屍城30夜 (30 Days Of Nights)

屍城30夜 (30 Days Of Nights)

 

本來諗住星期六去郊遊，點知時間未能配合，所以最後去左Mega Box睇戲、食飯，好戲都睇得七七八八…最後揀左【屍城30夜 (30 Days Of Nights)】。

套戲非常簡單直接，中文名【屍城30夜】，即係同班彊屍困獸鬥30日，英文名【30 Days Of Nights】即係30天的黑夜，單憑戲名已可略知成套戲講咩。戲中的場境全在漫天白雪的小鎮塚崗 (Barrow)，入場觀眾最好帶多件衫，因為戲中的寒冷定必會感染在觀眾席的你。

 

戲中的演員都好多，主要在Josh Hartnett, Melissa George, Danny Huston, Ben Foster，不過他們化了灰白的彊屍妝，再加上成口血，大概也不會認得吧。反正全片的焦點都是Josh Hartnett，只認得他也不足為奇。

 

唔知係咪年紀大左，接受驚嚇程度隨之下降，其實套戲只不過係一貫的彊屍片…但係都足以令我心驚膽顫，那種「逐個死」的穚段+血淋淋的場面，真係睇到人好疲累。吸血彊屍+死傷無數+求助無門，便是這套戲的元素，舊酒新瓶，新的瓶子裝著的就是30日不見天日的北極小鎮；一班有思想、策略的高智慧彊屍和注射彊屍血會變彊屍…如果只是求其搵個地方坐下+出一身汗的話，這套戲都可以是一個選擇。

看完這部戲後，我有3個感覺/感想，(一) 好累；(二) 其實男主角係好自私，我唔認為佢犧牲自己去救女主角係偉大既事，試問眼見心愛的人為救自己而死，餘生還何來意義和歡樂；(三) 其實套戲都幾殘忍，我所指的不是那些血腥場面，而是對現實中住在Barrow的居民殘忍，唔知當30天黑晚來臨時，他們會否心有餘悸。