荒失失奇兵2 (Madagascar2)

日期：2008年12月20日 (星期六)

時間：下午4時30分

地點：又一城MCL

 

荒失失奇兵2 (Madagascar2)

 

上集講一班在動物園內食慣嘆慣的動物「荒失失」甘由紐約動物園走失，「無程程」流落到馬達加斯加，走到如此荒蕪之地，依班大少、千金先知「民間疾苦」，佢地諗盡計仔誓要重返樂土，企鵝兵團整好一部爛飛機，仲諗住今次實無死，點墜機急降非洲大草原。

本來成班動物以為自己係出類拔萃，點知原來係井底之蛙，笑大人個口，經過這趟尋根之旅，終令自己更了解自己和生命。

比起第一集，今集的笑料明顯較為失色，而且作為一套卡通片，片中的對白和行徑未免會教壞細路，大概它是想老弱通殺，細路入場之餘亦能吸引成年人吧！

不過值得一提是貫穿全場的理念，就係世界大同，「愛」係無國界，不論身份、背景、種族…只要是有愛，那怕對方只是一個木頭娃娃。願大家能見證愛的存在，願世界不再有無謂的紛爭，願有一天能看到大同，願你能找到所愛。