本來打算待旅行回來後便好好計劃婚禮的事宜，誰不知碰上了日本大地震，心情一直未能平復。
看看清單上大堆待處理的事項，看來傻仔敏真是要加把勁!
今天碰巧要到上環工作，一完成後便急到銅鑼灣，尋找很多人都去買girdle人稱「Dr Bra」的蔡太。一進門口…已見有15、6人坐响度，這時還不過是5:40pm，看來真的是有很多人專程到訪。
傻仔敏真係有運行，入到去坐低無2分鐘，蔡太就落閘放狗，話今天額滿…傻仔敏成為了最後一名，真好彩，銅鑼灣喎…真係要特登過黎麻。
坐著乾等的傻仔敏，心裏面真係有d驚，因為網上好多人話蔡太好串好惡…仲有要比人睇晒，真係又驚又怕喎。
在等候期間，只見蔡太在各試身室左穿右插，內裏傳出「你睇下…你搞到好似清明上河圖甘」「陰公囉…八字到」蔡太的形容詞真係好多，當然…皮薄者一定會覺得好難受，但轉個方向睇，咪好似一班女仔圍埋GIRL TALK囉!
經過近半小時的指點後，傻仔敏買下一件Girdle、束褲、2個bra、一件橋，共銀$1050-，傻仔敏滿懷希望的離開，希望身型可以改善到少少啦!
5 意見:
"你睇下 … 你搞到好似清明上河圖甘" 即係點~???可唔可以形容下.....
[版主回覆03/31/2011 10:14:00]其實我都唔明, 我淨係聽到咋~
買左咁多野先$1050? 咁又唔係貴wor
不好意思， 因為我之前也去過蔡太那裡（總統），但前幾天去她已不在總統了，未知她搬到那裡呢？妳是在總統那邊還是新店？如果是新店可否給我新地址呢？因很想介紹朋友去^^Thanks
[版主回覆04/18/2011 12:55:00]她搬了到附近的渣菲大廈3 字樓
Thanks very much!!!!!!!
終於找到蔡太地址了, THANKS!!
張貼留言