絶對無老點@老點點心竹筒飯

最近愛上了吃點心，今天來到了老點享用午餐，店子細細，好在黎得早，唔洗等位。

一坐低，急不及待點餐，打正旗號的竹筒飯，不能不吃吧。

腊腸嫩雞竹筒飯: 雞真的是嫩滑，腊腸雖則得兩片，但很香，飯吸收了腊腸的油份，更為惹味。白米加了少少紅糙米，健康功效唔知，但都叫做有心意。飯食到底較濕，可能是水氣加上肉汁，但傻仔敏個人好軟飯，所以尚可接受。

七味虎皮尖椒: 絶對可以用新鮮熱辣來形容，真係即叫即煎，好香口，虾膠爽口，少辣滋味。

吾係老點小漢堡: 炸了的啖啖虾肉作饀，包皮焗過，脆口，旦黃沙律醬很配合。

愛人白汁芝士磨菇雞批: 是日最愛，芝士宲濃已經貼合傻仔敏的心意，再配上酥香的餅底，而且又夠熱又唔會餅底濕糊，愛不釋口。

鮮上肉响鈴腸: 腸粉皮滑，但內裏的脆响鈴是精髓，兩種口感還未夠，最內面的爽虾肉和豬肉粒，同時增加了鮮味，GOOD~~

彩絲牛栢葉: 味道夠濃，牛栢葉入晒味，但略油。

傻仔敏個人覺得點心最基本最講求的是夠熱，老點把這方面做得好好，雖然中午爆店，但質素仍能KEEP到。但店員的質素一般，上枱時飛象過河，把汁料都倒到枱上，這方便要檢討一下。

若只論食物質素，這絶對會是傻仔敏的回頭店。