樂在三星灣

24 July 2006

樂在三星灣

23/7/2006(星期日)，今天我地一行16人去三星灣游水同燒烤，今次仲多左兩個小朋友參加添，1個係亞man的可愛女兒，佢真係得意到不得了；另1個就係亞賢個胖do do 姪仔，佢自己係沙灘潛水，真係好搞笑。

今天的燒烤真係豐富到不得了，d海鮮勁正，雖然依排「諾沃克」橫行，不過d生蠔實在太正…所以都忍唔住食左兩啖。除左生蠔之外…仲有大大隻的燒大蝦、啤酒焗蟹、貴妃貝、燒帶子、超正牛排，一堆又一堆的食物，唯一掃興的是我們浪費了點…掉了太多食物，要記著今次的不足…下一次唔可以再犯，因為很多貧困地區的小朋友…他們連維生的食物也沒有吧！

食得飽飽之後，我地就一齊落水玩LU…大家的設備都非常齊備，又有大水泡、浮床、大浮台…玩得大伙兒都唔捨得走，而且依到D水都算清澈，設施亦都OK…最搞笑係我地自己用石頭黎砌爐…勁！

不知不覺玩到7點…各人懷住依依不捨的心情坐船離去，之後我地就去左鳳德樓食晚飯，依度真係抵食夾大件…雖然味道就唔算好好…不過一大班人的氣氛就非常好囉。

我地已經商討埋下次的活動，希望一次比一次精彩啦！

昨晚豬頭人睡得不太好，我都不知所謂何事，見他的失常反應，真係令我有點担心，他是身體不適?心…?我真係不知道…我只懂伴在他身旁…久久也不敢閉上眼睡。我不知如何可令他感覺好一點…我亦不知發生了何事，只希望可令他好一點…只要見他好好的…就夠了。如何可抺去他的不安…