The Spaghetti House之「芝味感受」

經過多天的工作，為獎勵自己，決定星期五的晚餐要食番餐好，人多車多…最後揀左在雅蘭中心的The Spaghetti House。

 

未坐低…我們便一致決定要食芝士火煱，好耐無食過芝士火煱，不禁有點興奮…真係好期待！！經過一輪商議後，我們點了：

香蒜焗帶子 ($42)

依個帶子真係超好味，蒜蓉味又香、帶子鮮甜…底下的薯蓉吸收晒蒜香和帶子味，一流…但係每人得兩粒，有d唔夠喉！

煙三文魚凱撒沙律 ($77)

以$77依個價錢來說，可算是超值，响超市買一包凱撒沙律都要$50啦，仲要無甘多、無甘新鮮喎！宜家有埋5大片三文魚、d料又新鮮、又好味，都係賣$77，我要比99.9分。

芝士火鍋–原味 ($198)

輪到介紹重頭戲『芝士火鍋』，芝士如岩漿般在窩內跳動著，我用小义义著法國包，輕輕地沾上芝士漿，這配搭實在太好了，怪不得此會成芝士火煱的必備配料。接著再义上火雞肉、香草腸、生牛肉、日本菇，雖然只是少少的一碟，但原來也甚飽肚，但是好戲原來還未上場，這就是小小的一碗墨汁天使麵，天使麵拌有蒜蓉，蒜香的味道令人無法抗拒，加上點熱騰騰的芝士漿，輕攪一下，天使麵又彈牙，真係估唔到甘好食。