用 心工作

每一個人對工作都有唔同的睇法，有人一心一意、有人騎牛搵馬；有人拚搏、有人懶散；有人尊重、有人看輕；有人認真、有人求其。

每個人都有唔同的處事方法，只要唔係靠踏住他人的頭上位…就OK喇！要厚住面皮去搏命扮自己有幾勤力…幾聽話…你估人地睇唔出既咩！

我成日覺得工作係屬於團隊性…每個人係工作上都有唔同既崗位…責任，自己顧自己既人真係好衰…坐响度淨係顧住自己，其他人的事就埋都唔埋，知都話唔知，正一自私精，但對住老細就另一個樣，扮積極，真可恥！仲要有口話人無口話自己…淨係識講到自己有幾忙。

點解唔可以放下私心…大家一齊開開心心甘工作呢…就算搏盡老命，老細就老細…點都無可能坐到佢個位嫁啦！！

我自問自己並唔係一個為工作搏命的人，但係我從無借故點人做野，而且我係「義」字當頭，同事間有事…我一定幫…仲會比自己個d更盡力，依樣係我自豪既一點，我告訴自己…唔可以因為其他人而去改變自己的諗法，唔可以人縮我又縮，我就係我…