終極大富翁之誕生

7/4/2007

今天是個益智日, 首先係亞賢居然無飲酒...第二係我地係maze進行了---大富翁---大比拼.

一場世紀大決戰係maze內展開, 時間係漆晨十二時...參加者包括了傻仔敏,豬頭人,亞賢,亞堅,ricky ba及kit ma

响派發好萬五元本金後,各參賽者選定好代表自己的棋子...傻仔敏:騎士; 豬頭人:豬; 亞賢:車; 亞堅:大炮; ricky ba:沉船; kit ma:花. 之後一場風雲色變的大富翁比賽正式開始...到底會鹿死誰手!!!真係好緊張.

一開始由傻仔敏先擲骰,各人都想盡快完成第一圈...因為第二圈才可買地,當各人都開始進入第二圈時,亞堅才完成了第一圈的一半路程,明顯落後...不一會豬頭人已成了大地主, 有三分一的士地都落入他的手中,kit ma都不甘示弱...投得大部份貴價地皮, 而傻仔敏亦一直穩守其後.

到了第四圈,剩餘的士地已所剩無幾, 亞堅仍係無物業响手. 亞賢更榮登(頭號壞旦)榜首...因為佢有一半時間都係坐監...所以佢無咩機會可以投地. 而ricky ba都唔好得好多, 來來去去都係得銅鑼灣,唔值錢的赤鱲角...同個車站.

本來諗住亞堅一定會係第1個破產...點知係依個時候出現了急劇性既轉變 -- 比佢買到塊最貴既地...地王太平山, 仲要好運到成日抽中機會咭中的(漫步太平山), 不一會佢已經响太平山起左3層樓.而傻仔敏就經歷了(大起大落的一分鐘) --- 在獄中的我擲中孖骰,本來可以立即出獄...點知行中抽機會咭...一抽...抽中即時入獄...人生係幾甘變幻無常,响依一刻我真係深深甘體會到.

決戰已進行了差不多兩個鐘了,各人仍不言敗,希望成為(終極大富翁).由於各人都怕左不幸到達亞堅的太平山...所以都步步為營.亞賢同ricky ba都採用了消極的方法 --- 坐監, 打死都唔出黎. ricky ba 同亞賢仲响獄中隔岸觀火, 諗住睇下傻仔敏幾時破產...但係我越戰越勇...唔會甘易認輸.

此時...豬頭人突然大叫, 眾人以為佢抽中入獄咭, 點知佢回答:[仲慘過坐監...我抽中漫步太平山]身為大地主既佢...身家唔見左一大半, 亞堅就憑一塊地...成為了財主.而亞賢响此時不幸連番踏中傻仔敏的土地, 要抵押物業予銀行...最終都要破產, 成為第1個出局.

ricky ba好似對我情有獨鍾...下下踏中我地盤...賠下賠下...終於又破產...第2個出局. 佢一破產...就話急尿, 標左去廁所,睇黎佢真係好投入...

到底邊一個會係第3個出局...依個時候最多錢既係亞堅同傻仔敏...傻仔敏堅決要成為終極大富翁, 所以到依一刻都並未有鬆械. 豬頭人又踏中傻仔敏名下既旺角...賠好多錢...佢手上的資金已所餘無幾, 佢惟有抵押土地予銀行...似乎佢都快將出局.

誰不知kit ma隨即又踏中旺角...宣告破產, 豬頭人真係好運(可能關鍵就係kit ma之前用5千蚊買下豬頭人的出獄咭~)歷時4個鐘的大富翁比賽結束,經點算後

傻仔敏成為終極大富翁.

 

讓我告訴你們 (2)

 

世界每天都在轉動，社會裏的每事每物都變得繁雜，人與人之間的隔膜一天比一天增厚，每天在生活中浮轉，人們好像都在為將來拚搏，但到底係為建立一個怎麼樣的將來…可能連自己也不知曉。2006年3月…命運讓我和豬頭人碰上了你們，在茫茫人海中居然能我們大伙兒碰上，彼此之間只有純純的友誼，世俗的金錢、工作、紛爭全併諸門外。大家會為聚會而去更改行事曆、會去關心彼此、會為彼此的生日準備…我想…我們真的是戀愛起來了。

經常都給朋友「投訴」，話我口齒不清，我都承認自己實在是不太懂得說話。沒有漂亮說話的我…只好把想對你們說的化作文字，讓文字訴說我對你們的感受吧！讓我告訴大家…朋友們…我真的愛你。

 

亞Fi

 

同你相識了短短的5天，相處的時間不多，但憑你唔識游水去大海玩滑梯；三更半夜一個人走去蒲，真係比你嚇死，我對你的印像就覺得你好以似「superwoman」。你唔止有成熟的一面，玩起上黎你又會非常投入，泳池球賽就可見一斑。

『Welcome to be our member！！』下次輪到你帶我們到宿霧走一轉啊！希望你今年在工作方面可更上一層樓。

 

 

 

亞堅

 

第一次見你時，你的說話不多，而且樣子有點cool…所以都不敢跟你交談(因為我有社交焦慮症害怕跟與陌生人交談)。但當我見到你和炭頭取出自攜的浮台時…我即時擰轉頭狂笑，心想：「他們是不是傻的帶甘大個浮台還有泵氣棒來…係唔係想同沙灘個浮台鬥大。」

今次旅行加深了我們的認識…知道你除左係有錢佬、fing頭堅同埋粒鑽石係堅之外，原來你都好玩得，我以家唔驚你喇！而且仲發現你好細心添！多謝你响泳池送暖借我大毛巾…

歡迎你加入成為我們的會員…期望你會享受與我們共聚的時光。

 

 

 

 

Kit ma

 

不知何時你已變成了我們的ma ma，由於我對人總是不太會自動親近，所以對你一直沒太深的了解，直到上次在按摩室的真情對話後，開始加深了認識，現在不再只是酒肉團友了。

謝謝你同Ricky ba响行程裏面對我們依班麻煩友的照顧、謝謝你們每天的morning call、謝謝你們經常對我們作出溫馨的提醒，知道你們的首選一定不是峇里，但都遷就我們。衷心的感謝你們…因為你們使我們的旅程變得既歡樂又安全。

希望你身體健康，還有未來的book位、聯絡工作的重任靠你了！

 

 

 

 

Ricky ba

 

第一次响機場見到那個担著牙籤、凶神惡煞的麻甩佬，我仲同豬頭人講：「你估個個男人會唔會撩到出牙血(我非常唔鍾意人担牙籤)」，估不到今天你會成了Ricky ba，可能見得你多了…還有你經常做一些不合乎年紀的白痴野，所以覺得你的樣子好像變得善良和順眼了。

當我聽到你同Kit ma之間的「愛情故事」時，我一下子哭得像豬頭…估不到你居然會是一個情深義重的人，人…真的不可以貌相。所以以家你係响「傻仔敏紀錄冊」內的「絶種好男人」一項內暫時穩奪第一名。

謝謝你…因為你令我們知道…「愛」仍存在，希望你和Kit ma永遠相親相愛。

 

 

 

 

亞賢

 

你的確是一個出色的領隊，你會為大伙兒安排好一切，大家都可以安心的跟著你就可以。有的出現的地方，便會熱鬧起來，你總像有用不完精力似的。

但是不知所謂何事，今次的你…好像變得沒精打彩，希望你可以重拾笑臉啦！

整個旅程都由一句說話想對你說：「喝少d酒啦！！」好希望見到充滿笑臉的你。

期望再有機會品賞到你的手藝，那趟BBQ的美味至今仍令我不能忘懷。

 

 

 

Peter兄

 

與你的友誼真的是可用「不可思議」來形容，估唔到我們可以沖破年齡，成為忘年「老友記」。你响「傻仔敏紀錄冊」內已榮升「爆笑金句王」，王者地位無人能及。

當我同豬頭人無無聊聊時，經常會重溫你的笑話，就算你面無表情…但係都好好笑，你的爆笑種子就好像是在骨子裏散發出來似的。多謝你為我們帶來無限的歡笑。

我一定會記得為你物識一個美女，我已替你們取名為「美女與彼得」。告訴你一個埋藏我心內的秘密….『你真的很似許紹雄…GO..GO..GO』

 

 

 

亞康、亞MAN、LONELY

 

雖然你們今次未能與我們同行，但是我們並無忘記你們啊，你們的名字總如影隨形…大家的口中總掛著你們。很希望下年你們可參加我們一年一度的約定。

亞康…很期望可再看到你獨門的「瘋狂鴨仔舞」，希望你今年工作順利，搵多D錢…

 

亞MAN…你就好像故事書裏出現的大姐姐，好溫柔，很喜歡見到你臉上那甜甜的笑容，每次收到你的SMS都會好高興，就像一個不常見面但永遠親切的好朋友一樣。希望妹妹快樂健康…我相信這是對你最大的祝福吧！

 

LONELY…說實在…現在我已不記得你的真名，LONELY已成了我們對你的暱稱了。LONELY妹…妹記得要多些參與我們的聚會啊！！

讓我告訴你們 (1)

 

世界每天都在轉動，社會裏的每事每物都變得繁雜，人與人之間的隔膜一天比一天增厚，每天在生活中浮轉，人們好像都在為將來拚搏，但到底係為建立一個怎麼樣的將來…可能連自己也不知曉。2006年3月…命運讓我和豬頭人碰上了你們，在茫茫人海中居然能我們大伙兒碰上，彼此之間只有純純的友誼，世俗的金錢、工作、紛爭全併諸門外。

經常都給朋友「投訴」，話我口齒不清，我都承認自己實在是不太懂得說話。沒有漂亮說話的我…只好把想對你們說的化作文字，讓文字訴說我對你們的感受吧！讓我告訴大家…朋友們…我真的愛你。

豬頭人

 

知道你同我去旅行實屬苦樂參半的一件事，除了要一個人背負著4個人的行李(包括亞傻和亞呆)，最大困難係要照顧我依個極度麻煩的傻仔敏，論論盡盡、傻頭傻腦但又偏偏不知天高地厚，經常亂沖亂撞，一時又話肚餓；一時又話眼訓；一時又話暈；一時又話嘔，但你從來都無怨言，記得你每次回程飛機起飛的時候你都會對我說：「半年後再同你去第二度啦…」

踏入第7個年頭了，我們除了愛情外還變成了知己，互相去感受、互相去分享，期望未來的日子仍可與你並肩走過不同的地方。

感謝你對我的愛護和照顧，希望你工作順利愉快！

 

 

 

 

亞水

 

還記得第一天在機場見到你的時候，我同豬頭人講：「你睇下個個金毛飛，佢拖住個個係咪佢呀妹呢？！如果唔係佢就係拐帶未成年少女，佢會唔會衰11呢…」回想起來都覺得搞笑。

認識了你一年了，雖然你年紀比我還少，但總覺得你像個大哥哥…粗枝大葉的外表下原來極為細心，時常會照顧其他人…豬頭人一句簡單的戲言，你居然真的在馬灣拾來一堆石頭予他，你對朋友的真誠實在令人感動。很高興認識到你！

今年你要積極點…比心機返工不要時常缺勤啊！還有從旁支持詩敏..她又返工又讀書好辛苦嫁。

 

 

 

 

詩敏

 

小小個子的你卻有著大胆子，上天下海都好像天不怕地不怕。知道嗎？…你是我認識的女孩子當中唯一一個不怕曬黑的，配上你的笑容就令人覺得愉快…，有令人開懷的能力。很喜歡你其中的一幅相片，你著上泳裝、微濕的頭髮、燦爛的笑容，誰會不疼惜這小妹子呢！

看到你和亞水的背面，就覺得你倆是天造地切的一對，雖然他有時是有點『頑皮』…但是我真的感到他是很痛惜你的…有一個愛護自己的人是不容易啊！真心的祝福你們。謝謝你每次都有老遠的工作點趕來出席我們的聚會。

你一面要返學…一面要應付工作要，比心機啊！但切記不要太勞累吧。

 

 

 

 

亞詩

你給我的感覺就像一團火，你對著任何人都可以「b哩巴啦」甘將自己的感受講出黎，每次與你一起時…總覺得像受到保護，你總是會為身邊的朋友抱不平…就像一個不知天高地厚懷著正義的小伙子。對著你似乎不需要太多的思想，因為知道你不會把說話修飾，真心的說話是最難能可貴。

那次在按摩房內聽到你的傾訴後…你知嗎？？到現在還在我心中發出迴響，連我自己都不知所為何事，或者是因為我太想你能開心了…我很想你可以得到幸福，不要迫自己做一些不開心的事情，身為局外人的我，做到的就只有在旁支持…一切隨緣就是吧！

 

 

 

 

小黑

 

認識了你還不夠兩個月吧…但你的笑話已成了我日常的小娛樂。【小黑】這真是一個十分貼切的名字，在黑暗之中真的是融入當中…不費點功夫也看不到你。

時常想…為什麼你會有那麼多的話說？好像說三天也說不完似的…後來聽到你說常自閉在家，開始有點明瞭你為何會那麼多口。雖然你有缺點 – 多口、太多口，但有一點我是心的欣賞你，就是你的大量，你好像怎玩也不會動怒。

記得你講過因為當我們是朋友，所以會同我們講心底話，是的…謝謝你的多口，因為證明你把我們當成朋友，謝謝你把我當造朋友…告訴你…今天你也是我的朋友了。

如果亞水唔聽你講公司的小事，盡管打給我盡訴心中情，我絶對樂意傾聽。

 

 

 

 

12隻暴龍遊峇里Bali (Day 3) -- 下集

 

23/3/2007 (星期五) --- 下雨天

7:30 pm 到達晚餐的地方 --「金滿樓酒樓」，依度有d海鮮响魚缸內游下游下…唔知今晚有冇海鮮食呢！一坐低…嘩…好肚餓，勞動過後真係特別肚餓，首先飲番碗熱騰騰既湯先，跟住就食呀食呀，樣樣都好好味，我地仲另外加菜：蒸大帶子、炒蟹、燒鵝，填飽好肚子後，心情都即時好起來。

 

9:00 pm 夜遊KUTA…我地幾乎每晚都會黎，不過就無行過商場，所以我地就湧去商場購物LU，一入到去第一時間食杯雪糕先…超好味，今次行程推舉左Ricky ba做呀公(即負責揸數，比錢、埋單)所以好輕鬆，好似唔駛比錢甘，攞住杯雪糕就轉身行人。

豬頭人又走去POLO度買裇衫，佢既購物慾比起我還要高。之後大家都走晒去埋手信，我地當然記得買野比亞MAN、亞康同妹妹啦(係3隻木製貓咪)！！跟住連我都有收獲，買左一個黃色的籐籃~好開心…豬頭人另外買左d木製杯墊等送比豬媽，亞詩同詩敏就狂掃小精品做手信。我同小黑仲玩樂器…合奏左一曲，不過其他人似乎唔太欣賞，話我地製造嘈音。

詩敏同亞水仲買左Doughnut比我地食…之後我地就開開心心甘坐車返酒店喇！！

 

11:00 pm 返到酒店，Peter兄又話肚餓…跟住大家又出過去，我、豬頭人、詩敏、Kit ma實再太累，所以就留守酒店，見到大大盒的Doughnut…流晒口水，為食既我…做左一個自私的決定…就係唔等佢地…自己食…真係好好味…外脆內軟…。本來諗住等埋佢地返黎…但係最終不敵睡魔…訓著左。

 

 

12隻暴龍遊峇里 Bali (Day 3) -- 上集

 

23/3/2007 (星期五) --- 下雨天

7:00 am Morning Call

 

7:30 am 食早餐，因為今天會去玩激流，所以我「特登」食多d野，要有足夠既體力先得麻。

 

8:30 am 第一站先黎到海龜島，由於今天天色陰暗，所以我們乘坐玻璃船也不能看清海中的魚吧！一看到海龜島，第一個感覺就是原始，島上只有數間草屋。

大伙兒第一時間跑去親親海龜，大大小小的海龜給大家左弄右弄…眼都有點花了，豬頭人對那些海龜似乎深感興趣，笑得眼睛成了一條線。PETER、亞賢、小黑抱著那些大大的海龜，高興的有如在波波池裏的孩童一樣。

接著還有鷹、蛇、大咀鳥、蝙蝠…等陸續出場，他們就一個接一個的拍著照。

 

10:00 am 來到了南灣，天開始下起毛毛細雨來，感覺到一絲絲的冷意，所以對水上活動都提不起興趣來，亞賢、亞水兩人就什麼都不怕，跑了去玩水上電單車(US$15-)和Wakeboard(US$15-)。其他暴龍就响岸上面吹下水、合下眼訓。

 

11:00 pm 午餐黎到市中心的「敦煌酒樓」，在場有唔少食客，我諗依度應該都幾出名吧！一碟一碟的菜上枱時，發現真係唔錯喎，樣樣都好好味又新鮮。食完飯之後，我同豬頭人仲搶先去supermarket買小食，我地仲買左d地道咖啡做手信。依度的扶手電梯係會感應到有人行先會自動開啓，大概是為了省電的原故吧。

12:30 pm 跟住我地就出發去玩激流，一行十二人乘坐一架不太大的van仔出發，車程預計係個半鐘。由於剛吃飽，加上車內有點局促(基本上bali太部份的車子、商場、酒吧、飯店都不會有太足夠的冷氣)，一開車我已預計到自己會暈車浪，Peter兄仲同我講：「導遊話個半鐘，你預一個鐘就得喇！！」Peter兄的話等如為我打了一個強心針，燃點了我的希望之火。由於車子係一直上山，道路像九曲十三灣，我惟有利用我的獨門秘方對抗暈浪---就係「訓覺」，過了不知多久…車後一陣喧嘩，車子突然停了下來，原來亞Fi要嘔…見到佢面都青埋，真係好辛苦甘。訓到朦朦朧朧的我問Peter兄：「你又話一個鐘到既，以家都個幾鐘喇喎？！」點知原本用非常肯定語氣答我的Peter兄，佢以居然話：「我估計啫，我點知原來個導遊甘準誠既啫！」我真係比佢吹脹…仲以為佢好醒…原來當我豬頭炳。

經過差不多兩個鐘頭的折騰後，我地終於到達激流的地方，大家一個又一個的戴上安全帽及救生衣，亞詩見到男士們被戴上「綠帽」，第一時間給他們換掉，她說唔好意頭。看見自己著上救生衣後的模樣，就像一隻活生生的龜。影過大合照後，我們便出發到激流的起點，原來去起點都唔係甘容易，要先行過一段又長一直的樓梯，由於一直下著雨，梯級又高又直又無扶手…真係一步一驚心。行左差不多15分鐘，終於去到起點lu，一隻一隻的橡皮艇已準備好待我們使用。由昨晚開始雨一直在下，所以水流變得比較急速，今次的激流旅程應該會很刺激吧！！

12隻暴龍分為3隻船：(1) 亞詩、亞賢、亞Fi、亞堅；(2) 傻仔敏、豬頭人、Peter兄、小黑；(3) Ricky ba、Kit ma、亞水、詩敏。其他團友再各自分船，8隻船浩浩蕩蕩甘下水。小黑同Peter兄異常投入，個船伕猛甘叫「STOP、STOP」佢地都好似聽唔到甘，豬頭人幫手大叫佢地停先聽停，有一段路我地要上岸行，水流好急，要好小心甘慢慢行，我一唔小心就比水沖左隻鞋去，要勞煩眾人幫我追/執鞋，亞詩一個飛身就幫我執番返黎，超「勁」。開始左唔夠10分鐘，小黑佢已經好似發左癲甘，起勢甘UN…隻船又撞石…之後勁入水，我半個身都入左水入面，幾驚險。望住前座的小黑同Peter兄，有如痴孖根的起勢UN，真係笑到我同豬頭人爆肚。

大約過左半個鐘，大家都漸漸熟練，越玩越投入，開始識得避阻礙物，雨越下越大…大得打在身上也有點兒痛。途中我們停在一個瀑布休息，Peter兄好似一個交通警甘走向瀑布，佢好似真係好鍾意依度，之後佢仲忘我甘走到瀑布底玩水，我、豬頭人、小黑見到依個情景真係即時『O』晒咀，笑到眼淚水都標埋。之後亞Fi仲同佢「情定大瀑布」添！經過船伕九萬幾次的催促…Peter兄終於肯繼續出發。

一上船，我們才發覺雨比頭先大了很多，水流比之前更急，小黑同Peter兄撞向石頭的次數更明顯增加，一撞…他們倆個就好像一隻反肚的Cockroach，好嘔心…最大劑係小黑一訓低就唔識爬番起身，係甘『宅』住我隻腳，超痛…佢仲要踢都唔起身，豬頭人要死推佢先坐得返，點知唔夠10分鐘佢又會再反肚~

個左非常搞笑、刺激的一個鐘…黎到至『激』點，就係連人帶船沖落小瀑布，沖落去個下離心力都係好勁，我仲特登尖叫嚇下後面個d船。今次的激流之旅真係好好玩，好在夾啱落雨，刺激d同唔曬，真係perfect。不過事後就發現隻腳爆左微絲血管…正是小黑的傑作。

一上到岸…大家都已全身濕透，Kit ma更凍到面青全身震，大家都十分担心…見到Ricky ba更係焦急非常，好在Kit ma過左一陣無咩事啫。但係依度既更衣設備十分簡陋，得凍水沖身…比凍水照頭淋既我(唔知係咪頭先飲得太多河水…又係小黑做成的)，我開始出現頭暈…之後仲嘔吐大作。好不容易行完條樓梯去到停車處，點知架車又死火，這時又下大雨，我同Kit ma、詩敏、Peter兄只好坐在車上待船伕們推著架車，點知車內突然傳出火水味，Peter兄第一時間落車…留低我地幾個「病人」响車內，真係無情無義。經過船伕們的努力…車子終能啓動，12隻暴龍拖著疲累的身軀回程。

 

 

 

 

 

 

12隻暴龍遊峇里Bali (天崖海角篇)

又一個財政年度喇

又到了每年埋年結的時候了，每年在依段時間都忙得一頭煙，又要趕數、做Accrual、Renew Contract，真係多到一蘿蘿。

一到埋年結，就會發展時間的飛逝，一年一年的過，轉眼間已在中心第六個年頭。由當初的一無所知，到今天的略有所成…(嘻…真的是略有吧！！因還是經常的胡里胡塗)，回想起真的是一段很長的時間吧！

忙完手上的工作後，會有五天的假期，希望可以好好的享受一下，之後再為來年的工作努力。

12隻暴龍遊峇里Bali (Day 2)

 

22/3/2007 (星期四) --- 天晴+清涼

 

7:00 am Morning Call (我同豬頭人都唔願起身，真係好佩服ricky ba同kit ma可以6點起身)

 

7:45 am 酒店食早餐，我食左牛油多士、大陽旦、雞肉腸、粥…減肥計劃統統唔記得lu，因為今日要去Quicksilver，所以亞堅先整左2粒暈浪丸比我、豬頭人同亞kit食，我問佢：「2粒甘多…得唔得嫁？！」亞堅佢非常『堅』定甘對我講：「無問題…依隻係無睡意的。」我見佢甘有把握…緊係信啦！！咕一聲就食左落肚。

 

 

8:45 am 坐旅遊巴到碼頭，乘坐客船到Quicksilver的大浮台去。响船上面…我既活動時間不過係食左粒話梅(由Kit ma提供)同影左一、兩幅相，腳就開始有點兒浮，起初我以為自己眼訓，但當我訓左成個鐘之後，上到浮台…依然成身無力，眼見Kit ma同豬頭人同我的反應一樣，依個時候我十分肯定問題係响「fing頭堅」身上，佢一定係寶藥黨…今次真係比佢害死，信錯人…

 

11:20 am 對任何玩意都提唔起興趣，食左一餐唔太好味的午餐後就同豬頭人上左甲板度晒太陽(=訓覺)，攞件衫笠住個頭…就大覺訓，心內不停咀咒「fing頭堅」，好快就訓著左。訓下訓下…隻腳有d痛，原來係陽光太勁…晒親，依個時候小黑就黎叫我地坐玻璃船觀光喇！！

我拖住軟弱無力的身軀，坐上玻璃船，對於外面一條又一條的大魚…都提不起興趣，只想躺下。大伙兒都在叫囂…不知者還以為他們看到恐龍~ ~ 之後我們去了一個不知名的小島，這裏有海龜、鬥雞…大大個的椰青…不過我統統都不感興趣，我只顧坐在涼亭下小睡。就係「fing頭堅」令我無左今天的行程，我必要向他追討US$170-(Quicksilver每人US$85---我同豬頭人兩個)

3:00 pm 之後既行程就係去做SPA，我對依個SPA係充滿期望，因為BALI的LULU SPA好出名，聽聞可以做到全身滑啫啫，當到達「ARUM SPA」的門口，開始有點遲疑，因為依度一D都唔靚，同我之前做SPA的地方差九皮，不過黎到…唯有硬著頭進去吧，室內昏昏暗暗，雙人房間也不太大。原本都無什麼期望，但當技師按摩時，真係「叮」一聲…超級舒服，佢按得好夠力，好舒服好享受。但舒服過後…悲慘的惡夢正式開始，因為我開始做「Fruit LULU Spa」，療程首先在身上搓滿一層綠色的LULU，個一刻真係凍到爆…D冷氣不停甘吹住身上的LULU，個種凍…簡直係凍到入心，全身的毛孔急速收縮，真係攞命。好不容易等到技師擦走身上的LULU，但係原來「好戲」在後頭，响我以為脫苦海的時候，技師又開始响我的身上搓上另一種漿(Avocado味)，今次仲難頂…簡直凍無法形容，係入心入肺個隻，係依一刻…就算你話比我聽做完有幾靚都好，我都係唔會理…所以我未夠時間都走去沖涼，沖走左身上的痴立立液體，個人即刻舒服晒！！事後大家都不約而同叫苦連天，依2個鐘頭真難捱。(後記：不過做完真係好滑，豬頭人隻腳滑到好似塊鏡甘…勁令)

 

7:00 pm 玩左成日都開始肚餓喇！！今晚的晚餐是「印尼風味餐」，一坐低望見周圍都無咩人…心諗依度一定唔好食啦，望見食物的賣想實在不太吸引，但係肚餓…咩都食住先啦！食食下…發現原來都幾好食喎！炸魚、芭東牛肉、炸蝦、豆腐…都好好味。

8:30 pm 食飽之後我地有轉場喇！今日黎到KUTA的商店街，好明顯依度係峇里比較旺的地方，商店林立，但係有一點好奇怪，就係唔知點解每行兩、三步就會有一間POLO、QUICKSILVER、ROXY、LEVIS，不過QUICKSILVER、ROXY、LEVIS同香港差唔多價錢，唔洗考慮，而POLO就平三分一至半價，都算買得過，豬頭人都買左幾件恤衫，次次佢都有收獲。

 

行下行下…忽然有個男人走埋黎派抽獎咭比我地，豬頭人就抽左一件衫，我就抽左US$1000-…下無程程中獎，真係有D唔對路喎！！！但係後來經10隻暴龍的提醒後…發現應該係騙局，我真係好唔開心 ~~唔係因為無錢…係因為估唔到甘衰，呃遊客，之前去旅行都未試過，令我對BALI留下壞印象。

 

9:30 pm 找了一店子先吃點東西，美味的沙爹串燒，那個沙爹醬令人拍案叫絶；鋪滿了芝士的pizza；印尼炒飯…最喜歡是飯上的太陽旦；香口的印尼炒面…還有那杯美味的Fruit Punch，好滿意。

 

10:30 pm 食飽後…忘記了之前的回憶，我地繼續去happy…我地坐的士到bar狂歡。今次我們選了更高格調的地方，白式的外牆…帶了點歐陸的色彩，怪不得店內大部份均為外籍人士。這店的名字「MACCARONI CLUB」，今次我點了杯Lemon Squash，味道不錯。我同PETER兄仲狂隊咸爆谷同炸紅豆，原來唔止我一個為食既。

 

12:30 am 我地盡興而歸，返到房間…已覺十分疲憊，快速洗了個澡，便一邊做mask一邊躺在床上看電視。走廊經常傳來【嘭】門及高叫的聲响，心想必是其他超級暴龍的惡行。他們的體力真是異於常人，不一會我便呼呼入睡，希望明天會有精彩的一天。

 

 

 

 

 

 

 

 

 

 

 

 

 

 

 

12隻暴龍遊峇里 Bali (Day 1)

 

21 to  25 March 2007 12隻暴龍遊峇里Bali

 

出席名單包括 :

 

傻仔敏

豬頭人

亞水

詩敏

亞賢

亞詩

亞堅

亞 Fi

Kit

Ricky

小黑

Peter

 

21/3/2007 (星期三) --- 天晴

 

6:00 am 起身出發

 

6:30 am 到達碼頭 (坐船~)

 

7:40 am 到達機場

 

8:10 am 食早餐(味千拉面) -- 超級貴, 一個拉面早餐成40蚊…不過响機場食野都預    左lu, 我食左個帆立貝烏東…豬頭人食西式早餐， 食飽飽之後就要預備入閘喇!!

 

10:05 am 飛機起飛， 國泰真係舒服好多…d野有好食…一坐低先整番杯冰凍既橙汁飲下先， 有於太疲勞的關係， 不一會我就訓著左喇!!豬頭人就响度睇新戲…訓醒就有野食…我最鍾意個沙律…好味。

我地响飛機度玩得興起…比班韓國人話添…不過佢d英文好水…我地一於扮唔識聽!!

 

2:50 pm 我地終於到達峇里 ~~~依度過機地好細…好迫…行埋有出得好慢， 我地一團共有30人…所以攞行埋時都有d亂。 亞詩在上車途中仲唔小心仆親添…亞賢真抵打, 淨係掛住影相。

 

4:00 pm 今站係海神廟， 峇里係一個極富神話的國家， 佢地有好多傳說同廟宇， 海神廟响潮退既時候， 可以比信眾行入廟內祈福， 最神奇係位於海上的廟內會有一個淡水泉, 信徒相信泉水有神奇的功效。

响高處望到海上的浪…澎湃的浪…真係好壯觀，小黑一邊望海一邊發表金句:[地球係圓既] ~~ 真係比佢吹脹。

可能依度係遊客區的關係， 我地買左幾支水都要成10萬(hk$100)，我同豬頭人都係無神論者…所以把握時間四圍行…買下野甘，  嘩…依度仲勁過大陸…開價高好多倍, 我買對拖鞋, 開價80萬…講下價就變10萬…好在ricky爸係講價能手啫!!豬頭人就買左一對草鞋同一條短褲…次次都係佢買得多d野~~

响每間鋪頭出面地下都會擺放左一個放左花/餅/米…等的祈福盒…行路真係要好小心， 去人地地方都應該專重人地既文化既。

 

6:30 pm 起程返酒店

7:00 pm 到達我地4晚住的酒店 [NOVOTEL BENOA BALI]， 依度有非常濃厚的渡假感覺， 最特別係依度既Lobby同房間係分開…要過馬路先可以到達另一邊。

依度係無客， 我地要行樓梯先可以到達房間。 我地12人全都住响一層…唔洗分開…感覺真好。 返到房收好行埋…就到酒店的餐廳食晚餐。 依度既人做野真係好慢…等佢整塊魚餅…等到腳軟。

全晚最好味最係個湯…超好飲…我飲左2大碗…Peter兄話得菜(沙律)食…食唔飽， 今晚一定要宵夜， 為食的我…當然舉腳贊成啦!

 

9:30 pm 响酒店借車(HK$70/7人車)出發去酒吧街遊樂，經過差不多半個鐘車程，終於到達KUTA區。依度街燈十分不足，所以眾人都行得步步為營，一行12人在KUTA街頭四圍岳，路面漆黑黑的…所以我都拖得豬頭人實一實，經過15分鐘的遊蕩後，終於找到合適的地方，這裏是「Super Star」，我們坐下一張大大的長枱，一坐低…班酒鬼就叫酒啤一啤，豬頭人見大家甘好興致，十年都唔一次酒既佢都飲番杯高興下。我就揀左杯pineapple dreamer，超好味…有冰凍既野飲，點少得野食，旋風式甘點左Fried Squid、Nachos、Pizza、咖哩…嘩…好飽…好滿足，一食飽大家都開始發功，不停叫囂、唱歌，亞Fi同小黑仲走左出去跳舞添！！玩到差不多12點…就坐車返酒店lu，臨返去之前我地去左OK入貨，見到佢地買個D大大支既啤酒…心諗：「佢地真係勁！！血內酒的含量係95%」

 

 

 

 

 

網上籲捐骨髓救石骨症女嬰

出生只有兩個月的女嬰熙雯，患了每100萬人才有一人患上的「石骨症」（Osteopetrosis），又稱「大理石骨病」，如今她的肝臟已脹大，生命危在旦夕。其父母周一在網上呼籲熱心市民捐贈骨髓，為愛女續命。

 

「由3月19日 入院至今，熙雯的病情一直無好轉：血小板低，貧血，肝臟已脹大。」

 

「因骨頭腫脹，眼部神經已被壓着，但由於熙雯只有兩個月大，所以未能確定她的視力被影響到什麼程度。可幸的是，她的聽覺未受影響，可以聽到我們的聲音。」

 

「今天一早到醫院的藥房，他們卻說因這病太罕有，醫院未有存貨（干擾素針）……我們唯有馬上詢問藥行、其他醫院的藥房，看看他們是否有存貨。希望明天藥能到達，否則我們的熙雯又要多等一天了！」

 

「盼明天有藥 否則又多等一天」

 

熙雯父母的網上日誌流露二人憂心忡忡，網上有不少留言指已把熙雯的消息傳出去，盼更多人捐骨髓。

 

養和醫院骨科專科醫生胡永祥解釋，大理石骨病患者的骨質受基因影響變密，成為「硬骨」，但較脆弱，容易折斷。神經線會因被「硬骨」壓着而影響運作，亦會出現牙齒不健康及肝脾變大。他指出，部分患者會於長大後才發現患病。