簡單的2天

22 May 2006

芝士牛肉焗薯蓉
星期六(20/5/2006)山長水遠走去銅鑼灣，諗住睇下有冇票收，點知就得個桔，天陰陰甘…係大班買左2個好好味既芝士包同腸仔包，就坐車去沙田食晚飯。落雨天最好就係訓覺，所以我一上車就訓著覺，豬頭人就打機。晚餐去左豬頭人最愛既A1，食完飯去左CITYSUPER度運桔…左搞搞右摸摸…因為豬頭人要睇佢今期至愛的『電車男』，所以我地行左一陣就返屋企LU。

睇完電車男之後，就睇左套「削爆夢幻隊」，勁爆笑，笑到我眼水都標埋，d角色同對白都好「爆」。笑完一輪之後就睇左套笑中有淚的「哥哥,我愛你」，內面的小主角做得好好…充份反映左小朋友係面對困難同生離死別與大人不同之處。好多幕都忍唔住喊…又驚比豬頭人笑我傻，所以只好攞個枕頭「姐」住。

本來諗住星期日去釣魚…不過落大雨…去唔成，最後留响屋企，之前豬頭人唔信我識整「芝士牛肉焗薯蓉」，為左道氣，我昨天炮製左個比豬頭人食…雖然過程有dd辛苦，不過見佢鍾意食…算啦！！不過豬頭人就趺晒眼鏡，我個$200就化為烏有lu。