八級肚痛

 

星期日 2007年10月7日

 

今天唔夠11點就起左身，12點左右就起程出豬頭人公司，開工的第一件事梗係食左野先啦！所以我地去左新世紀廣場食早餐(午餐)，响商場行左一個圈，最後決定左「明將迴轉壽司」，食物當然唔講得上好食，不過勝在價錢平又唔洗等位，星期日唔洗等位食野係一件難得的事。

 

食完之後，我們慢步回公司，途中買了點零食及飲品，如果無左d零食…成日响公司流流長，真係好難過。

 

豬頭人今天繼續他的出單工作，而我就沉迷在新歡【鑽石方塊】遊戲中。不知不覺…時間就去到晚上的9點，其實我早就迷失在電腦遊戲中，玩到連時間都唔知，點解我會知係9點鐘？？因為响依個時候，我發覺肚子有點痛，起初是十分輕微，我諗住可能係食得太多…過一陣就會無事，但係經過左差不多1小時的陣痛，我知道…並唔係少少痛甘簡單，因為我開始痛到標汗，依個時候真係要向豬頭人求救！！

 

起初豬頭人仲以為我玩野，真係激死我啊…點會攞依d野黎玩，我係忍住扮唔痛，其實真係痛到想喊…但係我知道如果我一喊…佢實話我無鬼用，我費事痛到死…仲要比人話，所以先勁忍咋。

今晚我經歷了八級肚痛的一夜，真係好慘…美好的星期日晚，就因為肚痛以破壞左，損失最慘重既係…本來豬頭人打算同我去打邊爐，可惜肚子唔爭氣。不過响肚痛的過程中，豬頭人細心的照顧…令我十分窩心，這都算是因痛得福。