開年飯後記之發發發

6 February 2006

開年飯後記之發發發

4/2/2006(7.30p.m.)

今晚D餸都算唔錯，而且份量又多..大大碟。我地今晚享用左一餐「靜英英」的開年飯，席上大家都無點講野，連平時九唔搭八的jerry都唔出聲，成晚都各有各食，靜得發慌…真奇怪，平時個個都口水多過茶家麻…好彩轉機終於都出現lu，當WENDY抽到個幸運獎金之後，成班爛賭鬼(本人除外)提議去打麻雀，我初頭以為返去公司打啦，點知原來去麻雀聯誼會，最厲害係我JOVI同IVAN都居然係會員，我都未識過亦都未聽過有人會係麻雀聯誼會既會員，果真厲害。

(9.00p.m.) 我初次踏足麻雀聯誼會，一入到去有2圍人係道食緊飯，我地一行九人被帶到63號房，原來環境都唔錯喎！房內設備都好完善，又有梳化又有廁所又有電視…最先係豬頭人、JOVI、JERRY同埋IVAN落場，豬頭人打左成四圈都未開胡，臨尾個圈先食鋪4番。跟著豬頭人讓位比我過下手癮…哈哈，點知差D激死佢，我居然上五萬打五萬，係依D甘驚嚇的情況底下，佢又搶番去打LU！點知執位後豬頭人開始有胡食，仲要頻頻食添。在回本的情況下，佢終於比我落場一展身手，在其他人「估我唔到」的形勢下，我自摸左幾鋪，不知不覺我地仲打到成凌晨3點半，JERRY負責送亞恩…送去邊我就唔知LU….！我同豬頭人就拖住疲倦的身軀歸家。

豬頭人好驚我會打上癮，不過佢可以放心啦，一黎我唔會攞佢D辛苦錢去賭，二黎我最鍾意既事點都會係陪佢麻….。