小時候的心愛小食不得不提雞旦仔，那時候的木頭車仔，$5一底的雞旦仔，傻仔敏不會忘記的回憶。
今日，要找一檔木頭車已是一件難事，要抵上商場租金，$5雞旦仔早已絶跡。今天在商場內見到一間名為「古法烘焙」的店子，主打雞旦仔，$13一底算係合理價(今時今日買個腸仔包都$7)。
等候期間，有得試食，試左件杏仁批，很香牛油味，傻仔敏最愛的酥香…忍唔進手買左，$45/12條，都算OK。
等左5分鐘，開始有點不耐煩，可能係為左要證明即製吧…但香港人缺少的正是耐性，看來店子要調較一下時間，否則應會把握不到客人啊~
雞旦仔到手，濃濃旦香撲鼻，小小的一顆，入口…失望，不夠脆，而且偏甜(傻仔個人覺得太甜吧~)，可能是太充料，裏面填滿了粉，但變成了似旦糕多點，雞旦仔的香脆都不見了，這食物不是要用來填飽肚子的吧…，還是不及那些年的…
0 意見:
張貼留言