今天一早醒來，天朗氣清，打開窗簾，看到街上的建築物井然有序，市面充滿繁榮生氣的景象，真的很難叫人想像在95年的大地震中，神戶市內變成一個廢墟的情況。日本政府和國民並沒因巨大的災難而磨滅了意志，反而齊心積極面對，在短時間內便回復了整個城市…甚至比前更好。
神戶博酒店的餐廳分別為於2及31樓，本想居高臨下食一頓早餐，不過趕住出發，而且想食日式多d，所以最後去左2樓。餐廳佈置的十分雅致，食物亦不錯，整體來說這酒店的水準亦十分之高。
很喜歡離開酒店時會有職員與我們揮手道別，覺得很窩心，好像把人與人之間的距離拉近了。離開酒店時驚覺行李由2件變了4大件，我們實在是買得太多了。今天的首站是去田崎珍珠，d珍珠好太粒好靚，不過唔係太啱我，所以只睇無買，行左一圈就走lu。
11:00am 川崎海陸空世界：川崎先生是日本首位造船家，以他命名的展館主要提供海陸空各方面的機械介紹，有點少玩兒供參觀者試玩，豬頭人坐在電單車上拍照也樂上半天…最令我欣賞的是館內的服務人員極為親切有禮，還會主動為我們拍照留念，就種態度真值得我們學習。
12:20 今站是我們在大阪行程中的最後一站，本來諗住會有錢剩，但當我見到「RINKU PREMIUM OUTLETS」這招牌後，我知道…我會變成負資產。
根據傻仔敏的人生哲理，排行第一位的是「要善待自己」，連自己都不好…何來能力對其他人好…對社會好，善待自己的第一點是…不要餓壞肚皮，肚子空空的，那來力氣做事，就算做到…都唔會做好。所以行街前，我們先到OUTLETS內的food court填飽肚子，這裏的地方不算大，但都有8、9間不同種類的店子，我們點了和歌山拉面(約hk$40)、壽司拼盤(約hk$70)、朱古力碎雪糕(約hk$23)、吞拿沙律班㦸(約hk$27)。
(1) Edwin – 短袖T正在激安中，平均約HK$100就有件，真係好抵，豬頭人一口氣買了3件。
(2) Nike – 好多波鞋都做緊減價，平場約hk$300至400，但係實在太多野攞，所以無買到，我買左2件T，金色燙字的，約HK$110，比香港平$70件；豬頭人又買左2件T。
(3) G-SHOCK – 比香港平3成，都幾抵買。
(4) Quiksilver – 款色唔算好多，但價錢都比香港平，豬頭人又買兩件，原件想買ROXY褲，不過無我鍾意的顏色 。
(5) Juicy Couture – 頭號目標係Juicy Bikini，都有4、5款揀，約hk$280-350，唔算平好多，有套運動裝好想買，不過無我想要的圖案，無理由花4百幾蚊買套唔係甘鍾意…所以算吧！
(6) Adidas – 間店好大，好努力甘响裏面搵呀搵，經過我的努力…最後都買到一件白色及一件黃色衫。
(7) Lacoste – 找不到我想買的袋子，加上價錢不怎便宜，所以空手而回。
(8) Citizen – 約平4成，不過沒有我喜歡的款式。
(10) 22 October – 日本少男少女味極濃，雖然價錢唔平，不過想增添點東瀛味的話，這裏是不錯的選擇。
(11) Coach – 款式不是新的，不過平4成，買個襟興的款…也不錯。
(12) Tsumori Chisato – 近年TC因明星效應，大行其道，吹著一貫甜美夢幻的感覺，唔嫌舊款…都可以湊下熱鬧買番件，香港買$1200，在這裏約HK$750。
(13) Gap – 佔地甚廣，售的都是優閒便服，唔洗5分鐘，我就買了2件背心，每件約hk$70。
(14) Zucca – 款式唔多，但價錢算平，已經換晒季，所以無超平貨買。
經過3小時的無休戰，雙腳已有點麻木，買個時真係好開心，但係開心唔夠半個鐘就後悔，一袋又一袋，都唔知點擺點拎好，只好全掉進旅行袋內。
4:00pm 到達關西空港，同大阪say goodbye。返香港的第一件事…就係要買個大喼。
