神奇4俠：銀魔現身(Fantastic Four: Rise of the Silver Surfer)

黎到第二集的神奇4俠，依然有木口木面的Ioan Gruffudd、越黎越好身材的Jessica Alba、大隻左既Chris Evans、得5分鐘見到人樣的Michael Chiklis、唔講唔知佢有份的Laurence Fishburne。

老實講…依套戲既劇情都算非常薄弱，主要係講受到外太空輻射而各自擁有不同超能力的「神奇4俠」─「神奇先生」、「隱形女俠」、「霹靂火」及「石頭人」遇上嚴峻的考驗！他們要阻止星球毀滅者卡勒提斯派遣的魔幻使者「銀魔」，對地球進行惡意毀滅。與此同時，還要對付捲土重來的「末日博士」。

首先…成套戲無交代過銀魔係點樣黎、點解後黎會幫神奇四俠…大概導演覺得依d並唔重要，ok！！...我都可以接受，依套係漫畫電影，唔需要太著重前因後果。但係…好可惜…成套戲埋牙肉搏的鏡頭又唔多，一開波打得個兩下，又話打完…結尾果場更加可算不知所為，以為重頭戲啦…話晒都叫做打「大佬」，點知銀魔一衝埋去，就話死左…唔係甘行貨啩！！講到大佬甘堅，點知一野KO…都係太流。

90分鐘的劇情，對「神奇4俠」黎講，係『時間太短，任務太多』。對於我黎講，依套戲只不過係夏日炎炎裏，純粹為左嘆冷氣而入場的一套戲。