自己講自己 (12)

8 February 2006

自己講自己 (12)

憂慮是源自他人或是自己本身我都搞不清楚，一方面是因為他比我大上好幾年；我還是讀書的階段，但他則已投身社會工作，我倆如何溝通？；我對佢一無所知，一見鍾情不是合我一向的小心作風；加上在我四周的流言四起，一時話佢花心、好多女朋友、成日周圍追女仔…..

我唔想自己會唔開心，但係又鍾意…甘點算好呢！

起初我地都只係用icq傾下傾下…個時我成日都對住部電腦，見到佢online就好開心。

終於我地都開始左第一次既約會了，個日我本來同班舊同學去行街食飯，係旺角家樂商場門口突然接到佢既電話，佢約我去食飯，甘我地就約左係九龍塘又一城豐澤電器門口等，我去到既時候見到一個著住白色衫揹著背囊的背形…我跑過去拍一拍他的肩膀，哈…我想我以後都會記得這一幕吧！

之後我地坐火車去沙田，我把頭一直低著，唔知點解好驚同佢面對面，好驚同佢有眼神接觸…係火車上面佢捉住上面既扶手，我覺得佢好似好高甘。跟住我地去左係戲院隔離既上海店度食飯，d小籠包熱騰騰好好味…之後我地仲去左睇戲，睇「夏日麼麼茶」，我地坐係中間較後掛的位置，佢坐得好搞笑，繞晒腳好似大爺甘，中途我要打比mummy報到(因為佢個時唔係甘鍾意豬頭人嫁)，甘我咪話去買水囉，我返埋位個時佢仲拖一拖我埋位添！！散場後佢仲問我點解買水，早知唔駛買甘大杯汽水喎！！吓…一杯2份飲，甘即係點呀。

之後佢仲送我返屋企…車上佢問我有冇男朋友…sweet  sweet…我話無…但係我又唔想比佢知我無拍過拖喎，因為我好驚佢係玩玩下…

 

 

續