鬧...鬧...鬧 總之就係要鬧(財政預算案篇)

近日財爺被市民鬧爆，傻仔敏常說「依份工…真係好難做…」，人…總是不能將心比己，正如像我一樣的打工仔，返工確會做充本份，何謂本份…無人知，因為把尺在我手中，稍為不合自己把尺，口裏便說一句「唔係啩!打份工啫!」我肯定…好多人都會講過依句說話，同樣做官的都會諗「打份工啫!」，但好不幸，無人接受到做官的不過是打份工，無論是有交稅、無交稅，甚或至是領綜援的，都會覺得自己係出糧比班官，所以註定你要硬食，而且不能講…不能諗大家都係「打份工啫!」

 

細細個已聽過「華盛頓砍櫻桃樹」，誠實和知錯能改的，是一件好事，佛教、基督教…都宣掦知錯能改，的確，首份預算案做得不夠，唔緊要「知錯能改」，再來附錄，但仍是被駡，「知錯能改」又被繹成補镬， 曾 先生在家可有對天呼句「到底想我點…????!!!!」。

 

注資入強積金被指低能擾民，全民高呼移民澳門，以為聽取民意，效法澳門…誰不知換來無立場，無遠見胡亂派錢，立場…何謂立場，堅持就來一句漠視民意，好吧，順應民意、知錯能改，就成了毫無立場。…又話老人福利唔夠，又話強積金無用，又話仲咩唔學澳門??好啦…派現金吧，忽然又變左短視(本身都注資6千去強積金啦)。

 

仲有…又話歧視，親移民控訴被歧視「點解我無6千!!!」大哥…好合理啫，自古明言「無工者飯餸不留」，未成為永久居民，即係你付出和貢獻這個大家庭的資歷未夠，唔好單單話要求納過稅，你連响到消費，工作都不過短短幾年，庫房依筆錢又關你事，話說轉頭，如果政府話財赤唔夠錢，每名市民要攞6千出黎，你睇下佢地會唔會話「關我事，有我份，唔好當我係外人」?美國開口埋口自由、公平、民主…搵人試下走過去領失業救濟金，睇下佢比唔比你?!

 

基層市民話唔應該豁免差餉，話這是「益左D有錢人」，傻仔敏真係唔知點分/何謂「基層」，個人經驗…時下買樓的不代表有錢，只時無屋住以’焗’住買樓，大部份都是「基層」，甚至是比「基層」更「基層」，因為供樓的負担並不輕，反之住公屋的真是幸福得多，不單沒負資產的風險，更有免租一個月的大優惠。講得出免差餉=「益左D有錢人」這番句的人，只反映「人心不足蛇吞象」。

 

綜援都有得出雙糧，仲要話唔夠，真想問一句「何謂夠?!」同埋「點解要夠」，坐响度唔洗做，60歲仲生夠4個小孩，仲要比到你認為夠?!唔夠先係應該，這只是一份援助，並不要視之為理所當然，做又三十六，唔做又三十六，甘點解要去做，仲叫班小朋友讀書黎做咩，如果一早知道有人養而且非常足夠，甘點解要做?點解要讀書自強?

 

並不是冷血自私，傻仔敏都會體諒，例如是老人和殘/智障人士的福利，希望可以加強這方面的資源，增加院舍，縮短輪候時間，另加強家居服務的範圍，增強到獨居者的協助；擴大醫藥名冊內的藥物，減低病患者的負担和有更完善的醫療服務，增加他們的復原機會；投放資源在教育服務，令下一代能有更良好的發展空間。

 

又想到了1961年甘迺迪總統曾說過一句精句，「Ask not what your country can do for you — ask what you can do for your country.」他請國民不要只問美國能夠為他們做甚麼，而要問自己能為美國做甚麼。別把所有都看得理所當然，別被一些看來合理的不合理所蒙蔽，當你想要什麼之前，先問問自己可以做些什麼。