8號風球玩樂記之食野篇

掛起8號風球，全街都堆滿趕返屋企的人潮，好在我同豬頭人公司只係離15分鐘的距離，打風都唔洗驚…行一陣就到。打風落雨最好就係搵個商場行街、睇戲、食飯啦！！

 

去到沙田新城市廣場，本來諗住去我的至愛A1 Restaurant，點知因為租約期滿結業，依個真係惡號…因為A1真係又好食又抵環境又好，心情大受打擊。都無咩心情搵其他地方，求其响附近搵間食就算，新開的Shakey's Pizza Restaurant，平日真係人頭湧湧，起碼等45分鐘先有位，難得今天無咩人，趁機黎試下。這裏坐位勁迫，簡直係人貼人，真係要好瘦先可以攝到埋位(呵呵…我都可以既！！)因為超肚餓的原故，所以一坐低就急不及待點餐，不過侍應服務一般，要經提醒才添水及比餐牌。

我們點選了凱撒沙律Pizza、三文魚意大利飯、黑椒雞翼，凱撒沙律Pizza清新好味，想不到pizza同沙律可如此配合；三文魚意大利飯好鹹…飯太濕，水準極差；黑椒雞翼炸得太油，外層太乾，完全唔入味，依度果然無改錯名，因為真係得pizza一樣野係好味，埋單$280-。

 

食飽之後，因為未夠鐘入場，於是走去citysuper行下，買左一支$19得兩啖的蘋果汁，味道同$4包的一樣，呃錢之作。