家庭樂

13 December 2005

家庭樂

 

10/12/2005(星期六)

今日成班人去左may表姐屋企BBQ…D野食整得好好味喎!!豬頭人仲食左好多牛才八同腸仔添，仲成日話自己減肥。

自從婆婆過身後，家庭聚會比以前少左好多喇，好耐都無試過甘多人聚埋一齊。見到D表弟表妹表姪女…個個都甘精靈可愛、真係開心。均均表妹識得坐係樓梯級一字馬；樂樂表弟3歲就識得唸唐詩又識得扮大人講野；詠儀表妹就成日都傻更更；峯峯就低低BB..成日比細佬蝦；卓卓就叻過頭，人細鬼大，搞到舅父有得震無得訓；琳琳妹妹1歲度就識行識走…仲識扮鬼臉添。

個晚成班人閒話家常，好開心….。表哥居然話豬頭人痩左，真搞笑！！

點知仁舅父飲醉酒，連人帶枱轆落樓梯，好彩PAT PAT落地先至無事，甘大個人都唔識照顧自己…真担心。

香舅母就30幾歲人都成日傻下傻下，嗰日MUMMY同表姐笑佢「鈍」，舅父話：「唔好成日話我老婆蠢啦」，我忽然覺得國舅父幾MAN，點知佢跟住就話：「我以前成日都話飛佢嫁啦，你地又話佢純話佢好，鬧到我亞媽都唔認得，唔比我飛，以家仲好講！」這一刻我啞口無言！笑￥￥