8條友四圍走

20 July 2006

8條友四圍走

 

星期日(16/7/2006)同豬頭人再加埋班團友，一行八人去左深圳。我地差唔多成4點先去到東門，係太陽廣場坐低飲杯野至正式今天的節目，不過依間咖啡店D消費都幾貴，而且D服務態度都好差。

之後我地4個女仔就去左修甲，亞MAN一句「20蚊十隻手指…」真係算金句，效果都算幾好…不過我個師傅就有D惡囉…不過算啦…我都慣左比人恰。

班男仔趁我地去左修甲既時候就去「督」波…一去就個半鐘，唔搵都唔識返。亞水見到詩敏黑面個樣真係爆笑。

7點鐘到我地就去左海鮮街到食晚飯，雖然環境就差左少少…不過就好抵食囉！有亞賢依個食家係度梗加唔洗担心，我地食左薑蔥蟹、蒜蓉蝦、豆豉炒硯、XO八爪魚、蒸扇貝、燒生蠔、南瓜苗…非常豐富。

飲飽食醉之後，我地一行八人就向按摩場出發。去到男女分開各自換衫，約好半個鐘後係大廳等…點知4個男的一去就去左個半鐘…搞到我地要call咪搵佢地，真係激氣，事後豬頭人話佢地咩池都浸晒…又乾蒸又濕蒸又冰蒸…真係咩都玩過晒。

今次我同豬頭人選擇了泰式按摩…真係舒服到不得了…全身肌肉都得到滿足，真係令人太舒服lu…唔怪之得豬頭人成日都想去按摩。

好期待下個月的珠海之旅…希望快d到啦。