15 TO 19/2006浮羅交怡+吉隆坡之旅
15/3/2006至19/3/2006浮羅交怡+吉隆坡五天之旅
天氣：33℃至35℃
貨幣：HK$100兌換RM$47
15/3/2006 (星期(三)
今早我同豬頭人早上(6.30A.M)就出發去機場…早餐在機場內享用了「大家樂」，由於肚餓，所以覺得味道不錯。
(9.15A.M)我地一團23人就乘坐馬航出發.
今次D飛機餐(魚配面)味道很差，我吃2啖就吃不下。而且不太喜歡馬航用銀餐具，好似不太乾淨。我在機上把握時間訓覺，要留番D力氣今天玩個夠。
(1.45P.M.)到達吉隆坡轉機到浮羅交怡(轉內陸機到下2層，要留意唔好出錯閘，香港領隊好唔負責，居然走失3名團友)，(2.45P.M.)轉內陸機到浮羅交怡。內陸機又細又熱…好彩只需要40分鐘啫！
(3.30P.M.)到達浮羅交怡，一落機就感受到太陽的熱力…好想可以快D除了身上的長衫長褲(因當天香港得15.℃)。架旅遊巴得個「大」字，內邊一D都唔得，我參加豪華團喎(不過好彩半個鐘後換左架靚車)。
第一站我地去左「首相博物館」度參觀(地址：KILLM,MUKIM AIR HANGAT,07000LANGKAWI,KEBAH DARUL AMAN.)，仲要比RM$2先可以帶相機入內。此行無吸引力，因為擺放的大部份都係首相同夫人D畫像。短短15分鐘就已經可以行畢整個博物館。第二站就去代表浮羅交怡既地標「神鷹廣場」，隻鷹好大好雄偉…基本上個人企高小小就可以攞晒全隻鷹個景。加上陣陣的海風…十分寫意。
(6.30P.M.)今日好早就去食晚餐，地點係一間小餐館…唔太好味…因為豬頭人應承同我去宵夜，所以我食左兩啖就無食LU，由於當地啤酒好平(一罐生力啤RM$1.8，同水差唔多)，所以大部份團友都狂飲，可惜我同豬頭人都唔飲酒的。
晚餐後我地去左位於UNDERWATER WORLD隔離既免稅店度買野…D酒真係好平…豬頭人就買左好多好多佢至愛的酒心朱古力(一盒RM$10.90-比機場平RM$4)。買完D食物同日用品後，我地就出發去我地會住3天的五星級酒店
＜PELANGI BEACH RESORT＞。
(7.30P.M.) ＜PELANGI BEACH RESORT＞大堂好靚好有大自然FEEL，我地住的房間是兩層4戶的，每房間都有獨立大露台，可以見到大沙灘。我地住47號，由大堂至房間差不多要5-6分鐘。雖然房間內不算大精緻，但就充滿大自然的色彩，就算我地住地下都無蚊(因LANGKAWI有好多蝙蝠食晒D蚊)。
(9.20P.M.)我地放好行李同沖個涼…之後就出發去食宵夜喇。不過當地街燈都唔多箋，所以最後都係留响酒店度上網，這間酒店的BUSSINESS CENTER是24小時開放的，上網服務為RM$12半小時。(11.00P.M.)我們就回房休息。由於有足球播放，所以豬頭人就睇波，我就一撻落床就訓著左喇！
0 意見:
張貼留言