16/3/2006 (星期四)
(8.00A.M.)酒店自助早餐,今天的行程屬於自費活動，節目包括釣魚(半小時)、白沙島、孕婦島(包午餐)。整天行程費用港幣$350-
(9.00A.M.)出發去釣魚，12個人一船。為免暈船浪，所以我一早食定粒暈浪丸。出到海每人分左個魚排…無耐豬頭人就釣到條石斑，好彩我都有D料到，最後我都釣到2條石斑。
(10.00A.M.)白沙島的沙其實是珊瑚的粉末，所以它的質感比沙還幼細，但是白沙島的水質不算太清，加上島上並無任何淡水沖身，所以大部份人都只在岸邊拍些照片，此行只留了10分鐘。
(10.35A.M.)接著我們便起程前住孕婦島，此島外貌像一個平躺著的孕婦，相傳喝下此湖的湖水就會懷孕。湖上有4種活動可供選擇（游水、獨木舟、香蕉船、水上腳踏車），我同豬頭人選擇了在此悠悠閒閒的享受此處風光，所以就租了一隻水上腳踏車(太陽能)RM$15一小時。靜靜的享受著微風…不知不覺一小時就過去了，由於豬頭人十分鍾情於馬騮，此地的頑猴就成了他的玩樂對像。
(12.15P.M.)我地就啓程去食午餐。今次的戶外餐館(無冷氣)叫KABAH SEAFOOD RESTAURANT，此處的食物不錯，最好味的就是桔仔冰，而且隻雞、豆腐、菜、蟹都非常好味。仲有那雞油香飯…平日無米氣的我都食左一大碗飯。食完飯之後我地就返酒店沖涼洗頭。
(3.30P.M.)我地就去左UNDERWATER WORLD度參觀，個度同香港海洋公園的水族館差唔多，只是規模較細，其中一名團友(亞詩)甘啱係一件爛左的展品隔離，工作人員要佢比RM$200，好在導遊(亞BEN)幫佢講掂數。我就買左我貝殼做手信。之後我同豬頭人去隔離免稅店買左支酒比佢MUMMY(香港買$170這裡買$80)
(6.00P.M.)晚餐在免稅店內的餐廳享用…味道其差。只好寄望今晚的宵夜。
返到酒店後發現房間無電，一輪擾攘後，只好轉房，點知轉到間仲正的，位於二樓，高高的木質樓頂，氣氛不錯！之後我地去左團友亞賢亞詩間套房度飲酒吹水。
(9.30P.M.)我地一行11人就去食宵夜，今次的餐廳 – 美香海鮮飯店(地址：PANTAL TENGAH, KEDAWANG, 07000 PULAU LANGKAWI, KEDAH. 電話：04-9558694)這兒的老闆是華僑，如有需要的話他會安排車輪接送。這裡的桔仔檸冰非常好味，而且老闆送左成4打啤酒比我地，好好人的。我地食左椒鹽/酒煮賴尿蝦(好味)、花峇炒大肉蟹(好惹味)、蠔仔煎旦(好香好滑)、馬拉箋通菜(正)、燒雞翼(甜甜地)、蒜蓉薯仔苗(清甜)，個個食到好飽，每人食左RM$64-。
(12.30A.M.)宵夜之後又一行9人再返房玩，個個飲到面紅紅，真係驚聽朝唔知醒。玩吓玩吓就玩到凌晨4點。
0 意見:
張貼留言