7:00 am Morning Call
7:30 am 食早餐，今天會去釣魚…响海上要浮幾個鐘，所以我【又】決定食多d野，諗住嘔都有野嘔麻。今天天色明亮，應可以好好享受一下bali的陽光。
8:30 am 到達碼頭…預備上船。(亞詩、亞堅同亞FI唔夠訓所以缺席)，由於無大船…所以分開兩隻船出海。(1) Kit ma、Ricky ba、詩敏、亞水；(2) 傻仔敏、豬頭人、亞賢、Peter兄、小黑。九男女浩浩蕩蕩甘上船出發，比拼一下誰釣到大魚啊！！(如果鬥快嘔…勝出者一定是我吧~)
一上船，船伕便高速行駛…海面的浪很大，整隻船在盪來盪去，不一會我便開始有點頭暈的感覺，Peter兄叫我企响度…隨著船擺下擺下，會無甘暈，不過都好似起唔到作用。過在大約一個鐘，仍然未有魚上釣，小黑都開始頂唔順，訓到反晒白眼；亞賢同豬頭人就面到青埋；我就梗加唔洗講啦！開始出現想嘔的情況…Peter兄係一邊猛甘話：「嘔啦…嘔完就會好喇！」「嘔啦…嘔晒就無事喇！」「嘔啦…嘔多幾次就得喇！」嘔到腳軟軟既我，心諗「鬼唔知咩…嘔到都無得嘔啦！！梗係嘔完格，當我低B」
嘔下嘔下…船伕忽然大叫，原來此時魚杆急速滑動，似有大魚上釣，小黑即時驚醒彈起，大伙兒全跑到船尾，豬頭人第一時間拍低現場情況，亞賢、Peter兄就响度吶喊，小黑就搏命揮動魚杆同條大魚力拼，而我就係旁邊扮釣魚…這條大魚非常頑強，而且力量驚人，經過10分鐘的搏鬥，大大的魚終於上釣，嘩…全船人熱烈狂呼，一條大海狼出現在大家的面前。見到大魚上釣，我不適的感覺即時化為零，大家都興高采烈的圍著魚兒打轉拍照。
之後船伕把船停泊下來，拿出魚餌供我們垂釣，大家一直等著。但是由於今天的風浪實在太大，魚勾根本未能沉底…所以不家都無收獲。小黑還把魚杆弄壞，船伕見狀急急沒收，換個魚排給他。
經過3小時的旅程…我們帶著唯一的大魚回程去。當中以詩敏的成績最好，另外釣了三條小魚…但有其中兩條不能食用，所以我和小黑便在海灘上把牠們放生了。
我們把兩條大魚製成了刺身和炸魚…自己釣的…味道好像較甜。男士們一邊吃一邊看著沙灘上的日本女孩與印仔纏綿，各人都恨得牙痕痕，Peter兄既視線更有如裝上了追蹤系統…緊隨住他們的動作。
2:00 pm 出完海的暴龍們仍未覺倦，決定把握時間…玩盡去。返酒店略為梳洗後(真係略為…佢地成班都癲嫁，多日以黎都由天光玩到天黑，個身濕左就等佢自然乾…唔會話返酒店沖涼換衫先嫁…我有一半衫都無機會著~)
就到沙灘遊玩，經過左20分鐘的車程，終於到達左沙灘，一落到沙灘…我地就已經比一大班人圍住，有的是賣飾物、有的是賣草、有的是替人紋身、有的是替人織辮子、有的是賣果汁，圍著我們團團轉…亞詩、詩敏、亞FI一齊織辮子，我就聯同豬頭人、Ricky ba、Kit ma、Peter兄、小黑落沙灘昅昅。
一見到d浪，我就不禁『嘩』一聲甘叫左出黎，依度大浪到不得了，根本連嘻水都無可能…d浪大到發發聲，而且Peter兄未能在此抓到任何美女的踪影，所以我們急急切退，去到位於沙灘旁的café飲番杯+美味香脆的薯條兼吹吹宜人的海風。
之後便到附近的商店逛逛，走進了一間精品店…這裏有很多木製的小精品，我買了些動物木鉛筆，七彩鮮艷的動物十分可愛，我還與一班可愛的小朋友拍照念。
4:30 pm 返到酒店後，大家第一時間跑泳池泡泡，大家見到有個籃球浮下浮下，就第一時間整番場水上籃球賽。各男士瘋狂射波、入樽，個個當正自己係籃球巨星甘，Peter兄更大顯神勇…飛身入樽，不過都係搞笑居多，射完波就沉落水…真搞笑。亞FI的球技亦相當錯，幾乎球球都入。依個泳池好深水，但Ricky ba見我地玩得甘高興，都忍唔住落黎同我地玩埋一份，我就攬住個水泡…化身「專業執波仔」，在泳池內為他們執波。開開心心甘又玩左成個鐘，之後便返房沖涼換衫，預備出去食晚飯。
0 意見:
張貼留言