食玩星期天

27/5/2007 (星期日)

今天一早起來，諗住叫埋豬頭人同卓卓去食早餐，點知佢地兩個訓到昏迷左甘，叫極都唔郁，等下等下…由10點等到成1點出得門口，由食早餐變左食午餐。

豬頭人同卓卓一致決定去「美味居」，因為我真係好肚餓…所以一坐低…先點左一籠蝦餃同雞扎食下先。可惜有大食卓卓的關係，兩籠點心有成都係落入佢的肚子內。豬頭人 -- 腸仔餐肉公仔面、卓卓 – 燒汁雞件餐肉飯、傻仔敏 – 雪菜墨丸米線。食飽飽後，我地先送卓卓搭車返屋企，之後就返公司做野喇！

下午5時30分，豬頭人終於把手上的工作完成，我地終於可以去玩lu。會合埋ricky、kit、水同思敏，出發去銅鑼灣。思敏整左d手甲，又令又長，好靚…不過我太粗魯，一定唔可以keep到好似佢甘靚，所以我都只係羨慕一下罷了。

本來諗住入場前先食野先，點知麥當奴執左，加上時間夠，所以每人買左個包同飲品就算。點知入到去之後，個個都整隻熱狗、芝士片、爆谷，左右手都攞住野食入場。經過差不多3小時的’R’爆頭(套戲會再同各位方享)，大家帶住一大堆的問題離開戲院。

Ricky ba今晚帶我地去食日本野，雖然明知時間唔早，但係有得食…緊係去啦！！途經「水家姐」的鋪頭…禮貌上都要去say hi，「水家姐」個樣好可愛…仲帶有點亞水的影子，亞水一家真係好似copy出黎甘。「水家姐」熱情甘款待我地…一向對化妝/護膚品非常鍾愛既我，面對各式各樣的化妝/護膚品，真係雙眼發光一樣。「水家姐」仲比左幾款試用品我添…真係好開心…我一路fing住那紅色的小袋子，一路向晚餐的地方出發。

到達左『一生日本料理』，地方清幽，雖然已經係晚上十時，但仍有不少顧客在內，心想…食物應該不錯吧！點食物的重任，當然落在ba、ma的身上，有佢地响度，根本不需為食而煩惱。

溫泉玉子烏東、燒豬頸肉、蠔粥、海蜇青瓜、冷面沙律、蟹籽沙律、燒牛舌、螺片刺身、牛肉鍋、甜蝦刺身、軍艦壽司、燒牛肉、五味芝士、三文魚他他、炸蠔、炸大蝦、魚籽壽司、青爪卷、海鰻壽司、周打魚湯、凍豆腐、麻醬涼伴菠菜、牛油果蝦沙律、籚薈伴菠菜、玉子清湯、炸魚餅、南瓜刺身、白汁田螺、白酒煮青口。

食物真係多不勝數，大家邊講邊食…一食就食到12點，各人又飽又眼訓甘講byebye。