29/9/2006…今天是非常開心的一天，經過兩星期的「荷包脫水期」，終於到左出糧的日子，我終於徹徹底底明白錢的用處真係好大，宵禁左甘耐…我既「購物慾」以幾何級數不斷上升，「我要買野！！」依個就係我今日既目標，無錯…我的目標並不遠大，只求開開心心…隨心所欲，人如其名 ~~~ 傻仔敏是也！！
今日既行程係未出發先興奮，購買目標為「樣樣都係」…今天櫥窗內的東西都好像閃閃發光…短短一個鐘頭，我已經買左一對鞋、一件褸、一個袋同一條褲，哈哈…哈哈真係滿載而歸，本來諗住買定條裙黎等豬頭人公司開張著…不過揀唔啱…不過唔緊要…仲有時間…
大部份女人都是「先天性」的喜歡購物，我覺得如果能花費少少…換取到快樂，甘不是很值得鼓勵嗎…？
佛山一個女孩與男友吵架後，賭氣吞下了20多顆鵝卵石，事發5日後仍然停留在肚中，不過卻始終沒有進行治療。女孩的求助信息在網上引起了眾人的關注，醫生呼籲她盡快到醫院。
9月25日，一個名為「歐Ｘ」的網友在佛山一家醫院的論壇上發了一篇《急﹗吞了東西，醫生幫幫我﹗》的帖子，自稱上周五（22日）和男朋友吵架，回家就把放在魚缸裏的20多顆鵝卵石吞了，「吞的時候還能清楚地聽見石頭落到胃裏和別的石頭相撞的聲音」。她當時認為幾天後就會排出體外，就沒有太在意。 過了兩天「歐Ｘ」用手摸胃部，發現那些石頭都在肚臍上方部位，25日發現石頭還是在那個部位，總覺得石頭在亂撞，胃開始持續疼痛，吃的早飯也吐了。此時，「歐Ｘ」後悔莫及，可不知該怎麼辦，又不敢告訴父母和男朋友，只得在醫院論壇上向大夫求助。
天下間為何會有如此的人，甘大個人…做事之前難道不懂得先想一想嗎？吞20粒石頭落肚都敢，你估以家賣藝籌錢咩！！同男朋友鬧下咬就話吞石…甘容咩易吞到成肚石呀…對方唔珍惜…自己就更應該珍惜自己。天下間最唔值得同情既就係唔愛自己既人…
由小學生的時代開始，我們就學習如何使用標點符號。
14種標點： 句號（。） 逗號（，） 頓號（、） 分號（；）
冒號（：） 問號（？） 感嘆號（！） 引號（「」『』）
括號（（）） 破折號（──） 省略號（……） 重號（.）
專名號（ˍˍ） 書名號（﹏﹏）
句號（。）句號表示陳述句 (用來說明事實的句子)末尾的停頓。
問號（？）問號用在疑問句(用來提出問題的句子)句尾，表示疑問句末尾的停頓。
嘆號（！）嘆號表示一句感情強烈的話完了以後的停頓。
逗號（，）逗號表示句子內部一般性停頓。
頓號（、）頓號表示句子內部並列詞和短語
分號（；）分號表示複句內部並列分句之間停頓。
冒號（：）冒號表示提示性話語後面或總括性話語前面的停頓。
引號（“”）引號標明行文中直接引用的話。
括號（（））括號標明行文中的註釋性的話。
破折號（－－）破折號用來標明行文中解釋說明的語，句或表示語意的轉換、躍進，或表示語言的中斷，“折”把意思轉到另一個方面。
省略號（……）省略號標明行文中的省略了的話題。常見的省略有兩種：一種是引文的省略，一種是列舉的省略。
着重號（ . ）着重號用於標明要求讀者特別注意的字、詞、句。在橫排的文字，着重號放在被標示的文字的下面；在文字豎排時，着重號放在被標示的文字的右邊。
連接號（－）連接號的作用是把意義密切相關的詞語連成一個整體。
間隔號（‧）間隔號過去也叫分讀號或音界號，在字身中間，印刷上叫中圓點，佔一個字的位置。間隔號用來標明某些少數民族人名或外國人的名字和姓氏之間的分界、書名和篇名之間的分界、詩詞格調名稱和詩詞具體題目之間的分界、月份間日期之間的分界和用作複式單位名詞的居中點，以及表示標題涉及兩個以上事物的承接、層進、並列的關係。
書名號（《》）書名號用來標明書名、報名、期刊名、篇章名、劇目名、歌曲名和法規文件等題名。
專名號（╴）專名號用於標示人名、地名、朝代名等。
除左响文章上面用到符號之外，我覺得我們生命之中也同樣有著一個又一個的符號，我們每天都在逗號之中，等待我們期待的完美句號。
我們生活中總會出現著無數的！感嘆著各種的無奈
我們時常有著各式各樣的？腦海常滿載著很多沒答案的問題
將來對我們來說就好像…因為我們根本寫不出那無盡的可能
我叫這些做「生命符號」…是屬於我自己的生命符號。
傻仔敏一路以黎都覺得「民以食為天」、「辛苦搵黎旨在食」…做人做事甘辛苦，係食依方邊一定唔可以刻薄自己，我係讀書個時學過整虾多士，我覺得啖啖都係虾肉好食d，所以我唔會落豬肉。另外加d醬甜甜地…裏面仲有我鍾意食既三文魚添！！趁中秋佳節整黎比至愛親朋一同分享…我諗大家都一定會喜歡的。
材料: | 準備功夫 |
蝦 | 拍爛成蝦膠 |
乾蔥 | 剁碎 |
三文治包 | 麵包去邊，每塊對切成四個三角形 |
雞蛋 | . |
麵包糠 | . |
炸油１/２鑊 | . |
醃料:
鹽１/２茶匙
糖１/４茶匙
古月粉少許 (個人喜好)
生抽 ２茶匙
粟粉 １茶匙
做法:
(1) 首先把虾去殼、然後將虾肉打至起膠。之後把乾蔥蝦膠混和一起，加入醃料
拌勻。
(2) 蛋黃與蛋白分置兩碗中打勻。
(3) 每片三角形麵包皆塗上蛋白，然後鋪上蝦膠，掃上蛋黃汁及黏上麵包糠。
(4) 燒熱炸油，放入蝦多士，注意要將鋪有蝦膠的一面向下，炸至略呈金黃色時
撈起，並置於吸油紙上瀝油即成。
醬料：(伴多士吃)
鮮三文魚(三文魚刺身)切粒，伴入沙律醬及少量香草拌勻。
全港最長的泳灘大嶼山長沙泳灘正以驚人速度消失！
大嶼山長沙泳灘沙量近年不斷減少，至今夏經歷兩次颱風吹襲更令情況惡化，大量海沙被大浪捲走，幾乎大半個沙灘已不存在。環保組織批評，政府對此事「闊佬懶理」從無認真善後，官僚主義任由沙灘消失，擔心若不再施法補救，長沙泳灘將於香港地圖上消失。
有記者日前曾到長沙泳灘實地視察，潮漲時海水幾乎已淹沒整個上長沙泳灘，有別於以前只有三分之一泳灘受浸，而泳灘大樓亦變成「碼頭」，飽受海浪無情沖擊。至於未受海水淹浸的部分，則是亂石堆陳的一片石灘，原本埋在厚厚黃沙下的石頭，都冒出頭來。岸邊的樹木根部露出，瀕臨枯死，整個上長沙泳灘人蹤杳然，死氣沉沉，與政府所指可作旅遊業發展的海灘，完全是大相逕庭。
自2002年開始，泳灘的沙量便出現「出多入少」的情況，沙灘變得愈來愈薄，現在沙灘高度和去年同期相比，足足矮了 一米 。有救生員指，以前沙灘最闊達 五十米 ，現在則窄了至少一半。
環保組織「綠色力量」總幹事文志森稱，海沙流失非一朝一夕，而是長年累月造成，事件反映政府當局一直沒有正視海灘的存亡問題，任由海灘慢性消失，「當海沙流失到了臨界點，即『入不敷支』時，海灘可能已無法自行回復昔日的沙量，換句話說海灘正瀕臨死亡。」他建議政府須立即成立工作小組，全面檢視南大嶼山各海灘的情況，以及找出海沙流失的原因，對症下藥拯救海灘，如研究像淺水灣般重鋪海沙，以及在海底埋設海堤，阻止海沙流走等。
20006年9月23日(星期六)，今天豬頭人當上了大廚，見到佢係超級市場左揀右揀，再加上大廚的口吻…真係令人發笑，仲學人揀虾同蟹，睇黎佢真係好有決心整一餐豐富到震的晚餐。
經過在超級市場個幾鐘頭的選購之後，佢已經點選了1道冷盤、3個小菜再加1款甜品…真係令人難以至信…豬頭人居然會諗得出煮甘多款餸。
今晚的菜式有：涼伴雞絲青瓜、干燒明虾、咖哩炒蟹、醬爆牛仔骨、花生湯圓。
嘩！！！豬頭人由煲飯、切瓜、洗蟹…全部一手一腳整，真係估唔到…佢一路煮一路傳出香噴噴的味道…真係OK喎…我仲有D流口水添！！
到最後望到一枱的餸，個一刻真係好感動…D蟹外脆內滑、D虾香甜鮮味、雞絲青瓜就又清新爽口、牛仔骨就香濃…
真係好好味…同好開心…因為我知道佢真係落足心機去做，佢真係想令到我開心。真係好後悔無影低佢煮既菜…真係好想大家可以睇到個種唔食都感覺到的美味。
Blog(日誌)日漸流行…人人都話要有個Blog，人們係可以响個Blog度記得自己的小故事…小經歷…但係有時都會因此發生d意外，啱啱外國就發生左一個男人攞個「Blog」黎扑自己個頭既事喇！
早前外國有一名被男友拋棄的女人，被拋棄當然好唔開心啦，佢左轉右轉…轉左入牛角尖，居然走去謀殺個情敵…點搵到個情敵呢？？咪就係係佢男友個Blog度搵到料囉，個男人今次仲唔係「Blog」自己個頭。好彩今次比警方及次制止，如果唔係就慘喇！為情殺人真係唔應該…ok…就算真係要殺…都應該殺個男啫…負心個個係佢…劈腿個個係佢，甘至啱數掛…
好多情侶响分手之後都常會遇上同一個問題…就係如何在雙方的關係上寫上一個較完美的句號…做不成情侶…也不致於要成敵人掛？？但係兩個人之間千絲萬縷…如何可在一時三刻…話斷就斷y…太難諗lu…
大家都說Audrey Hepburn是一個美人，我不否認她的確是，但聽完她說如何令自己「美一點」後，我發覺她真得是美…美在由心內發出。
人們總喜歡問…何以你可這樣美，一天比一天的美。
Audrey Hepburn道：「想要美麗的唇，說仁慈的話語；想要可愛的眼睛，找出別人的好處；想要苗條身材，與飢餓的人分享食物；想要一頭秀髮，讓小孩子的手梳刷它；想要迷人姿態，走路時深知自己不是孤獨」
Audrey Hepburn很喜歡的一句詩「Every child comes with the message that God is not yet discouraged of man.」在生命的最後五年，她身體力行，當上了聯合國兒童基金會 (Unicef) 的親善大使，足跡遍佈中國、日本、土耳其、芬蘭、中美洲與澳洲等地......一共完成了50趟「人道之旅」。以她當時的年齡和身體狀況，實在難能可貴。照片的她雖然老了，卻不減清麗，眼中反而多了一份人生智慧和寬闊氣度。
柏拉圖曾說：「做壞事的最大懲罰 — 就是長到壞人般惡形惡相。」
拋掉手上的護膚品吧！多點去愛人…為人設想…我想這一定是一道良方。
今天是咀巴忙碌的一天，一早在家吃了一碗大大的米粉，剛返到中心，jimmy就送上M記的早餐…跟住另一個同事又送食西餅，一件大大的芒果旦糕，接著又飲一杯橙汁，不到11點就捧著肚子…中午又話食肉醬意粉...再加一支熱情果味葡萄適...之後再一包利賓納，我想不止是咀巴…今天我的腸胃都會非常忙碌。
除左忙住食之外…我的腦袋都一路在工作…除了應付中心的工作…還有對LILLIAN的離愁…還有我正籌劃我中秋節的計劃。不知為何我對今年的中秋會忽然有所期盼，睇到新假期介紹中山同澳門甘靚…又想去、同時有想去海洋公園哈佬喂…腦子左轉右轉，可惜假期實在太少。快D到11月…到時我就可以5天工作。我今年一定要過番一個精彩的中秋節…仲要食好多好多湯圓添！！倒數:仲有15日。
今早真的不願起床…因為昨晚要睇Prison Break，所以夜左訓…不過太緊張喇，唔可以唔睇，再加上Wentworth Miller實在太型LU…眼訓都要睇啦！
由於昨天睡得不太好，所以整天喉嚨都有點咽，今晚還要打邊爐…明天真的有可能失聲，不過打邊爐真的是我最愛…又難得朋友們肯就我…沒法啦！
那見鬼已失踪了72小時，他似乎已忘記了「應承」這兩個字的義意，經過依幾日…我發現原來我既思想比以前不同了…「從前大概是我未看通…太執著贏輸比輸了更慘痛」，可能根本一早以經係輸左，仲爭D咩，只是睇得自己太高…又或者以為可以用自己的能量去換取，到來咪發現自己傻仔囉！
天下的烏鴉不是一樣的黑嗎？前天聽到身邊的人一個小故事，真的心痛得目瞪口呆，都玩了這麼多年了，居然還趁著老婆在加拿大…與其他女人搭上…還要在家中的床，到底有否有曾珍惜這個家。還好意思弄出一個借酒燒憂來…還值得為他說好話嗎???真希望他可以醒覺。
爸爸明天就可以出院了，我想他還是喜歡家中的床多一點，他說在醫院已多晚不能成眠，吃不飽睡不到對他來說真是十分痛苦…怪不得一下子都瘦了一圈。
今天未夠6點半就起左身，難得仍覺精神，或者係閉關2天的成果，一開眼…天色清明，是最近難得見到的清明，所以不再懶床…飛快的起床洗澡。今天為自己挑了一件綠色的衣服…其實我對綠色是有一種偏好，總覺可令我變得乾乾淨淨同增添一點生氣。吃過早餐後就大踏步上班去…心想…希望今天會是美好的一天，別把我今天的興致破壞。
今天是爸爸進院的第2天，由昨天開始他只能喝粥水，平日那個必定要吃飯的爸爸如何可支持得住呢！！今早見媽媽左整右整…我想她想盡量把粥水弄得「豐富」一點吧！
昨天醫生在爸爸的腸子內取了兩粒肉子出來…聽見就經已冒汗，那些到底是什麼來…？要待醫生化驗後才能知道，媽媽說是息肉，好在發現得早。但我心中總有些兒担心…怪不得他的肚子痛了一個多月…說來真有點慚愧，我是在他入院的前一天才知道…
爸爸還要在醫院待多兩天…真希望他能健健康康。
小時候總愛在婆婆家的走廊跑來跑去，與表姐、表弟、表妹們追追逐逐，十多年來也是這樣，童年的時光真令人懷念。
那時有一種玩兒『狐狸先生幾點鐘』，大伙兒排成一列，其中一人扮狐狸，各站一方…我們一邊問狐狸：「狐狸先生幾點鐘」我們聽到狐狸話幾點…之後根據所講的時間响前行，每一句鐘向前行一步，但當狐狸說「12點」時，牠就會跑向你…捉你，捉到的話代表你已game over 要出局。小時候的遊戲…當然可以重頭黎過…又或許唔玩，但係當你遇到真正狐狸的時候…如果你逃不到，你就會成為牠的大餐….。
今天看到一對相識了數年的情侶正鬧分手，男的想走…但又拖拖拉拉，其實心裏面都不愛…還拖什麼，還要令女方覺得你有風度嗎？？其實心裏面都諗好晒要走…諗好左自己將快又一條好漢，不要再扮深情了，不要口口聲聲「我們可不可以分開冷靜一下」、「你好好…你真係好好…我一定唔會再找到一個比你好」、「我唔係唔愛你…只係」、「我暫時想專注事業」…通通都是廢話。女人的思想比男人複雜九萬倍…佢地會左諗右諗…以為彼此仲有轉機、以為可重頭黎過、以為對方仲愛自己…有十萬個以為。難度還要她白白浪費多幾年青春嗎？？
男人呀…男人…別以為自己是一個情聖…你們只是一隻狐狸，你們想你講一句…女人就行一步，但當你話「12點」，就可以K.O.我地。
各位小姐、女士…看清楚狐狸的尾巴，狐狸心中所說的是「人天生根本都不可以愛死身邊的一個」狐狸的天性本是如此，你們個個都可以做場好戲，不值得要生要死，擁有生命就可有希望，THE BEST IS YET TO COME……
今天是旅程的最後一天，我同豬頭人大約8: 00a .m就到酒店食早餐，今日的早餐似乎特別好味…尤其係d太陽旦同埋香脆的多士。食飽飽之後，我地原本諗住游下水，點知睡魔急call…所以就番房訓覺lu。
一覺醒來就己經10: 30a .m.，高速把行理整理…仲有一袋一袋的手信，執下執下原來都買左唔少野喎。11:00就離開住左4天的酒店。
11: 30a .m.到達行程中的最後一個手信店，今次係燕窩店，不過好在唔係sell買野，只係買即食的燕窩，我地分別點左兩碗冰凍的燕窩(椰汁及冰糖)，真係好好味，一大碗都不過係200銖。之係我地就去左一間melropole hotel度食午餐，我食左一大盤自製珍多冰…食到肚都脹埋。食完之後我地把握最後的時間去行街街，我地一行8人左行下右行下…d鋪頭都怕左我地，因為我地聯手講價…d老闆都擰晒頭，我都買左一本人手做的相簿，有隻象繡左响上面…豬頭人仲成功甘講價平左一半添(300銖)。亞玲同mavis就各買左個藤籃，一紅一藍都好靚嫁。3:05p.m.要出發去機場lu…甘快就過左5日喇，我地本來係坐4:15p.m.個班機…點知去到機場發現班機delay…仲要係遲3個鐘…哈哈…網友們的資料果然無錯，ox機真係一遲就遲幾個鐘，我地响機場同導遊亞文、領隊亞恩、同其他團友影大合照，跟住就攞住100銖响機場漫遊…好在有班團友資助(哈…我發現次次都係甘喎)先至食到件公司三文治(勁足料)同汽水…食完之後再行左一陣就入禁區度等喇！！航空公司每人派左件芝腿治同水…好有難民feel ~~~~
8:25p.m.懷著依依不捨的心情上機，天空漆黑一片，反映得地面上的燈火如星星一樣…好靚好靚。哥哥同亞輝被細小的飛機嚇得不太敢動，真搞笑。意外的收獲係今次的飛機餐出奇地好味….係魚飯團，豬頭人仲成盒食晒添！11:50p.m.安全抵港。
5天布吉之旅畫上完滿句號！
今天我地會去攀牙灣一天遊。由於路程都比較遠…所以一早就要起身出發。
7: 00a .m.起床，7: 30 a .m.食早餐…今天我化身大力士…食左好多野費事一陣又肚餓。
8: 00a .m.乘坐面包車出發到碼頭，車程約50分鐘，好不幸後面坐左3個唔停咀的女人…佢地講野真係可以唔洗透氣甘，全程車不停不停甘講…豬頭人話直情好似3隻煩人的烏蠅一樣，打不死。好不容易至過左依50分鐘…到達碼頭。這裡的風景好靚…天空澄清…藍天白雲…真係好似童話裏一樣。
我們乘坐一隻可容80人的大船去攀牙灣，沿途海風輕吹…一d都唔覺得熱…反而吹到有點兒想睡覺。
經過一個鐘頭…我們轉乘木船上占士邦島，依度因為拍左套007而聞名，不過我最欣賞的不是那石頭…而是烤魷魚，仲同豬頭人出現爭食的情況。
下一個項目就係坐橡皮艇遊鐘乳洞，二人一艇由技師揸艇，我地個技師好勁…識唱上海灘…同講韓文，在紅樹林裏轉來轉去都幾好玩，仲有捐入個d低無可低既山洞裏面都好剌激…要成個人訓平先至入到去嫁，一座座小山從海面伸出，彼此起伏，景色如畫。玩完之後真係熱到爆，即刻跑上船飲番杯冰凍既橙汁。跟住就出發去班宜島，依度係一條回教村莊，全部房屋都建於水上面，可惜未能在此買到被肩。玩到累…大約1:30p.m.就响船上食午餐…大大隻既炸雞脾，好好味，跟住又要坐個半鐘船去海龍島。船上風勢十分之大，吹著吹著…睡意更濃，蓋上大毛巾躺在豬頭人懷裏睡了起來。
3:30p.m.到達海龍島，第一時間跳上木船上岸，擺低身上的用品…就跑去玩獨木舟，涼涼的海水…太舒服了，不過我同豬頭人的合拍度似乎不太好…很難協調雙掌，玩了一會…就取救生衣落海飄浮lu…估不到水流那麼急，不一會就飄得遠遠了…好不容易才上到灘，豬頭人的腳還被水中的石頭損了。不知不覺又要回程了…想玩多一會都不行。在回程的車上…我同豬頭人都累得昏睡過去，一番房就沖涼小睡一會。
7:00p.m. 晚餐相約了團友們一同共享，我們先往沙灘旁行了一陣，跟住就去左酒店旁的café度食晚飯…一食就食左3個幾鐘，大家左談談右談談，個感覺好好，依d可能就係萍水相逢…人海茫茫之中的偶遇吧。
今天臨收工收到一個惡號…親愛的lillian離我地而去………我以家既心情真係極度低落，點解會甘….唉！！真係一個重大既打擊…難得夾到個好同事…點知佢又要走….不過無辦法啦…佢份新工會多錢d。
唯有祝福佢前程似錦、工作順利…每日都可以開開心心啦！
小插曲：
豬頭人玩
布吉之旅第三天 ( 9-9-2006星期六)
今天是自由日…因為唔會有行程，所以我地舒舒服服甘訓到成9點半先起身。我到出左酒店附近行左一陣…之後就去左酒店隔離間café度食野，我點左一杯冰綠茶…豬頭人就要冰檸茶…ooo杯檸茶好好味…所以我就搶左黎飲，一大杯都不過係30銖。另外有一個厚芝士的pizza，pizza係用鮮菠蘿黎整，焗過既菠蘿香甜到不得了、黑椒意大利粉香濃好味、仲有一個雜雞旦、芝士、雞肉、蔬菜、腸仔、火腿於一身的沙律…食到飽一飽都不過係hk$90，食完就心滿意足甘離開。
12:30p.m. 我地兩個去左行沙灘( KARON BEACH )度浪漫一番，豬頭人話响香港成日都無機會同我行喎…所以响度補數。依個沙灘响8月同9月並不適合游水…因為會有暗湧浪，我地响沙灘都感受到海水的澎湃。海浪雖然大…不過仍然清晰見底，沙灘上仲有好多好多小蟹…好似比人還要多。行下行下就行左成45分鐘，手拖手行下沙灘都不錯。
2:30p.m. 我地就响酒店泳池晒太陽同游水，豬頭人誓要在白晢的皮膚上添上一點點黑色…他塗上一層黑鬼油「黑鬼油」躺在池邊勁晒，不過佢既抗晒能力實在太強，晒極都唔多黑。太陽實在太刺熬…我晒左一陣都要跳落水過冷河…豬頭人話我游水進步左喎！！哈…我有機會可以變做女飛魚！由於要出發去揸ATV…所以我地游左半個鐘就要返房換衫起程。
3:45p.m.到達ATV(800銖)同射擊(690銖)場地…由於要獨力駕駛…所以我臨時縮沙…叫豬頭人自己玩…點知佢出發左唔夠5分鐘…就落起大雨黎，心內暗起…「豬頭人…小心D」，半個鐘後佢都安全到終點…不過就已經變成一隻泥鴨了。
等佢沖好身之後，就去射…錢…落海(射擊)，一陣間就射晒十粒子彈，不過豬頭人就好有滿足感囉…命中率有81％喎。
6:00p.m. 出發去食晚飯…又係金島酒樓…又係一模一樣既菜…售有一陣自己去食宵夜啦！極力阻止唔比豬頭人食甘多飯，費事等陣佢又唔陪我食野。
6:30p.m. 我地去左shopping…去左ocean mall行街，又去左超級市場行街街…買左d紫菜…薯條等，由於依度d生果多好味…所以就再買左d芒果同榴槤，今天的宵夜我選左KFC返酒店食…依度KFC味道都唔錯…不過可樂就較為難飲。
今天好疲勞…返到酒店無耐就訓著左LU，班團友就出去做MASSAGE…
小插曲：
亞輝同
哥哥準相(韓國人對長輩的稱呼)完全唔識中文…講來講去都係「好唔好味」「尖沙咀」…佢話豬頭人係周星馳…小強係周潤發…亞輝係成龍，真係爆笑。仲話亞輝好有型同好靚仔喎。
布吉之旅第二天 ( 8/9/2006星期五)
7: 00a .m.起身，享用左一個舒適的沐浴後就全身塗上一層太陽油…希望唔好晒出雀斑啦。
7: 30a .m.酒店自助早餐…第一時間食左一碗好美味的米粉，豬頭人怕無力游水，所以都食左好多野，一口氣食左兩隻太陽旦。
8: 15a .m.出發去碼頭過哈哈島，到達碼頭時開始落雨…天氣亦開始有點涼意。搞笑在亞輝無帶拖鞋，又要赤腳行路。落住雨坐快艇真係別有一番風味，坐左一陣過頭都濕晒。經過20分鐘驚心之旅…終於到達了水清沙幼的哈哈島，可惜雨越落越大…我就凍到震…好彩過左半個鐘後雨勢開始減弱。
我決定搏一搏…拉埋豬頭人、Hilwa同哥哥去玩香蕉船。我地係微微細雨的情況下出發…每人600銖25分鐘，我正正坐响負責控制的泰仔後面，我仲開始用失控既~~技術~~….差d搞反艇喎。豬頭人仲係後面不停叫我冷靜d ~~
1:00p.m. 島上食午餐，簡簡單單的一餐，d虾同個魚旦湯真係幾好食。可能因為今天運動量較大…所以覺得好肚餓…咩都變得好好味。不過就一定要食好快囉…因為要同D烏蠅鬥快…島上D烏蠅既臭覺真係十分之靈敏，唔想食佢地d口水尾就真係要快手d喇！
2:45p.m.坐快艇番碼頭，由於我地全部人都由頭濕到落腳…所以就先行番酒店沖涼換衫先喇！沖完涼訓一陣又要出發lu。4.30p.m.去左d指定商店度行行。
第一站係蜂蜜店，一入到去就每人派左杯冰凍既蜜糖水，ooo個種透心涼既感覺真係好正…味道亦都好好，仲敎我地分真假蜜糖。跟住又介紹花粉…豬頭人一聽到話食花粉可以減肥就立即雙眼發光…真係一個意志力薄弱的傢伙。負責介紹嗰個人把聲好搞笑…講野又勁慢，不過我無比佢影響到，最後一樣野都無買到。
第二站係珠寶店，一粒二粒的寶石，雖然唔知真定假，不過閃閃下都真係幾吸引，唔買睇下都好。本來想整個象牙圖章比豬頭人，不過實在太貴…所以最後又係空手而回。
5.45p.m.黎到最後一站土產店，哈哈…我同豬頭人都係鬥唔過食物既誘惑，美味既腰果真係令人食到唔到口…食完一粒又一粒…仲要有唔同既味…雖然一包要成300銖…不過真係忍唔到手。當然唔可以錯過豬頭人至愛的辣魷魚…佢簡直就係瘋狂。最搞笑係口講只食鮮榴槤既豬頭人…一食榴槤乾之後就瘋狂愛上，為食到不得了。買下買下…終於買左成3千幾銖，買完之後仲有得抽獎添，豬頭人分別抽左一包公仔面同虾乾…好過無啦。經過半小時的購物之後…就出發去食晚餐。
7:00p.m.晚餐係文化村風味餐，食物無咩特別…第一次食煎椰汁糕囉，一路食一路有人跳舞打鼓。食完之後就去左放水燈祈福…豬頭人仲比d腊燭整親。
跟住我地就去行芭東夜市，芭東真係較我地住個區熱鬧好多，成街都係人…我地行左條酒吧街…d吧女走晒出黎拉住d老外，場面壯觀…唔怪得甘多單身男人黎啦。仲有好多人妖响道同遊客影相，我去boots度買左d mask…都算抵，不過講到收獲就梗係唔夠豬頭人豐富啦…佢買左一支洗面膏、2件nike衫同一個袋…開心到成晚陰陰咀笑。9:45p.m.豬頭人知我好想去試下ZEN…所以臨臨聲帶我去職好感動…)我地就去左ZEN(80 thaweewong rd., t.patong a. kathu, phuket)度食日本菜，大大碟既5色刺身都係hk$100…大大件又新鮮…仲有杯凍冰的綠茶…好開心呀！五光十色的芭東燈光真係令人樂而忘返，不過開心既時間過得特別快，又夠鐘返酒店lu…返到酒店都成11:30p.m.
布吉五天遊
天氣： 平均28C 至34C
貨幣： 泰銖 (HK$1兌4.7泰銖)
時差： 較香港慢1小時
布吉之旅第一天 ( 7/9/2006星期四)
今天我們乘坐早機出發，5: 40a .m.就要係機場集合。
4: 30a .m.我地就起身沖涼，5: 00a .m.離家出發。(因為豬頭人唔願起身…所以有阻滯)
我地選擇左係屯門碼頭坐船去機場，但係成6: 00 a .m.先開船，所以上船無耐就收到領導的電話…追問我地下落。終於我地成6: 15 a .m.先到達，OX係J區，原來都好遠下，好似都行左成7分鐘先到。
之後交低行理同證件之後，我地就去左㩒錢。6.30 a.m.就入禁區食早餐，去左大家樂...大約20分鐘後就預備上機。
閘口係6號…今次都係第一次要坐接駁巴士上機，一眼見到架細機，豬頭人都哇哇大叫，不過由於我一早對OX有心理準備，所以都無咩感覺。一踏入部機，真係好熱…不過算啦！好在之前睇左人地既BLOG知道左D壞情況。8: 05 a .m.準時起飛，架機內真係好殘，同埋飛左無耐就有D唔穩定…所以有D驚。最搞笑係個廁所仲係沖水式。嗰個飛機餐真係難食到…我淨係食左個包同飲杯味道怪怪的橙汁。
經過2個半鐘的機程，終於到達布吉機場。一落機就經已感覺到太陽的熱力，心情隨之熱烈起來…心裏不禁叫著…「布吉…我來了」
今次的導遊叫「文仔」，睇佢都應該係一個好有經驗的導遊。11.30a.m.第一站我地就坐旅遊巴去食午餐，係一間叫金島酒樓既地方，食左炸魚旦、魷魚湯、廣東菜、炸虾等，可能肚餓既關係，所以覺得特別好味。
1:00p.m.「野生森林之旅」，我地騎上一隻又高又大的大象上，心裏有點驚，當隻大象上落斜路時…真係有d趺趺地既感覺。跟住既節目係豬頭人至愛…「馬騮表演」，隻馬騮不知令豬頭人幾甘高興。「大象表演」…3隻可愛的大象精彩的表演，真係令人目瞪口呆。
3:30p.m.去慈恩寺參觀，由於我同豬頭人都無宗教信仰，加上有d攰攰地，所以買左個椰青係車嘆…無去到參選。
4:30p.m.生果街，我地分別買左一個250銖的柚同80銖2個芒果，好鮮甜多汁。
5.00 p.m.我地就去左Central Festival Phuket度行街街，重點係要買將電話咭，因為豬頭人要處理香港既業務，比起馬來西亞，電話好似真係平D(5天只不過用了HK$100)。不過D衫就一D都唔平，所以我地都係主力在起市買野食，買左一大堆都只不過係百二蚊港紙。當然我有把握機會食Auntie Annes’既面包圈，真係抵食又好味…好味…
6:30 p.m.去食泰式自助餐，好難食...匆匆食完就去四圍行。
7:30 p.m. 到達我地一連4天住宿的酒店，位於Karon Beach上的Phuket Orchid Resort，雖然說不上豪華…不過感覺十分舒適，酒店內共有3個泳池，環境都不錯。房間係5416號，離大堂有點遠，所以我地兩人都摸黑搵左成10分鐘。一入到房…比想像中好…心情即好了點。不過好似我地次次都住得較遠…
擺好行埋後…我地就去酒店附近行下…不過條街街燈都唔太多…最後去左間店仔度上網…5銖5分鐘…勁抵。11.00p.m.沖好白白訓覺lu…訓覺時一路開住電視聽左好多泰歌…好似首首都差唔多甘，不過d泰國女仔原來既靚嫁。
團友：
亞輝 (識騎馬的司機，有免仔牙…搞笑同九唔搭八)
Mavis (亞輝的太太，結婚2年…兩人時常鬥咀…內容爆笑)
小強 (廚師 – 黑黑實實，有mark哥feel)
亞玲 (小強女友 -- 澳門人，來港十年…團中最大胆的女孩子)
準相 (韓國人–非常搞笑因fashion既關係成日戴住冷帽，一星期返7天part-time)
Hilwa (與準相一對 -- 在日本留學的香港女孩子，短短一年已一口流利日語)
Oooo….經過半年的等待…工作…終於等到我的旅行，2006年度的第二次旅行，星期日開始執好晒行理…經過了前兩天的忙亂，轉不轉團的問題…終於都可以踏上旅程。好快可以踏上布吉同喀比…好想可以踏上棉棉的沙上、藍藍的天，天與海就像相連著一樣。
半年一次的旅程是令人多麼切令人期待…也許是豬頭人體內太缺乏熱情的細胞，經過時間的沖刷，…神秘的已變成熟知，新穎的已成為陳舊，不再有誘惑，不再有波動，也不再有試探和研究的興趣，加上工作的忙碌，機械化的生活，磨光了几許“情調”。是吧…!這對我來說是一種說不出的…真是說不出的一種感覺，天知道我的腦子內想著什麼，我倆就是一冷一熱的吧！對豬頭人來說…我就是整天呆呆笨笨傷腦子的傻仔敏。
早上起來，天氣好似有點兒清涼，是代表著秋天就快來臨嗎？一年四季之中，我最喜歡就是秋天，「悲秋」從無在我的身上出現過。
夏天 – 天氣熱得令人提不起勁，香港地少人多，高樓林立加上汽車噴出的廢氣，在街上走動就如置身蒸籠一樣。面上的夏日彩妝早已隨著汗水化為烏有，而且夏天的衣飾總時單單薄薄，又要節食瘦身才可穿起那些小得不能再小的衣服…而且在香港…夏天並不是拍拖的好日子，兩人手拖著手…不一會已滿手是汗，一身汗…摟摟抱抱也免了。
冬天 – 我就是受不了寒冷，雖然香港的冬天並不算是十分冷，起碼無下雪。不過冬天對於我這類平時已懶得動的人來說，厚厚的被窩才是貼身之選。不過躲在豬頭人的臂內漫步街頭…也算一件樂事。
春天 – 香港的春天…並無詩中的明媚，因為天氣實在是太潮濕了，潮濕得所有東西的表面都泛著一層水氣…地面、桌子、櫃面…都令我討厭，而且春天是病菌當道的日子…所以春天對我來說並不是萬象更新。忽然想起句詩句：「春風不解吹愁去，春夜偏能惹恨長」，正貼我心。
秋天 – 秋天雖短…但它就像是給人在炎夏之候的一個喘息的機會，同時又給人們在漫長寒冬前做些準備。秋天遍地黃葉，詩情畫意…心總不自覺的陶醉起來。早前，一個令人提不起勁的中午，我漫無目的的躲著，豬頭人突然興致勃勃的叫我一同看電視，他說非看不可…原來是「秋天的童話」。秋天的確就像一個童話。
9月7日就出發了，希望可以有一個開開心心的假期，不知不覺…心…已飛到目的地了。
今早一返到中心，一眼看到的就是桌上的三份報紙。放在最頭的一份是太陽報，今天的A1是報道上環昨晨發生的無情車禍，一名慈父抱着十一個月大女兒過路時，遭一輛懷疑快速倒後上斜的水務署工程車車尾撞倒，捲入車底，父女同被孖轆輾過，女嬰頭爆當場死亡，父親亦傷重送院不治。
根據目擊者透露，當時工程車高速創倒後，那名手抱愛女的父親閃避不及，他本能反應地想利用自己的身軀擋著車子保護愛女，但係人的力量實在太有限，小小的一個生命在父親的懷抱下離開了…離開了那個她還未能伸出小手去觸摸的世界。我一口氣把三份報章都看一片…從報章上看到一幅一幅的畫面，一個又一個哭得肝腸串斷的家人…我的口中不停的唸著：「為什麼….」心酸了。為什麼要把一切的美好破壞…人似乎真得有太多的無能為力。
真的希望人們可珍惜生命同幸福…因為一切都得來不易。希望可以係做每一件事之前都先去想一想…如果不是那個司機…如果他在快速倒車前先想一想…可能言一秒的時情就可避免；如果不是那些那車輪泊滿街頭的人，那些無公德的人…司機就不用倒車…可能言一秒的時情就可避免。你們只要是尊重生命、尊重他人…可能一切都可以避免…
希望那父親…那可愛的妹妹安息…願你們可到達一個快樂的國度…願失去至親的家人可抺掉眼淚，好好的為他倆活下去…但願有一天在天家快樂重聚。
唔知點解，香港有好多人成人都好似好「忙」甘。
人人咀邊都掛著一個「忙」字，在街上碰到朋友的第一句就是「你最近忙什麼？」；電話的開場白就是「喂…忙唔忙呀？」大家口裏都係一個忙字，「好忙…無時間」、「忙到死」、「食飯…好忙喎」、「番屋企飲湯…唔得呀…好忙」、「轉頭打比你…忙緊」...人們口中都掛著個忙字。但係…到底在忙什麼呢！
古巨基首歌「愛得太遲」裏有一句…「忙…忙…忙…其實自私」，不是嗎？有錢如李嘉誠在忙…公司裏的小職員在忙…學生們在忙…家中的主婦在忙…大家都有各自各的忙碌，忙得連靜心聽聽身邊人一句說話的時間也沒有。
不如當自己講出「忙」字的時候…先在心中想一想，到底忙什麼…
今天發現眼睛越來越矇…白了一少片…心中驚得發慌…我還是留戀世上美好的事物…想眼著它的變化。心裏担心得很…
