愛的狠勁

28 April 2006

愛得狠勁

前幾天聽到一女性朋友係度呻，話個男朋友甘耐以黎一d進步都無，做d咩都懶懶閒…愛理不理，都唔知仲要甘樣忍佢到幾時，點解成日都要係女就男，大不了咪單身啫！總好過由朝到晚都要谷住度氣。人地既感情事，我梗係無比意見啦，不過從佢的眼神…我就知道佢根本無可能會放下依一段令佢「谷鬼氣」的感情。

 

愛人真係一門好深既學問，尤其係當我們愛上一個男人的時候，當佢令你勞氣到死既時候，女人們就會發現愛上他(男友/老公)是最笨的一件事，可以的話，我諗女士們都寧願選擇去愛一隻狗、一隻錶或者係女人的至愛- - - 鑽石。

但係人就係甘嫁喇，明明知道會唔開心、會失望，但總係會不停留戀，個口話走，點知就踢都唔走。而且男人同女人的構造實在有太多不同之處…女人既眼係可以睇得遠d同深d，女人一開始既時候可能就已經會諗好同身邊那個男人的將來，一開始就去計劃…由微細的一點去計劃。所以當你身邊的男人不長進，你就會自自然然的氣起來。

 

所以有時候，如果不想時時動氣，女人一定要愛得恨勁。只要你愛得恨勁，你就會忘記他搵錢少過自己，洗錢多過你；只要你愛得恨勁，你就會體諒他總有力氣打機卻無精神陪你一會；只要你愛得恨勁，你就會忘記他的戶口十年如一日，都係4位數字；只要你愛得恨勁，你就會原諒他對其他女子的柔情似水；只要你愛得恨勁，你就會忘記他曾應承會改但都係無改的壞習慣。只要你愛得恨勁，你就會接受他對你的粗聲粗氣。只要你愛得恨勁，你就會原諒他把你當成三千八一個月的賓賓(不過你是無薪的)；只要你愛得恨勁，你就會發現他是天下間最好的。

好多時候，只要我們立定決心，再難的事都會過得比較易。當你對著一個十年都無咩進步，但係又唔知點解仲要鍾意既男人，就只好催眠自己。甘當然，我們都要立下一、兩條「規條」做自己既底線，越親線就無情講。

不過，如果你所愛的男人實在太差勁的話，甘就唔好再浪費自己的時間了，無謂令自己甘痛苦，因為我認為說到底戀愛始終係一件甜蜜的事情。