18/11/2006 (星期六)
今天同豬頭人兩個跑到深圳逛逛街，今次係我地第一次兩個人去，好似比大伙兒去溫馨d，同埋想做咩想食咩都可以話晒事…
我地大約2點鐘到去到深圳，今天的人流較少，所以行得比較舒服。但係身為路盲既我…再加上人生路不熟，所以全程都跟到豬頭人實一實，好驚蕩失路喎。
行完街街都成5點鐘喇！跟住我地就走去按摩lu…一去到換好衫，訓响張有電視的sofa度等按腳…一邊飲住檸檬茶…食住新鮮菠蘿，真係無得頂，按下按下仲訓著左添！！跟住我地就去按身…嘩…真係舒服到不得了，訓到眼都腫埋，簡直就係身心舒暢，之後再加一個熱水浴…真係舒筋活血。
鬆完筋骨，跟住我地就去醫肚喇…坐左十零蚊的士，去到小肥羊，由於偽品太多的關係，所以我地一早上網搵好晒地址，深圳既小肥羊好大，而且好似比香港的清潔，可能因為人手較多的關係吧。最意外既係佢地見我地點菜點得較多，會主動提醒我地可食完再叫…唔好一次過點甘多，服務態度真係非常好。食到飽一飽都係百六蚊…今次的一天遊真係非常開心。
0 意見:
張貼留言