12 June 2006
世界杯 (啱啱開始篇)
世界杯已經開始喇！雖然以家仲係分組賽，不過好多人已經訓身睇波。男士們睇波就有無限既精力…訓兩粒又可以返工，女士們可能諗來諗去都唔會明…到底22個大男人係球場上追住一個「波」點解會有甘大吸引力？
好在我細細個就同DADDY一齊睇波，所以都不至於討厭，所以我都唔介意陪豬頭人周圍「捐黎捐去」睇波。不過依2日身體有點不適，所以睇左陣就訓覺LU。捱左兩晚，以家隻智慧牙仲有D痛添！不過見豬頭人甘高興…算啦！
星期六(10/6/2006)我地同卓卓一行3人去到apm感受一下氣氛，點知一去到…真係好多人，好不容易先至係food court到搵到個好位，食住好美味既食物甘睇「United Kingdom VS Paraguay」。成場波都係入得1球，不過現場氣氛都幾熱烈。由於人實在太多，所以之後個兩場我地都選擇返公司舒舒服服甘睇。我已經決定唔睇分組賽，留番d精力等16強先再睇…因為唔夠訓真係好辛苦。加上尋日有個男人睇完波之後暴斃，都有d驚驚地…都係要管制下豬頭人不要太沉迷先得。
何sir買左德國贏4比2…比佢扑中左…成80倍…真係好運到爆，佢比左個貼士我…就係搵徐生「燈」，e.g.：徐生買英格蘭和波；賽克贏球；德國輸波…果然係一箋「明燈」。我都開始有d信心…
0 意見:
張貼留言