2008年3月玩樂美食東京冰火之旅(16)

( 15/3/2008 )

 

今天係日本之旅的最後一天，心情真係有點依依不捨，不過人生就是有散才有聚，所以今天要好好利用，盡情享受這一次旅程。

 

黎到最後一天，行李箱都擠得滿滿，其中一個行李箱還迫爆了，好在勉強能使用，我們先到酒店吃下一頓豐富的早餐，在眾多款式當中，我最喜愛是芝士，夾著鬆軟的牛油包來吃，更覺「芝」味。

 

早餐過後，我們便提著行李離開酒店。時間還不過是早午9時，大部份店鋪還未營業，所以我們先到「二重橋」參觀一下，今天的天氣好得很，在戶外走走也算一件賞心樂事。

 

在二重橋遇一名極為友善趣怪的老伯，雖然在言語上我們無法溝通，但他的惹笑動作，逗得我們人仰馬翻。在二重橋逗留了約20分鐘後，我們便啓程前往銀座在最後衝刺。

 

 

去到銀座後，我們先到大型商場逛逛，今次的目標是幫may表姐買森永BB餅，同埋我想買些日本漬物，但係行來行去都唔見有，日本的超級市場貨種方面並不多，反觀香港的日式超市真係又大又種類。本來諗住買個夕張蜜瓜返黎送比母親大人，但係行李實在係太多，所以最後唯有打消念頭。

 

下一站係玩具博覽，依度真係咩玩具都有，大人細路都一定啱睇，電玩產品尤其出色，那些新潮有趣的玩具，相信無人可抵抗它的誘惑。豬頭人看上了一隻電子獨角獸，但係價錢實在太貴，所以最後佢都係忍手，留返黎買第二樣。