大吉大利

27 January 2006

大吉大利

唔經唔覺又到新的一年喇…踏入2006狗年，希望所有事都可以順利d開心d。

以前細個一到過年就好開心，因為又有新衫著，又有好多野食。我會將全盒內的士多啤利味糖全部抽起…我最鍾意就係士多啤利味糖。以前每年新年恒表哥都會買好多爆竹比我地全班細路玩：有龍吐珠、沙砲、串雲箭、火地龍、煙花等…

近幾年反而無甘熱鬧lu，變得好似平時一家人食飯甘，亦都無特別去添置新衫，果真是母親大人常說的一句：「過年如過日」。不過新年總算是給我帶黎數日假期，但係今年就好似放得唔係甘抵，好似小左日甘。

我要不斷提醒自己今個新年唔可以大吃大喝…因為成功瘦左dd，唔可以前功盡棄，我最愛的蘿蔔糕……真係好難忍喎！！

我要提早同自己講定一d恭賀說話旺一下自己先：

我祝自己：笑口常開、財源滾滾、金銀滿屋、青春常駐、步步高昇、身體健康、越大越靚、人見人愛、橫財就手、財如輪團、出入平安、大吉大利、合家平安、家肥屋潤、東成西就、龍馬精神、事事順利、花開富貴、如魚得水、生意興隆、………………

恭喜恭喜！！