努力工作

經過多天的消沉，今天終於都有一件好事發生了，就係中心個Server終於都整番好…依個真係天大的喜訊，之前真係好驚整唔到，兩年以來的心血就會化為烏有。

今天真係撥開雲霧，大部份响server的資料都可以攞返出黎，十分感謝占美的努力，我知佢為左整番好部機…花左好多時間同心血，連佢最緊張的頭髮，佢都唔埋，衷心多謝佢的協助。

响Server壞了的期間，我重新檢視了過去兩年的工作，發現原來自己都花左唔少心機响度，原來我對做了六年的工作，仍然充滿了熱誠。希望未來的一年，中心的運作可以更加順暢，而我在工作上可有所進步。