如魚得水

8 May 2006

如魚得水
星期六(6/5/2006)豬頭人著左我買既個件粉藍色衫，好好睇喎！好似一舊軟棉棉既棉花糖甘…所以個日成日都覺得好甜。

放左工之後同個同事去買野，可惜買唔到…仲要撞到個「瘟神」，其實佢個樣真係好「奇怪」(我同事形容…唔知點解用奇怪)，我就淨係覺得唔鍾意囉。

豬頭人同andy去左睇完「示範單位」，之後返公司接埋我無耐就走喇！！好難得星期六甘早就有得閃。跟住就去左意粉屋食下午茶，個酥皮湯真係好好味。

依排無咩戲好睇…所以個日下晏我地去左德福睇＜黑社會2之以和為貴＞，無咩特別，一套有d誇張的電影，可能就係少甘個梁家輝既關係吧，古天樂真係揸唔到大旗…d戲真係10年如一日。最奇怪係一套甘~~淺白、易明~~既戲，豬頭人都鬼死甘多問題問…一字記之曰『笨』！之後本來諗住去唱K，去唔成，同豬頭人去左買對鞋，有點綠色的，不錯。

成9點都未覺肚餓，豬頭人就買左個健康飯團，味道都不錯，最衰旺角個間苙左，如果唔係佢就可以食得健康D，好過食熱狗啦！

星期日(7/5/2006)天氣熱得太厲害，我地留响屋企躲貓貓，豬頭人D手風麻麻，不過玩左成日都OK啦…當用下腦囉。豬頭人依排轉死性…好似…浪漫左…香左…我都唔知係係…不過依排我地都好好…魚如得水…嘻…我要好好甘享受下。今朝返面花左…諗諗下…原來尋晚訓覺前佢攞D小…胡…蘇…吉我塊面，無人性…