嚇死你！ (Scared 2 Die)

嚇死你！ (Scared 2 Die)

 

上次在戲院看過恐怖片「遺言信箱」後，覺得在戲院在看的驚嚇程度是高於家中很多倍，不知豬頭人是否要從而訓練我的胆量，星期四的晚上，他提議搵套恐怖片睇下。

 

最近在ROADSHOW經常看到電影「嚇死你！ (Scared 2 Die)」的介紹，雖然無大明星撐住，不過預告片像是不錯，而且想支持一下本土的製作，希望在支持之餘會有一點新驚喜。

 

一開場…發現故事以短篇組合，真係有D似當年的「陰陽路」，當睇完第一個故事(由李璨琛担領)，內容空洞，不過都算叫有點笑料，都入左場…只好希望好戲在後頭。

 

第二個故事有江若琳，宣傳片話係她的破格之作，點知去到一半…已有不少人離場，只見江若琳跑來跑去，把她的那雙大眼左碌右碌，但都是不明所以，心想…這真算本年度的爛片之最，這篇名為「你個心好強壯」的篇章，足而令人對香港電影絶望。

 

最後一篇有久違了的阮民安，觀眾或許在這一刻還會抱有一個「好戲在後頭的期望」，但是統統都注定失望而回。

 

最後我得出的結論是…這套戲不應名為「嚇死你」，應為「激死你」才對，作為一個觀眾，遇對這種爛片，固之言失望氣頂，作為製作人及發行人的，更是電影業的禍害，可能就是因為這部戲，而不再去戲院睇港產片，成日叫人支持香港電影片，但係就一方面拍埋D甘既戲。

 

報章上江若琳話如果有3百萬票房就送大禮比台前幕後，我想…除非係「督」數，如果唔係一定唔會有，佢絶對可以慳番，睇完依套戲真係超嬲到爆，希望唔會再有依D戲出現。