20.1.2008 單車郊遊樂

 

20/1/2008 (星期日)

 

今天的天氣好得很，陽光充沛，是近兩星期以後最好天氣的一天。趁著好天氣…我們三五知己相約踏單車郊野上，上路前先食早餐(其實12點算是午餐吧！)，在大圍的燉奶佬食左一碗難食非常的牛腩面，這裏人多、位迫、野難食，下次一定唔會再黎。

填飽肚子後，今天的「郊遊單車樂」，在每人揀選左自己的戰車後正式開始，由於我有陰影，所以最終都係同豬頭人同車。點知開始唔夠3分鐘，小黑就已經破左我的記錄，發生炒車，哈哈…笑我喇！！

 

大伙兒都笑豬頭人如運石油氣的工人般運著兩筒石油氣(意指在尾坐的我)，真係激死我，我唔係齋坐嫁，我响後邊都有出力喎。經過近個半小時的努力，我們遙遙領先到達中途站，事實證明左我係有出力…

 

我地的中途站是單車徑旁的「船上小食店」，我們買了辣魚旦、魷魚、腸仔、牛丸等小食，豬頭人給那辣汁辣得咀巴變得紅紅的。在那船上發現了一有趣的告示「請勿在船上進食」，真係令人摸不著頭腦，明明擺設成小食亭，又坐滿晒食客…另一方面又出現這句告示，真係有點搞笑，有機會真係要向老闆問個明白。

小休後，我們繼續向前路進發，途中豬頭人被雪糕車吸引，我們又吃了一杯雪糕，不到10分鐘，又見到單車路上的特產「冰菠蘿」及「冰蜜桃」，我們又一人一件在路邊嘆，真係有少少担心會食到肚痛。

 

下午3時，我們已到達大埔，由於時間尚早，所以我們便決定向大尾督邁進，由於這段路的斜路及馬路較多，所以是比較吃力，半小時後…由於小黑發生爆笑的抽筋事件(又係小黑?!)，所以我們便在士多休息一會，食左支雪條(又食~ ~)，經過近1小時的努力，我們便到達了大尾督。

他們繼續向大水壩前進，但我和豬頭人覺得很累，所以我們便到小食店等候，又累又肚餓，我和豬頭人點選了腸仔肉丁面、餐肉肉丁米、奶油多士、凍豆腐花、凍奶茶、凍檸茶，味道都算唔錯，埋單都係$67-，抵食夾大件。

 

晚上7時，我們還完單車，加埋peter同亞賢，一行11人坐的士到大尾督燒烤王(親親大自然農莊)，由於星期日係無任食($55/位)，ricky ba又發現套餐麻麻地，所以最後決定散叫，點左黑椒火雞腎(超入味…正！)、牛柳條(略醎)、羊件(大件…但太重黑椒味)、豬手八(甜甜的，味道唔錯)、面包(推介依度的包包，十分軟…燒至脆脆的，很好吃)、魚旦(太多粉，不好吃)、豬頸肉(好食非常)、白鱔(嘩！！重點推介…一流)、雞翼(好滑，非常入味)、乳鴿(兩隻大大的乳鴿，又亞賢主理，燒得皮脆肉嫩)、腸仔(肚餓佳品)、粟米(配蜜糖燒香 ~)、番薯(好奇怪…有白色肉的番薯？)。

 

燒到甘上下，大家填飽個肚，圍住個火爐談天說地，亞水買來煙花…單是人的煙花趣史已較人笑破肚皮，亞賢玩龍吐珠…反射心口；ricky在煙花中亂跳，還有peter哥同亞水的笑話，仲有亞賢所堆砌的火爐…是我見過最大的一個，真係似燒自己多過燒野食。充滿歡笑+汗水的一天在凌晨12結束。