麻布茶坊食甜品

 

星期六的晚上，又無特別節目，兩個人無所事事，行下行下去左旺角新世紀，經過麻布茶坊，見到店外的食物模型十分吸引，於是決定在此用膳，等位期間在隔鄰的戲院買埋戲票諗住食完飯睇戲，點知等位等左半個鐘都未得，完全打亂晒我的行程…迫於無奈底下，我們只好利用入場前的十分鐘跑到Delifrance啃下一頓食而不知其味的晚餐，之後便入場看戲。

 

經過兩個鐘的時間，由於傻仔敏對食物係有著一份旁人無法理解的「執著」，所以心裏仍念掛著麻布茶坊，所以最後都忍不住和豬頭人跑去食甜品。起初以為麻布茶坊是台式料理，看過餐牌才知原來是日式的。

 

望著餐牌，實在有點花多眼亂，尤其對於心多多咩都想食的我來說…更加唔知揀邊樣好。經過10分鐘的仔細「研究」，豬頭人點了【抹茶霜淇淋蜜豆沙】，而我就點了【白玉霜淇淋甜點】。

 

依據日本的一貫風格，食物的賣相十分討好，先嘗奶白色的雪糕，覺得有點略甜，於是伴著下層的丸子和豆沙同吃，味道啱啱好…紅豆大粒香甜，越食越好味，豬頭人都忍唔住要瓜分我個份；豬頭人的【抹茶霜淇淋蜜豆沙】，顏色十分搶眼，茶味雪糕的愛好者實會愛上，不消十分鐘，豬頭人就把整杯消滅了。

 

埋單時記不起利用戲票的票尾…因為可享九折，下次一定要記住先得。