蜘蛛俠3 (Spider-Man 3)

蜘蛛俠3(Spider-Man 3)

 

蜘蛛俠已黎到第3集，但係受歡迎的程度依然有增無減，聽聞連天水圍的戲院都full house，今期潮爆榜都非佢莫屬。

 

你問我係咪鍾意蜘蛛俠呢？說實在係因為今期無咩戲好睇…所以才急不及待。因為我比較鍾意超人同batman多d…點解？因為蜘蛛俠太「霉」了，大家都係英雄…但係佢真係霉得緊要…連租都無得交的英雄，真係較難令人投入。

 

今集的蜘蛛俠依然係Tobey Maguire，本身佢已經唔係屬型仔樣，今集唔知係咪因為佢娶左電影總裁個千金，太開心的關係，搞到心廣體胖，一唔著件蜘蛛制服，身上的肥肉就表露無遺，我真係有90%肯定蜘蛛制服內的唔係Tobey Maguire黎。

男主角唔掂…咪睇女囉，Kirsten Dunst一路以黎都唔可以用個靚字黎形容，上兩集更加係劣評如潮添！！不過今集睇睇下…發現佢好似靚左d甘，可能因為多左個更唔得的Bryce Dallas Howard做比較，Bryce Dallas Howard面上總是那灰白色，又令我諗起兩套曾欺騙我的電影 ---「森魔」同「禍水」。

上集型男James Franco都好似不復當年勇…細看下走晒樣，唔怪得佢吸毒的傳聞不脛而走。

 

今集故事以蜘蛛俠纏上外太空不明物質在根本，最初是外表的轉變，他的紅色戰衣變成了黑色，漸漸心智亦受蠶食。

蜘蛛俠內外受敵，除了應付敵人、維持正義外， 在愛情路上，他與Mary Jane亦陷入薑局，到底蜘蛛俠能否戰勝心魔，挽回他至親及至愛的人？

今集蜘蛛俠係充滿了「人性」，體現了正義英雄其實都需要面對現實，每個人都有陰暗的一面，就算維持正義的英雄…他們一樣會有心魔。