起勢甘食

碗屋

晚餐的地點係位於中環新世界中心的『碗屋』，我們選擇了日式放題，因為依度一向都好多人，所以我提早左成4日就book位。

『碗屋』裝修非常簡樸，無咩花巧野，陳設同餐具都簡簡單單。我一坐低就急不及待睇下有咩野食，我第一時間首先點d刺身先：赤貝、蝦子魷魚、三文魚、吞拿魚、帶子、魚、甜蝦…超多款…又新鮮。當刺身盤上枱時，那些鮮艷的顏色…任何人都會被那顏色吸引著。

聽聞海胆小卷係必試項目，我一口氣吃下三件，它的質素並沒因是放題已下降，真係好鮮味。各款刺身都肥美新鮮，而且食物種類多，真係日式放題的首選。

 

Mr. Steak Buffet a la minute

跑到銅鑼灣的Mr. Sreak，一入去發現環境算唔錯，起碼唔會枱貼枱甘。黎到Mr. Sreak梗係要食牛肉啦，第一時間比和牛刺身所吸引，雖然唔講得上頂級，但係都稱得上入口融。各款牛都好好味，首推日本鹿兒島和牛，真係好重牛味。

除左牛之外，仲有大量食品提供，生蠔(細細隻，但好鮮甜)、蟹腳(無todai甘大隻…所以無食到)、凍蝦(又大隻又好味)、帶子、魚、三文魚、鱆紅刺身(由於太多野食，所以淨係食左帶子刺身，大粒厚肉…唔錯)、冷面(冰冰涼涼…消暑一流)、芝士焗薯蓉(芝士配薯蓉…係我的至愛之一)、焗帆立貝(味道一般)、燒黑豚肉(鞋口左d…都係牛肉好d)、沙津(自助沙律吧，款式多…鍾意食邊樣都得)、甜品(推介芒果豆漿杯，味道好香濃)。