2007年9月二人成行日本大阪之旅 (4)

2007年9月12日 (星期三) 晴

 

今天一早豬頭人就話牙痛，痛到早餐都食唔落，仲要食止錯藥，搞到我都無晒心機，求其食左塊面包就算喇！

 

10:00am 黎到大阪，當然唔可以錯過環球影城這地標啦！！食完早餐後，我們便乘車到環球影城，一到場買門票(約hk$450)後，便一支箭標入場，影城內有很多景點同卡通人物，我們邊行邊影相。

第一個節目我地決定先玩蜘蛛俠，估唔到平日都甘多遊人，大部份仲係日本人添。起初以為只需排一陣，點知足足排左成個鐘，排隊的地方又黑又嘈，真係令我頭都痛…很不舒服，好不容易終於到我地，好在個遊戲都幾刺激好玩，總算無白排一場。

玩完之後，一行出去…終於都見番太陽，有點重見天日的感覺。跟住的節目是「侏羅紀公園」，因為怕濕身，所以用左300yen買左見雨褸先，跟住又開始排隊，好在今次需時只需20分鐘，好快就到我地，雖然玩得個5分鐘…不過都算ok既。

唔覺唔覺…時間已經黎到1點喇！係時候食午餐，行過遊戲攤位，豬頭人話要大顯身手為港爭光喎…最後當然係空手而回啦！！

 

爭光唔成…先去醫肚，我地唔想响影城食快餐，所以出左去星光大道食「和幸吉列專門店」，一坐低就點左一客吉列豚定食(約hk$123)，一入口…真係不得了，棉花豬…比香港的吉列專門店有過之而無不及，連d配菜同湯都好味都爆，真係無黎錯…食過之後，真係令人無法忘懷。

食完餐甘好味的午飯之後，便是購物時間，我的頭號目標就是藥房Matsumoto Kiyoshi，豬頭人第一時間買盒牙痛藥，佢真係古怪…頭先食野又唔見佢話牙痛喎。依間藥房內的化妝、護膚品一定比藥多， 簡直係 女士們的天堂，我買了明治骨膠原粉(約hk$155)、美白丸(約hk$140)、Sofina防晒液(約hk$150)、DHC護膚油(約hk$50)，最後拿著一大袋的戰利品離開。

 

買完野又開始肚餓，於是走左去食正宗大阪鱆魚燒(約hk$42)，風味確不同。食完熱騰騰的鱆魚燒，係時候食番杯卷型雪糕(約hk$35)，我地去左一間小店度買雪糕，依度的賣點係雪糕只厚2mm，雪糕被即製成有如旦卷的外型，放在脆筒內，賣相已極吸引，入口時發現不止樣靚…仲非常好味，同豬頭人再次出現爭食的情況。食下食下，原來已經成4點，所以去左環球影城個標誌度影左幾幅相就走人，因為下一步就係購物點 --- 心齋橋。

5:00pm 終於黎到美食購物天堂 ~ 心齋橋 ~ 黎到依度當然係我瘋狂購物的時間啦！！依度實在太大太多店舖喇，令到我都有點花多眼亂的感覺。第一站我們先去了Tokyo Hands，樓高7層的Tokyo Hands有著各行各業的貨品，豬頭人買了一對moma手錬(約hk$1200)，據說當中的磁力可改善身體健康，另外我就買了一盒納米水份碎粉(約hk$120)，之後我們便轉戰心齋橋內的商店，沿途豬頭人不停講住一句：「唔怪得d男人話千祈唔好同女朋友/老婆去日本…」，我都費事睬佢…又係佢自本話要黎日本既！！

 

之後我再到藥房購物，買左1支牙膏(約hk$9)、1支gel(約hk$12)、明治骨膠原粉(約hk$120…平過响星光大道喎！)、HYTHIOL-C(約hk$140…平香港好多呀~)、SKII唇彩(約hk$80)、香口珠(hk$25)、小林製藥纖維粉(約$65)、kose卸妝油(約hk$40)、冰凍退熱貼(約hk$30)、cool la la(約hk$56)口嚨痛/飛滋良藥。經過面包鋪…諗起日式面包王，所以走入去買左2個包。

 

下一站係uniqlo，依度已經換晒季，買唔到別注T，不過都掃到平貨：skinny jeans(約hk$140)、白色背心(約hk$40)、冷外套(約hk$280)、反領T(約hk$138/2件)、短袖冷衫(約hk$300)、冷外套-西裝用(約hk$180)、under wear(約hk$60)，我同豬頭人都收獲甚豐。

 

行到開始用點腳軟，係蟹道樂買左盒燒蟹腳，再整多杯北海道牛奶雪糕(約hk$15)，之後繼續行程。這一站是agnes b…時間有限，所以我都要速戰速決，唔洗15分鐘就買左兩個袋(約hk$1590)。今天的購物時間結束，可以好好享受我們今天的晚餐。

今天的晚餐是吃日式燒肉，牛肉、豬肉、雞肉…咩都有，不過主角始終係 ~~神戶牛~~(約hk$540)及 ~~松板牛~~(約hk$650)，望到佈滿雪花紋的牛肉，真係覺得像一件藝術品，我急不及待放兩件上火爐，五成熟就啱啱好…夠晒原汁原味，在燒好的牛肉上灑上少許鹽，一放入口，即刻融化…真係超味享受，那牛肉的香濃味在口腔內不停流轉，呵~呵~…食到一餐甘美味的牛肉，真係令人快慰。

 

9:30pm 食完飯後，我們在心齋橋遊了一會，大部份的商店已紛紛落幕，但那些無料案內所(日本的色情場所)卻變得五光十色，熱鬧非常。街頭上有不少年青人那著樂器高歌，雖然聽不懂歌詞內容，不過見著他們自彈自唱，不需掌聲不理其他人的目光，完全陶醉在自己的天地裏，這樣才是人生吧！

 

今天是我們在大阪的最後一夜了，時間過的真快。今晚的酒店位於神戶的神戶博酒店，酒店屬於現代型的，酒店高級豪華，樓高32層，每間房間都裝修得華麗美觀。這數天實在是買下了太多的東西，所以今晚我們都要花點時間才可把物品整理好。

 

今天吃了不少美食、玩了不少玩意…過得很開心，想著想著…在鬆軟舒適的床上睡著了。