UFO、水怪、深山大腳八更令他們費解。
到或女人是天性愛美或是自欺欺人…以為花完錢就=換回青春，我相信是因為女士們都想永遠有一塊好似「碌左殼既雞旦」的面，身材不會變成肥師奶…唔好比有叫太太或者亞姐，我曾經係中心比一D閒雜人等叫亞姐，我即時的反應係「係咪有病…我係亞姐，….(下刪百字)」說到底永遠係愛人懷中的小可愛係每個女人的夢想吧！！
此片有久違了的Tom Hanks和Julia Roberts，所以未上映便決定會去睇，加上之前番睇Tom Hanks的「亞甘正傳」，真係叫人拍案叫絶，所以好戲上場…當然不能錯過，心諗一定會有好戲連場，所以郊遊後便和豬頭人跑的APM睇，就算第四行座位都照殺。
故事講述美國國會議員Charlie Wilson在知己Joanne的協助下，為阿富汗籌集軍費的事蹟。全片有輕鬆的手法談政治，令一切都變得好像很兒戲，搞下講下就可以從政府手上攞到十億美元。
我唔認識Charlie Wilson，或者一如片中提到，他是在難民營看到難民生活的慘況而決定要幫他們一把，但是對於我來說，這不過是「大美國主意」，他們會扶植很多國家，但是當那些話事人不再聽話時，他們不是攻打、制裁、排擠…今天，不要搞錯，當年他不是幫阿富汗，目的只是要蘇聯敗。當他們認為任務完結後，便一聲BYE BYE，溜之大吉，正如片尾所說的” BUT WE FUCKED UP AT THE END”。
說實在，在片中真的無法欣賞Tom Hanks和Julia Roberts的風彩，反而Philip Seymour Hoffman仲可靠搞笑對白攞下分 ，全片本人最喜歡的一幕係一班Charlie's Angels在他身邊團團轉報告事務的時候。
好耐都無去戲院睇鬼片，最近有無大片上場，在無選擇的情況下，和豬頭人在朗豪坊UA隨手揀左套「遺言信箱」。
今次我們去的是6號院，位於第二層…上到去，居然無工作人員收飛，睇甘多次戲都未試過，雖然覺得奇怪…但係可以有張完整的戲票做紀念都唔錯。
套戲一開始，就已經有人遇害，再加埋又係電話預言死亡，諗下諗下…熟口熟面，跟住先記得同日本個套「手機凶鈴」如出一轍，才知原來又係改編電影，避過異度見鬼(即彭氏兄弟的見鬼)後，都係要睇返套改編的。
豬頭人一向唔喜歡將生活必需品同靈異鬼怪連成一體，其實我都覺得有D道理，試想下…如果將電飯煲、電視、風筒等全化成鬼怪題才，但係日日都要用住，甘樣造成的心理壓力都真係幾大。
可能係我超細胆的關係，雖然都知道晒個題材同結局，但係都睇到我好驚，尤其係個首令人唔太舒服的鈴聲。
小記: 個人而言，幾鍾意戲中的女主角，雖然唔稱得上靚，但係覺得好有一種有別那些女明星的氣質。
食完飯後，每人仲獲發一隻代表祝福的紙鶴，我把牠們袋在袋子裏…很喜歡紙鶴的故事，就和大家分享一下。
在第二次世界大戰時，美國在日本的廣島及長崎投放兩枚原子彈，是次的原爆造成很大的人命傷亡，幸存者雖然留得住命，但卻飽受幅射帶來後遺症的痛苦，在眾多生還者中，有一名2歲的小妹妹，她每天都要服用一些藥粉減輕身上的痛楚。對於一個小孩童來說，每天都要食藥受治療，這真是一件痛苦的事，醫護人員為了令小妹妹乖乖的吃藥，所以每天都會送上一隻紙鶴給她，每天吃藥時都會送上一隻。小妹妹在7歲那年離開世界，在她的房間裏剩下很多紙鶴，她的親人把紙鶴串成一串一串，希望這些紙鶴可以祝福世人，世界上不再有戰爭。
我想這也是我的祝願，好了…繼續我的旅程吧！！只從上次大阪之旅後，我已經深深甘愛上左浸溫泉，今次的旅程得一晚有得浸，所以晚飯後便和豬頭人跑回房間換上浴衣，開始今晚的溫泉嘆世界之旅。
換好浴衣…當然要影番兩張相作留念啦！！根據之前的經驗，浸溫泉前前後後加埋起碼要40分鐘，同豬頭人約好時間後，便懷著興奮的心情向浴池出發。這裏有我十分鍾情的「馬油」系列，用完可以由頭滑到落腳。
不知怎的，整個溫泉裏都空無一人，心內有點怕，不過豬頭人經常叫我不要「生人唔生胆」，所以唯有硬著頭皮吧！我先在室內的溫泉浸了差不多10分鐘，上水淋一下冷水，全身毛孔都收縮了，接著我便鼓起勇氣走到戶外的溫泉去，一打開門…嘩…d風就像冰一樣，所以9秒9就跳進水裏。
依度個FEEL實在太好…浸在溫泉裏，望著出面滿地的雪，依種情懷，真令人陶醉，可惜豬頭人唔响隔離，無得同佢分享添！！
經過近半小時的流連，我懷著不捨的心情離開，不過走之前我當然記得先塗埋馬油的body lotion啦。正當我還回味緊溫泉的舒適時，見到豬頭人好不耐煩甘坐左响休息間等我，原來佢靜英英…唔敢一個人浸，仲要比佢鬧話我甘遲出黎，真係慘！！！
時間已經係晚上10時，唔知點解浸完溫泉個人好似特別攰，所以好快…我就係軟棉棉的床上睡著了。
天寒地凍肚又餓，梗係要揀D飽肚又暖笠笠的食物啦！！經過我的精明選擇後，揀左「罐裝即食粟米湯」($150 YEN)，金黃色的罐子已十分吸引，搖兩搖…打開樽蓋，忌簾粟米湯的香味隨之溢出，喝下一口…粒粒分明的粟米，基本上與家中煲的無異，真的不得不佩服日本人對便利和食物的結合和追求。
邊喝湯邊打彈珠機，玩左近$300 YEN…一D收獲都無，正當諗住去睇下豬頭人滑雪雄姿的時候，他的聲音便出現在身後，問他為何不玩耐點，原來他已無晒力…哈哈…看來這項運動也不太適合我倆吧！！
下午4時15分，在滑雪場買了點零食後，我們便開始啓程到今晚的酒店。今晚我們會住在傳統的溫泉酒店，名為「蓼科溫泉酒店」位於白樺湖附近，車程較遠，經過約兩小時的車程，天都開始黑了，在車上迷迷糊糊的睡著了，不知為何身子越來越寒，窗外漆黑一片，朦朧間見到地下佈滿了積雪，我想我們正向地勢較高的地方進發。
晚上7時，我們終於到達了「蓼科溫泉酒店」，酒店的員工都到門外歡迎我們，感覺真的很親切。酒店外的山丘積滿了厚厚的雪，想不到3月還可見到那麼多雪，這可算是今個行程的意外收獲。
回房間後擺放好行李後，因我們今次是一泊兩食，餓極的我，第一時間拉著豬頭人到餐廳食晚餐。今晚的定食晚餐非常豐富，包括沙律釀蟹蓋(我十分喜愛的菜式)、蟹肉麵鼓湯(日本的麵鼓湯真係好味過香港好多)、醬油煮烏東、日式冬菇蒸旦(滑啫啫…正)、汁煮雞件、紅豆糕(紅豆味濃到爆)。
下午的重頭節目是【滑雪】，我們經過了近兩小時的車程，終於到左『天神山滑雪場』(傻仔敏一路諗…到底同IQ博士的天神村有冇關係呢?!)，見到白濛濛的雪，牙關不禁打震，真係好凍…凍到開始面青青，好在豬頭人十分耐寒，可以將部份衣服借用給我。
豬頭人對於今天的滑雪活動明顯係「未出發先興奮」，唔知點解佢似乎覺得自己係依方面既天才甘。我們入到滑雪場，見到有好多本地人响度滑來滑去，久經訓練的確係唔同D，我們每人比左$4500 YEN，租用了一套滑雪用具後，正式開始今天滑雪旅程。
首先要著上那雙又硬又重的滑雪鞋，之後幾經辛苦，將鞋子套上滑雪板上，依一刻深深甘明白到何為「舉步為艱」，在寸步難行的情況下，真係一步一驚心，在山坡下…我用盡九牛二虎之力，都未能向上行出一步，行一步…轉頭又「sir」返落去，真係落命。
豬頭人叫我放胆去試，甘我咪一鼓作氣…「sir」落山，個速度實在係太快，我一路叫…一路衝…點知停唔到，正當我不知所措之制，唯一方法就只好「自己趺係度」，趺到個pat pat超痛，最慘係趺左係度…起唔到身，坐在响雪上面又凍，用左成5分鐘先起到身，條褲濕晒，依一刻先知…原來滑雪係一項非常消耗體力的運動，經過20分鐘，不斷的又上又落…又起又趺，令到我體力急速透支，最後要宣佈棄械投降。
豬頭人仍興致勃勃要再闖高峰，所以我就自行去到有「暖氣」的商場抖下先(依一刻暖氣真係好重要)，用左甘多力，肚又開始餓，所以去販賣機…睇下有咩好野啱食。
大象亞鈍身大心細，從一粒小小的塵中，發現了有另一個世界的存在。此片與一貫的卡通片一樣，以輕鬆惹笑的方法帶出一點小道理，加上熟悉幽默的配音，令人享受愉快的個多小時。
在亞鈍的身上，讓我看到無比的勇氣，很多時候，人們都無勇氣去為自己所信相的去爭取，但是亞鈍卻勇於去堅持自己所相信的，縱使身邊所有人都認為他是傻子，但他仍不會因此畏縮。
對於亞鈍的那種無私的思想，真的令人感動，他不是為了自身的利益，為的就只是「就算再細的生命，都有生存的權利」，他排除萬難，就是要保護一班細小得所有人都看不到的生命。希望那些虐待小生命的人都可以學懂這個道理，尊重每一條生命。
今日的午餐在魚市場附近，不過時間已是下午時份，所以冇海鮮食，求其食完個雞窩定食後，我們便到附近的小店買手信。
這裏的小店有好多「信州限定」，我被那些七彩繽紛的電話繩所吸引，最後買了一條「風火山林」造型的HELLO KITTY($460 YEN)，這裏有很多巨峰提子的產品，這些當然都成為了我的搜購目標。
除左買手信之外，豬頭人還試了牛奶製的雪糕，貪心的他…一次過點了款味道，包括了雲尼拿、白桃、巨峰提子味，$300 YEN非常大杯。
臨起程前，我們先到岸邊影下相，可惜唔夠時間玩天鵝船，因為見日本卡通片好鍾意拍拖坐天鵝船，下次有機會都要感受一下。
( 12/3/2008 )
今天早上6時未夠就要起身，因為今日會到富士山附近的滑雪場滑雪，時間十分緊迫，食完早餐…望下錶，都只不過係7時多，比起平日返工還要早。
今天的早餐都算豐富，我吃了一大碗粥配上日式的泡菜和魚等，非常滿足。接著我們便離開市區，向富士山進發。
由於路程都頗遠，所以我在車上都把握時間訓覺，儲充精神，過了個多小時，坐得腰背也有點酸痛，所以便在中途站停下來休息一下，今天的天氣只有2至9度，穿了厚厚的衣服也不敵寒風，下車後急急跑到便利店買了熱烏龍茶($150 YEN)及熱咖啡($120 YEN)，日本最便利的事就是隨處都有販賣機，而且種類繁多，絶對可以滿足到大家的需要。
走動了10分鐘，我們又繼續出發，途中我們到了「香草園」，由於這裡是採用溫室種植，所以冬天都可以有花睇。豬頭人攞住部新相機，响溫室裏面不停影，話自己影到好似post card甘既質素喎。
係佢影相的同時，我就把握時間睇下有咩買，見到依度的便利種子，開出的的花十分悅目，所以買了一包給豬頭人的媽媽($1000 YEN)。另外還買了溫室提子乾($600 YEN)、玫瑰花茶($350 YEN)，估不到在香草園都有甘多收獲。
離開壽司店後，我們便啓程回酒店，今晚我們入住的酒店池袋的「太陽城太子」，雖然酒店唔算大型，但係都算舒適，放好行李後，我們便出去感受一下池袋的晚境。
估唔到夜媽媽…街上都仲有甘多途人，街上的食店林立，很多還是24小時營業，不過實在太飽，所以我們都係決定先四處逛一逛先。
第一站，當然係我的天堂「黃色招牌藥房」，一入到去…旋風式買左HYTHIOL-C、DHC的化妝品、KOSE卸妝油、唇膏…等，買左好多野都係$1500 YEN埋單。接著便是豬頭人的SHOW TIME，他決定到夾公仔的店鋪作出挑戰，雄心萬丈的他…拿著數百YEN諗住可以大豐收，但係經過一次又次的挑戰後，已用了成千YEN…可惜都係無收獲，死唔憤氣的豬頭人，唯有轉向低難度的夾公仔機，最後終於比佢抽到一個「超迷你」ELMO，哈哈…佢好似中左大獎甘，歡歡喜喜攞住個小公仔離開。根據我的計算，這個「超迷你」ELMO約值HK$100。
經過一輪活動，消耗了不少體力，開始有點肚餓，豬頭人話要試下好似D日本人甘坐响街邊的木製檔口度食野，我依個絶世好女友，當然唔會SAY NO啦，最緊要佢鍾意麻。
晚上天氣漸冷，寒風呼呼，對於怕冷的我來說，真係有點辛苦，所以個心停諗『快D…快D』希望碗面快D到，等左一陣，豬頭人的「义燒拉面」($900 YEN)和我的「蒜蓉拉面」($700 YEN)上枱，望見碗面…令人流晒口水，先試下啖湯底先，估唔到攤檔的質素都會甘高，唔怪得豬頭人成日話日本邊一度的拉面都好食過香港個D，碗蒜蓉拉面真係好食到爆，又香又濃，第一次食到生蒜配拉面，即時成為登入我的至愛榜。
食完拉面，梗係要食返D甜品，於是走去酒店內的SUPERMARKET內買左條森永煉奶紅豆雪條返房食。
在東京的第一天在食完條雪條後完結，因為要早D訓迎接明天滑雪的挑戰。
