8個悲的一天

22 April 2006

8個悲的一天

尋日簡直係悲呀...睇完醫生...返到屋企食藥,d藥大粒到卡住係口嚨到...唔上唔落,已經病喇...

仲要得自己一個孤兒仔...落街買完粥...點知無走青....

訓下醒下...樓上由晨早嘈到下晏都未嘈完....個天由灰灰暗暗甘...到7點鐘打比亞妹,叫佢返黎陪我食飯,點知佢又話約左人食飯...

好啦...甘咪食盒豆腐花當晚餐囉...樓上又開始嘈...佢越嘈我就越驚!!!打開電視諗住分散注意力啦...又唔想睇個套<女人唔易做>好似有d觸景傷情...仲慘!!!所以咪轉去now度囉...去洗面期間聽到個電視鬼殺甘嘈...出到廳...仲大镬...原來做鬼片...跟住我就開晒全屋d燈...點知樓上仲嘈d...揸住個電話想報警,諗下諗下...又驚d警察黎到話上面跟本無人...我似乎已經~趺左落自己佈既<驚慌>局入面...又驚又累又嬲又想喊...個一刻勁想鍊死個個無心肝的豬頭人...............~~~~

之後手提電話响起...個一刻好似有人黎救我甘...原來係亞棟...佢...雖然我好想有人救我出深坑...但係忘情棄愛既野只有豬頭人會做得出0既啫!!!!我0那0那臨收完線就打比亞妹求救...當時經已係晚上10時...點知依個無義氣的衰女包...佢話要去西貢玩...唔返黎訓lu..........<唔返黎.......唔返黎.....>我聽到依句話...要發癲喇!!點知佢笑左一聲就講byebye收線~~~~~~~~~~~~

我呆呆甘企左係廳中間........心諗.......<點~扇~好>......諗來諗去....唯有棄械投降,打比豬頭人....點知佢就風流快活甘做緊gym...無辦法啦...點都要死死地氣求佢黎營救我依個傻仔人.......

驚左成日...食左藥都唔消化既我仲要煮埋面比佢食...仲要有九七甘多料個隻喎...悲!!!!!以為佢會扮晒野tum下我啦.....sorry...無喎....一個抱抱都無喎....悲.....

全日共有8個悲....8個悲的一天.....2006年4月21日.........