虎膽龍威(Die Hard ) 1-3

之前看完第4集之後，對於動作片的興趣一下子提升了，可能當年年紀少，所以對頭3集基本上係無印象，加上豬頭人話之前3集都係經典電影，所以趁假日一日氣租了1-3集回家欣賞。

 

第一集係講Bruce Willis响聖誕前夕，甘啱去老婆公司搵佢，點知遇著一班專業大盜，公司上下連埋老婆幾百條人命响晒班賊手上，生命危在旦夕。單人匹馬、手上得支槍仔的Bruce Willis如何救人自救逃出生天？！

第一集的Bruce Willis當時正值壯年，但起身型反不及現時「大隻」，果真係薑越老越辣。另一點就係印證左人確實係要靠經驗成長的，第一集的幹探真係比較「豬」，而且手腳、大腦反應都不及往後的日子(第2-4集)的靈巧敏捷。

 

第二集又係聖誕節，又係老婆遇險。但係今集的Bruce Willis明顯醒目好多，一眼就睇得出邊個係有陰謀，而且應變能力都快左好多。

需然成套戲都係响機場拍晒，但都唔會覺得悶，反而好似同敵人困獸鬥，好緊湊添。最後老婆大人當然都可以安全降落，開開心心甘過聖誕。

 

黎到第三集，「不死幹探」已經響晒朵，但係成功帶黎既只有一個又一個的麻煩，老婆仔女都唔响自己身邊。所以令集佢老婆無再出現，但係佢終於唔洗孤獨作戰，因為多左各黑人戰友，雖然係又唔打得又唔睇得，但一人計短二人計長，仲好過下下得自己一個啦。

今集的戲情亦都係一貫的簡單直接，開場就黎個大爆炸展開序幕，搞完一大輪，原來都係為左「錢」，經過一輪生死血搏之後，當然係正義必勝啦！

 

雖然已經係十幾二十年前的戲，特技畫質都比現在落後，但是仍能帶給觀眾無限的感觀刺激！！