傻仔敏對行街買野的興趣並唔大，平日的嗜好除左食同訓覺之外，必定係睇電影，基本上我所有類型的影片我也喜歡，不論是主流或是冷門。動作、愛情、科幻、卡通、親情、勵志…只是是好電影，我也喜歡。所以除左飲飲食食同去旅行之外，我最大的消費支出就係睇電影。
今年通漲加劇，物價颷升，租金又升、食品又升，買對鞋50%OFF後都要成$500，荷包真係大縮水。聖誕將至，不少電影都趁在旺季上映，不過今個假期想睇戲就要多比多D錢喇，因為百老匯、UA（娛藝）、嘉禾（GH）及MCL（洲立）四大院線決定，由本周四起至元旦期間，每張票價加5至10元，信用卡優惠亦會暫停。
四大院線加價之時，適逢多套聖誕檔期電影上映，本周四先有斥資4000萬美元 的《投名狀》，西片有《魔間傳奇》和動畫片《花鼠明星俱樂部》，下周四則有Nicole Kidman +007 Daniel Craig主演的《魔幻羅盤》，以及Nicholas Cage的《驚天奪寶2：世紀秘冊》，港產片代表則有《破事兒》。
數下手指，都有4、5部戲想睇，支持電影業既我，惟有比多少少錢啦。Ooo…樣樣都加，點解人工無得加…？
0 意見:
張貼留言