15 to 19/3/2006浮羅交怡+吉隆坡之旅

18/3/2006 (星期六)

今朝在浮羅交怡並無行程，所以我地一訓就訓到好晏，加上要執埋D行理，所以時間都好趕，(10.25A.M.)好快甘去餐廳食左少少野，跟住同班團友們係酒店度映左D大合照，之後我地就坐內陸機過吉隆坡喇！

(12.45P.M.)到逹左吉隆坡，由於碰正F1賽事，所以我地就無得住市中心的酒店，今晚我地會住金馬迷城皇宮酒店，(1.20P.M.)我地就去食午餐，地點係機場附近的京華樓，雖然價錢比浮羅交怡貴一倍，不過真係好好味，豬頭人食左3碗食添！

(3.00P.M.)我地到達左市中心，係星光大道行左15分鐘(我地上次去過，所以無咩特別)。不過大馬D宣傳做得好好，SALE花生糖都著晒短裙，我地都落搭買左RM$50-，之後我地就去左成功時代廣場，係廣場內的機動遊樂場都算OK，個過山車仲勁過香港嗰D添。我地成團人走去玩碰碰車，差D撞到散晒，仲要成班一齊去蝦靚仔，笑死人！係樂園邊食左杯粟米(RM$3)，不過味道就麻麻。之後我地買左一杯雙球大雪糕(士多啤梨芝士旦糕+朱古力碎味)RM$13.9-，好好味，我趁豬頭人試牛仔褲其間成杯食晒。LEVI’S女裝係大馬買香港既半價，男裝就同香港差唔多價錢，臨走之前去DELIFANCE買左件RM$13.9的三文魚三文冶食(香港的新鮮一點)。之後我地就返酒店CHECK-IN，我地間房都唔錯，有個露台仔。

(9.30P.M.)我地再次出動去食野，我地今次係酒店CALL的士去RM$25，個的士司機(亞汪-電話:016-2766310)，他非常好人，係吉隆坡凌晨12點後搭的士係要多5%的，但佢都無收，而且佢話可以搵佢BOOK金馬迷城皇宮酒店，每晚只需RM$200-，佢仲講好多地道野比我地知添。(10.00P.M.)我地一行14人去左黃亞華燒雞翼小食店 (地址：NO.1,2,7,9 JALAN ALOR, OFF BUKIT BINTANG, (BEHIND CATHY CENIMA)50200 KUALA LUMPUR. 電話：603-21442463)。個金香拉拉同雞翼幾好食，不過依度都算幾貴。之後大伙兒落BAR，不過我同豬頭人煙酒都唔啱，所以就同另外兩名團友會酒店。車上講開養魚經，原來BILLY同JENNY都養開龍魚同花羅漢，豬頭人一向都心思思想買(但香港太貴)，所以我地就約訂明早一齊去市集(亞汪介紹)買魚喇。由於舟車勞動，所以我地都係睇左一陣波就訓覺LU。