今個聖誕節真係肚子的「豐收日」，美食不停往咀裏爬…
12月23日 ：同豬頭人到銅鑼灣「火鍋本色」享用了一餐富豪式火鍋，象拔蚌刺身、大虾刺身、帶子刺身、芝士醬虾丸、牛肉粒、雪花肥牛…埋單成9百幾蚊，都算係有史以來食過最貴的火鍋。不過真係好開心…一黎d野好食，二黎豬頭人又食得開心…而且真係覺得佢好錫我囉！！
12月24日 ：今日本來諗住去睇戲，可惜實在太多人lu，所以就去左沙田A1食餐聖誕午餐。之後去左冒險樂園進行大戰，豬頭人實在太厲害…估唔到佢擲彩虹甘叻。食完玩完之後…就去表姐屋企燒野食，諗來諗去都唔明點解表姐有左成5個月身孕，但係都仲以甘瘦…今天又抽獎，我抽中$50現金獎，豬頭人就抽中個相架。但係今天的高潮係豬頭人整趺左表姐塊豬，個情景真係爆笑到暈 ~ ~ ~
12月25日 ：今日約左亞詩、亞KIT、亞MAN、詩敏、亞康、亞水、亞賢、RICKY、LONELY等歡度聖誕。本來諗住BBQ…不過人多去唔成，跟住就去左打邊爐喇！！(又係我至愛的打邊爐)又有龍虾刺身、象拔蚌刺身…又係豪食，真係無得頂。之係我地一行11人就北上…上到深圳第一件事就係食宵夜，埋單都係二百幾蚊…都係抵到爛。大約凌晨1點，食飽飽之後就去「瑪亞城」揼骨，依度環境唔錯，可能價錢較貴，所以人流唔多。首先去揀腳，不知不覺仲訓著添！！訓醒覺又肚餓…點左一碗生滾牛肉粥同炸曼頭。跟住就去推油喇！！我地分6個女仔一間房，另外5個男人一間房，推下推下…實在太舒服LU…訓到都唔識起身簽名喎。之係我地响房中盡訴心中情…傾左成個幾鐘，等到班佬變左化石。之後落番荃灣飲早茶…之後就返屋企大覺訓。
12月26日 ：由於太疲勞的關係，今天的原訂節目改為訓覺。訓到5點鐘…起身落樓食野。去左小食店度…碗仔翅、炸魷魚、生菜魚肉、咖哩魚旦、炸薯條。跟住就去左超市SHOPPING。晚上就食粥同意粉，晚上經歷了小地震…嘩…真係有搖。晚上睡得極不安寧，又肚痛…可能依個聖誕節真係食得太多。
總括黎講…今個聖誕節都係好開心既，簡單而開心…唯一美中不足的是沒有相機隨身...只好利用文字把歡愉記下
0 意見:
張貼留言