驚天奪寶：世紀秘冊 (National Treasure: Book of Secrets)

驚天奪寶：世紀秘冊 (National Treasure: Book of Secrets)

 

今日去左個新地方睇戲，地點係九龍站 – 圓方(Elements)，估唔到甘多人黎依度睇戲，排左成20分鐘隊先買到飛。入場前先買下熱狗+汽水+芝士腸($61)，就入場喇！！(＊D芝士腸超好味…我食左十條)。依度D坐位有點窄，不過整體來說都唔錯。

睇過第一集的朋友，都應該知道套戲係以「奪寶」為主線，一層一層的解破謎題，由於第一集的內容設計實在是太吸引，所以今集我一早就決定左要睇。

 

一開始…故事就講到Nicholas Cage的祖先，到底Nicholas Cage個亞爺個亞爺…係咪有份參與刺殺林肯？？聰明既觀眾，當然好快便知道係引佢落搭既局啦。

Nicholas Cage，Diane Kruger，Ed Harris有智慧有科技，去到法國艾菲爾鐵塔；再到英國白金漢宮，甚至綁架美國總統，睇到一幕幕的鬥智鬥力的場面…真係賞心閱目。老實講，套戲唔多唔少都算有d抄『The Da Vinci Code』，不過比起Tom Hanks那一套，可以稱得上好睇幾萬倍。

片中Nicholas Cage為洗雪不白之冤，穿梭英、法、美尋找證據，當中一部「總統秘冊」更記載全球驚世秘密，雖然明知內容全是虛構，但同時又不得不為那一個又一個的謎題著迷，加上緊張刺激的機關，就是這部戲吸引的地方。