星期日( 20/8/2006 )同豬頭人左佐敦做身體健查，朝早十點就出法，因為要抽血驗，所以連早餐都唔可以食，幾肚餓。仲有唔知點解要抽甘大支血，豬頭人仲搞笑地形容為抽到好似放血甘喎。
之後我地就去左飲午茶，去左佐敦間”大當家”….好少有機會同豬頭人飲茶，所以好開心…跟住我地就返去公司做埋d手尾。
豬頭人好努力甘做左成日野，我就坐响度打左成日機，足足成5個鐘，經過今次我既親身驗證…我發現左原來長時間打機真係會中毒嫁…打打下條頸就勁痛，頭開始暈、眼前一片矇矓、有d想嘔…幾驚暈低。好彩豬頭人甘啱話走得，如果唔係就大镬。
本來晚餐諗住去食日本菜，但係又想睇＜美女廚房＞喎，所以就去左間有電視既澳門餐廳喇，雖然d味道麻麻，不過電視搭救。
晚上睇左＜好狗先生＞，內容都好好笑…仲可以帶出愛護動物的訊息添。我覺得香港對虐待動物的處罰實在太輕…5千蚊…到底生命何價！！
尋日放假，係屋企讀英文…好感動…因為豬頭人幫我揀左成3個鐘。
趁得閒仲做左個焗油…d頭髮令立立…幾靚，剪左頭髮真係好似輕鬆左。
星期六已經報左康泰的5天布吉之旅…9月7日出發…好開心呀！
0 意見:
張貼留言