上月《防止殘酷對待動物（修訂）條例草案》第二次會議。政府代表提出將最高刑罰改為罰款十萬及監禁十二個月，而由議員組成的委員會則一致認為最高刑罰太輕，要求增加最高刑罰至二十五萬及監禁三年，豈料其中一位政府代表說：「何謂嚴重？除非有人同一時間殺百幾二百隻動物……」下…到底佢有冇腦嫁，謀殺就係謀殺，正如殺一個人同十個人都係一樣，所有動物都同人一樣…係一條生命黎嫁。
到了第三次會議，政府代表反建議最高刑罰為二十萬和監禁兩年，並暗示委員會若不接受此項建議，政府將會全面收回所有修訂。甘即係點呀，靠嚇呀…
其實提高罰則，除了阻嚇作用，更重要是為社會建立一個共識。刑罰愈重，代表社會愈不能接受這種殘酷的事發生。每一條生命我地都應該尊重，殺人(動物)犯係應該受到應有的懲罰。
今天是草案修訂的第四次會議，也應該是最後一次。希望政府可以用心去聽動物和我們的訴求。
我真係好鍾意食野，平時好鍾意、心情唔好更鍾意，我自問真係一個又為食而且都幾大食既人，「食得是福」依句說話真係一
最近有一個惡號，美國和加拿大研究員發表報告指，因為過度捕魚及海洋污染，到了2048年，全球再無海鮮可吃。報告指，若過度捕魚及海洋污染持續，將會進一步威脅海洋生物品種、生態系統及人類的食物供應。
這項花了4年完成的研究，是首個就所有現有海洋物種、生態系統資料進行分析的研究，發現從海洋生態系統中消失的物種正在增加。若情況持續，所有魚類和海鮮品種料最遲會於2048年消失。
傻小魚R一下頭問：「各位…我真係諗極都諗唔明點解我地要絶種。」
勞氣龍蝦道：「咪係囉！我地係海裏面游黎游去，維持應有的生態平衡，點解會甘。」
師奶魚話：「下…老公甘點算呀！你係九代單傳，難得我有左BB…以家有話我地要絶種…甘我地點對得住死鬼老爺奶奶…嗚嗚…」老公魚從旁安慰：「老婆，唔好甘担心啦！好似話要到2048年先係…可能仲有轉機呢！」
智者海龜道：「要有轉機除非人類肯為我地肯為我地設想下啦！」
天真小蝦答：「我地比D信心啦！人類不嬲都鍾意我地…又肯比好多錢食我地…佢地點會捨得比海鮮絶種喎。」
老魷魚話：「甘又係…我諗佢地唔想有一日只見到我地既標本…或者淨係响迪士尼D卡通度見到我地跳舞啩！」
說實在
當你興致勃勃找尋刺激時，我會與你一同跳向激流。
當你愉快時，我也會與你一同分享著愉快。
當你煩惱時，我也會一樣的煩惱但不會對你流露一點痛苦。
當你遇到敵人時，我會與你站在同一戰線上。
當你日以繼夜工作時，我會悄悄地在你公司的一角伴著你。
兩名女同學都趕做2006年新娘，may表姐今個月都結婚喇！！希望她們幸福快樂啦！
近依兩年…對婚姻真的是淡之又淡，居然對結婚毫無憧憬，對於一對又一對的新人除了祝福之外，就是打從心底的佩服，佩服他/她們的勇氣吧！說到底倆個人相處真係一點都不容易，離離合合見得太多，總覺得婚姻是一個束縛，要維繫一段婚姻更加係唔容易…看著當初開開心心的結合，到最後反目互相指責，這是一種悲哀。
有一好奇怪的現象…拍拖既時候反而可以開開心心，一結婚就會吵吵鬧鬧。因為拍拖可以係兩個人既事，但係一結左婚就會變左有成村人係附近，淨係應酬D親朋戚友都已經夠。
而且結唔結婚都係一張紙(婚書)的分別，如果倆個人係重視彼此間的承諾，根本就唔需要用張紙去約束。如果係要走既點都會走，關係並唔係靠一張紙去維繫。
說實在，至目前為止我真的十分享受我的獨身生活，我的肩膀時常對我說：「傻仔敏主人，我只能承受一人分量的担子，你最好唔好加多個人的担落我度喇！本身我都有少少A字啦…撐唔住嫁！」無錯…可苦要迫得自己甘辛苦，兩個人活得自在快樂比「婚姻」兩個字更為重要。
早上返工候車時，剛巧一對失明的老夫婦正前來排隊，當時街上的人流不多，那對夫婦顯然對這條路線並不熟悉，因為他們似乎車站的位置十分陌生。當時只有一名中學女生排在我之後，我見她對行得碰碰撞撞的夫婦居然視若無睹，我走上前扶了他們一把，正想領他們站在隊頭時，那女生居然呆站不動，我同佢講「唔該…可唔可以借一借，比他倆站在前面。」她望一望我…依然站著不動，當我正想扶那夫婦上車的時候，那女生居然一個箭步跑上車。嘩！個一刻真係火都離埋，真係有冇搞錯。
真係唔明以家d年青人點解會甘冷漠，年青人唔係應該係熱血既咩，自問自己今天都算一個「熱血中女」，今天遇到的這一幕真係令人唏噓！！
最近多了一個新的日常節目 --- 行山，以前好少留意香港的大自然風景，以為一定要跑到外國才可享受清風同陽光。現在不但享受山上的清風及陽光…看著山下的高樓、房屋、道路、汽車…一切一切都是香港獨有的，望著腳下的景物，我深深的感到「家」，這地就是我的家。
我明白環保係一件不容易的件，因為要做到全民响應是十分困難，此終因為大家都睇唔到可從而得「利」吧！甚至大家可能會認為「環保」＝「燒錢」，我都明白環保真係一件有難度的事情，要成功就更不容易，單單看政府一年又一年的講，但成績一點都交不出，就可想而知。對於日本政府和國民對環保的熱誠同努力，真係深感佩服，他們細微到一個雞蛋殼都會先分類才棄丟，那份精神真係可嘉。最近見到台北市政府致力推行各樣環保措施…真係唔明香港的環保為什麼推不動。
最心痛的並不是我們到現在都推動不到環保，因為這個課題也許是太大太廣…這我還可以理解，但是看到屯門發生山火後的圖片，真係令我不禁搖頭嘆息。
漁護署高級郊野公園主任張國偉表示，重陽節至今共有十五宗山火於郊野公園範圍內發生，大欖山火則是近十年來最大宗之一，火場面積達五百個足球場。今次的山火約有 四百公頃 、約六萬五千棵喬木被燒毀，品種包括桉樹、相思樹、木麻黃及紅膠樹等，令不少動物如野豬及野鳥失去棲息及覓食地點。該署計劃明年三至四月重新植林，但要復原原貌則需時超過十年。
我總覺得人們應該對自己的行為負責，作為一個「人」，應該知道點樣處理火種、應該點樣去「尊重」，因為一己的便利…本來只需要一杯水就可避免的山火，結果呢…就係人們的自私，足足毀掉了數百個足球場面積的山林。他們不會在自己的家放火，因為那是他們的家…他們卻毀掉了大家的「家」，這些人真是可恥、可悲。
傻仔敏由11月1日開始實行五天工作制，星期六的半天不用返了，星期一至五的工作時間由8時30分至5時18分，雖然每日返多左時間，不個每星期可以放兩日假都算唔錯，而且5天工作制有一點是我個人十分認同的，就係香港人的工作時間實在佔去生活中太多的時間了，五天工作真係好似多番d空間甘。
香港的各位老闆…為你的伙記諗一諗，一起支持五天工作制…員工身心健康再一齊拼搏吧。
秋高氣爽...除左d蛇肥美之外,真係不得不談大閘蟹依樣國產佳品.眼見金黃色的蟹粉...叫人如何不流口水,咩減肥...膽固醇...統統拋諸腦後.
蟹粉小籠包,蟹粉生煎,蟹粉燴面,蟹粉豆腐,蟹粉豆苗....一層金黃,仿佛就可變得不平凡.
如果想三五知己,開懷大吃...十隻手指一齊拆蟹...唔洗顧儀態的話,最好當然係係屋企自己做大廚啦!
响九龍城間永富係可以考慮的選擇...而且煮蟹的配料都有齊,以家買滿$200仲有支花彫酒送添!
蒸蟹時記住蟹蓋响底喎...
人類一直被視為「高」智慧的生物，其實我對此一向甚有保留，因為我覺得好多動物其實比起人類還要聰明，起碼牠們可以利用本能同智慧在弱用強食的世界生存，各種動物一方面要在大自然裏求生、面對不同的惡劣天氣、應付人類對大自然不停作出的傷害…
人類聰明在那？？聰明在發明…開發資源，但係同時卻對地球做成無窮無盡的傷害；人類聰明在那？？聰明在商場打滾…賺取一堆又一堆的金錢，但係同時忘記了其他的東西…親情、健康統統不要；人類聰明在那？？聰明在爾虞我詐，情義都係奢侈品。
動物的機智及才能…係我們點追都追唔到….
美國一項最新研究發現，大象具有自我辨認的能力，懂得在鏡子中認出自己。過往已有研究顯示，除了人類之外、黑猩猩及部分海豚亦懂得辨認自己。而最新的研究顯示，厚皮動物也會出現這種複雜的行為。 美國野生生物保護學會的研究員賴斯及艾默瑞大學研究生普洛特尼克，利用布朗克斯動物園內的三隻雌性大象──哈皮、馬克辛及帕蒂進行研究後，得出上述結論。 在實驗中，研究人員在34歲的雌性亞洲象哈皮的眼部上方，分別畫上兩個氣味及質感都相同的「X」形記號。結果顯示，哈皮從鏡中看到自己的倒影時，不斷用鼻子觸摸其中一個記號，那個記號是她必需透過鏡子才能看到的。至於另外那個在紫外光燈照射下才看得見的記號，她則沒有理會。
我地兩個傻仔人係甘追係甘睇，2日時間就將全季追完，有一晚仲睇到成5點添！不過捱通宵都係抵嫁，因為真係好緊張好好睇，見到佢地一步一驚心甘去策劃個逃亡計劃，真係好似置身其中甘緊張。而且有一集終於講左佢地各人物的背景及關係，所以劇情都好似變得更為明確及有連貫性。
雖然個結局…係無結局，不過因為知道會有第二季麻，所以都預左啦！！
真係好想快d睇到第二季…到底「逃」唔「逃」到呢？？各人的命運同關係又會點呢？
豬頭人的功能係依個時候開始發揮，佢已經搵到第二季的頭9集，依個星期我就會睇埋佢…哈哈…忽然間覺得豬頭人都幾勁！
