C+偵探(The Detective)

C+偵探(The Detective)

 

終於有機會黎到MEGA BOX既UA睇戲，這兒環境真不錯，座位又大又舒服，而且人又唔算多，睇院戲食飯食甜品都唔洗等位，雖然這裏位置較為不便利，不過我相信這裏會迅速變為我喜愛商場之一。

 

依期睇戲都算睇得密，食同睇戲基本上已成為我同豬頭人約會必備項目。一入戲院，人唔算多…可能因為套戲都已上畫一段日子，豬頭人買定熱狗同爆谷，「獨食必肥」…我諗佢好快會向2百磅 進發！！

 

好…講返套戲先，今次郭富城繼『三岔口』、『父子』後，再演潦倒角色，似乎不知不覺間已被定型。戲內配角極多，除左好戲之人廖啓智外，還有一班無線人，如黎耀祥、劉紹銘、商天娥，另外還有成圭安、小雪和谷祖琳等，但大部份只以過場形式上場，實在有點可惜。

 

故事由肥龍(成圭安)托郭富城所飾的偵探查案開始，事情和涉案人物越見複雜，越是深入調查…就像越把自己推向危機，到底真相係點呢？

 

彭氏兄弟一向擅拍鬼片，今次彭順獨挑大旗，片中的配樂十分出色，我對片頭的那首泰文歌實在是十分喜愛，片內的音效亦帶動了全片的節奏，加強了緊湊的氣氛。故事圍繞著一連串的命案，過程緊張曲折，片末也有講明前因後果，只是略嫌有些地方交代不足，不過整體來說也值得一看。