沙田瀝源邨昨晚發生弒母案，一名男子懷疑在家用菜刀將母親亂刀斬傷後，再以刀刎頸圖同歸於盡，男子的姊姊返家時見到母弟倒臥血泊中，即時報警，當中母親當場證實斃命，疑兇則送院救治。
此宗已是9日內第二宗弒母慘案。上周三（18日），北角堡壘街一名有精神病紀錄的聾啞中年漢，揮亂刀割喉將母親殺害，最後被警方拘捕，並轉送青山醫院留醫。
父母由孩子哇哇落地的一刻開始，就肩負起養育孩子的負任，可能有些父母做得有所不足，但血脈相連，怎麼樣也不應對父母使用暴力吧！緣份兩面睇
多年前曾經看過一套電影叫「Sliding Doors」(緣份兩面睇)，Gwyneth Paltrow係女主角。 她飾演一名辦公室女郎，一天下班準備回家時在地鐵站快步希望趕上一班將要開出的列車，就在她衝近車門的一剎，故事便一分為二，分述主角趕得上列車；趕不上的兩段不同劇情。
能否趕得上列車直接影響了往後的故事發展，女主角乘車回家途中，她的同居男友正和另一女子在家中鬼混，若她趕得上列車，她會因為早了回家而捉姦在床，跟著與男友分手；但若然她趕不上列車，則無緣看到她男友的所作所為，然後一直被欺騙下去。最終劇情都有著折然不同的發展和結局。
有時人生的際遇就好像是冥冥之中已有所安排似的，有時我們每行的一步、每一個決定，很可能都會影响之後的發展。我們就好像是生命的棋子…每一步都要深思過…「一只錯滿盤皆落索」，但係有時…一切皆是天意，結局唔到最後一刻，我們都不會知道結果。
有機會會同豬頭人睇多一次…這是一套不錯的電影。
2006年10月22日慈雲山行去西貢...
今天真係屬於挑戰體能的活動，我同豬頭人再加埋占美&芬妮、杰sir、亞愛同黎生由慈雲山步行到西貢，全程約有10公里 。
9: 00a .m. 我地由慈雲山中心出發，今天的太陽十分猛烈，所以行得比較辛苦。沿住一級一級的樓梯，由於睡眠不足…所以起初都有點兒吃力，好不容易行上了觀音廟，今天的善信也不少吧！
行上山的途中…有很多的士上山，真的是很大的誘惑，但是沿途風光明媚，令人忘了疲倦似的。由大老山向下行…到了樹林滿佈的徑道，行過一段段石徑，微風飄送…十分舒適。途中在一冰涼溪水上泡泡手面…ooo…感覺真好。
中午時份，開始了上山的旅程，太陽彷彿掛在頭上，我同豬頭人帶來的水開始飲得七七八八了，我們真的快要缺水，可惜荒郊野外…什麼都沒有，只是一心一意要落山吧，餘下的行程因缺水的關係也不太得了，只記得約2小時後在山下黎生朋友家中的那枝芒果汁。
回到西貢中心，第一時間去買飲品…咕嚕咕嚕的喝下去，接著跑去吃了一碗美味無比的面，一上到車…聽完豬頭人的生活點滴後，發覺自己真的好累，不知不覺睡著了。
去到沙田市中心…吃了一餐不太美味的元綠…就回家去了。
睡前看了一套「魔虫口入」，真得令人嘔心…那堆虫虫…訓覺時堆物體仍在腦海閃出…不過實在太疲勞…所以一陣就睡著了。
保護小童
發生左女童被教會男教友淫弱事件後…我發覺除左個行兇者需要負上責任外，受害女童的父母同樣係責無旁貸。事情發生左持續半年既日子，身為父母的居然全不發覺，難道他們同女兒係全無交流…21世紀既今天…電視唔係成日叫D家長要多親子…多溝通的嗎？？佢地唔知咩叫「sex education」既咩！！有咩可能女兒可以連…「亞當夏娃」同口交連為一體，到底父母們係度做咩呀！
父母將「性」避而不談，最終的受害者只會係年幼無知的小童，他/她們連性器官都不懂…甘如何大聲叫「唔好」，「話比信任既人聽」？好明顯佢咪信錯人囉！我地無可能將所有心存惡念的人全部消滅，亦都唔知道依d立心不良既人會否出現在子女的身邊…因為惡魔會有不同的化身…連教會甘神聖既地方同樣會出現，根本不知會潛伏在那裡，我們要保護兒童…可以做到的就只有教他/她們自保，學習如何保護自己。
嚴懲魔頭
大埔一所教會的前傳道人曾x福，歪曲基督教教義及「亞當與夏娃」故事，誤導十五歲無知女教友相信人與人「赤身露體」代表「坦誠相處」，傳道半年期間多次要求女童「肉帛相見」，繼而對女童施以侵犯。
曾x福去年加入涉事教會後，因鋼琴導師及傳道人身份而與女童稔熟，二人相識不足一個月，被告向女童講述「亞當與夏娃」在伊甸園赤裸身體的故事，更歪曲「赤身露體」是人與人「坦誠相處」之意，着女童學習。
事發半年間，被告多次到訪女童家，期間多番替女童口交、上下其手及吻胸外，二人更在教會的多用途活動室內作出過火行徑。直至本年 三月廿三日 ，女童向一名進行家訪的女傳道人道出被告行為，始揭發事件；被告遭教會質問後，兩度在教友面前承認事件及懺悔，更在 四月三日 到警署自首。
辯方求情時指，被告對自己背叛信仰、違反誠信、傷害教會、女童及家人的行為深感後悔，自醜行曝光後已離開教會，更離開同住妻子和三名子女，獨自遷往聖士提反堂過着反省及懺悔生活。律師指女童因參加被告主領的崇拜小組而認識被告，二人初時僅為傳道人與教友關係，惟因被告的個人及家庭問題，令二人關係變質，被告自己亦無法解釋，惟其妻子已原諒他，教會及牧師亦致信代求情，受害女童現今如常生活及上學，故望法官予以輕判。
我真係覺得好離譜囉，甘都仲有得求情，依個賤男人作為一個成年人…讀飽書，居然利用神聖既主去淫慾無知弱質女童，仲話要輕判。佢既行為係持續半年…佢識利用「亞當夏娃」，好明顯係諗過度過，並唔係一時沖動。「受害女童現今如常生活及上學」甘就代表無事咩！就算妻離子散都係抵佢死…仲好意思求情。我知道作為主的兒女應寬恕別人的錯過如同主寬恕我們一樣，但係此賤人…利用女童對主的信任…作出如此惡行，犯十誡呀！此風實不可長，必要嚴懲。監獄內殺人放火…偷竊打劫…樣樣有瓣瓣齊，傳聞獄中最不受歡迎的就是強姦犯，如受害人是小童的話…此等犯人一定會受到其他犯人虐打，連壞人都討厭的人…是壞中之壞。
開心活下去
商台女DJ芝See菇B，昨日懷疑在九龍城寓所服藥昏迷，迷糊間致電男友，對方及時發現報警，卓由救護車送院搶救後，無生命危險。警員事後到場 調查，檢獲兩封遺書，初步透露她因思念亡母，加上生活不開心而萌生死念，案件暫無可疑。
對芝See菇B的認識源自於「苦榮與小苦妹」，佢比我既感覺係現代的自強女性，13歲出道，年紀輕輕，靠雙手去打拼。
真係無諗過佢會選擇自殺的路，每過人在生命中都會有低潮，當我們可以從容的跨過…路就不再難走。失去摯親當然難受，但生老病死乃人生中必經的路，如果真的是愛…在世者更應為離開的人活得更精彩。
願你珍惜自己的生命…你的母親並不願你活在黑暗之中。
珍惜眼前人
16/10/2006 (星期一)
今天寫字樓得我同占美兩個孤兒仔…冷冷清清甘，Lillian話甘快就走左喇！睇得出占美好唔捨得莉莉人，仲問我：「你估約佢出黎食飯…佢黎唔黎呢？？」我心想…或許吧…有緣總會聚頭的。身邊的工作伙伴不停轉變，人也開始習慣…不知怎麼…今次對Lillian總覺得較不捨，想她留下。可能依d就係人同人之間的緣份吧！！再說她有點傻氣同對人有義氣，這些都是值得令人疼愛的，希望依個小妹妹可以開開心心…無風無浪甘渡過每一日啦！！
冷冷清清的星期一…再加上假日後遺症，今天人有點疲倦…是身心皆疲，一早面對Lillian不在「四缺一」，袋都未放低，占美就話「xxx死左」(＊為別對死者的尊重及私隱故不公開性名)，我以為自己聽錯左，定一定神…他再重覆一次，確定自己聽清楚後，心底傳來一陣痛。中心已是我生活中的其中一部份，在這裡我最珍惜的就是與各位的感情，每天都可以見到百多個的笑臉，經過時間的流逝，我同各位都建立了深刻的友誼，他們對來說就已如朋友一樣…突然的離開敎我如何釋懷。來也匆匆，去也匆匆；聚也依依，散也依依，人生也許就是這樣，我們只可不停向前走…但何時要停下就連我們自己都並不知道吧！我問大黃sir：「亞sir…點解會甘，甘突然…甘脆弱」大黃sir道：「珍惜眼前人！！」是的…我們要做的就是珍惜眼前人！
識得飛既小強
昨日返屋企途中，突然有兩隻識得飛既小強走出黎「襲擊」途人，兩名路經女子被嚇至花容…識飛既小強真係幾得人驚，好似無辦法飛出佢既五指山甘。
小強的生命力真係好頑強….
它的兩對翅膀，前翅已變革質形成翅蓋，保護摺藏在下面的後翅，後翅寬而薄，看來適於飛行。但原來蟑螂本身是飛不起的,蟑螂的翅膀只能作滑翔及轉向用途。牠們的「飛行」形式往往是先用強力的足部自高處跳起,然後拍動雙翼滑向特定的距離。一般蟑螂受到驚嚇,都只會靠足部跳躍至數公尺之遠,反而比較少利用翅膀逃走。
原來當懷孕了的雌蟑螂為了保護卵才會飛起來(只是滑翔)。
有人說到了下雨天就會見到飛小強,這是因為原本住在排水溝渠或是其他低處的雌小強,每逢下大雨都感到氣壓及濕度有所改變,為了避免身處的地方被水滴濕,於是便會打開雙翼找個高一點的地方安頓~以便生產下一代~
不少人都有被飛小強襲擊既經驗~原來因為沒有視覺既小強正想搵一溫暖潮濕既地方呢埋~人體發出既熱正好吸引到佢黎~
Oooooo我真係唔想吸引到小強呀！
用 心工作
每一個人對工作都有唔同的睇法，有人一心一意、有人騎牛搵馬；有人拚搏、有人懶散；有人尊重、有人看輕；有人認真、有人求其。
每個人都有唔同的處事方法，只要唔係靠踏住他人的頭上位…就OK喇！要厚住面皮去搏命扮自己有幾勤力…幾聽話…你估人地睇唔出既咩！
我成日覺得工作係屬於團隊性…每個人係工作上都有唔同既崗位…責任，自己顧自己既人真係好衰…坐响度淨係顧住自己，其他人的事就埋都唔埋，知都話唔知，正一自私精，但對住老細就另一個樣，扮積極，真可恥！仲要有口話人無口話自己…淨係識講到自己有幾忙。
點解唔可以放下私心…大家一齊開開心心甘工作呢…就算搏盡老命，老細就老細…點都無可能坐到佢個位嫁啦！！
我自問自己並唔係一個為工作搏命的人，但係我從無借故點人做野，而且我係「義」字當頭，同事間有事…我一定幫…仲會比自己個d更盡力，依樣係我自豪既一點，我告訴自己…唔可以因為其他人而去改變自己的諗法，唔可以人縮我又縮，我就係我…
奪命酒
《明報》報道，一名在酒吧任職的25歲新郎，前晚在婚宴中暢飲喜酒，散席後新娘與家婆回家，新郎卻被眾「兄弟」簇擁往旺角酒吧繼續豪飲，一行10餘人狂飲數支威士忌後，新郎不勝酒力劇烈嘔吐，迷迷糊糊跌坐門外神情呆滯。「兄弟」後來將新郎送返筲箕灣愛巢，未幾其母及新娘發現他無呼吸脈搏，昏迷不醒，於是報警將其送院搶救，惜返魂乏術。新婚本是一件開心事，如今弄成如此，只希望其家人可堅強面對。
古人話「酒入愁腸愁更愁」，現代人卻偏偏「以酒代水」，酒能奪命啊！！豬頭人曾試過飲醉酒，見到佢又嘔又頭痛，甘辛苦…何必呢！！好在佢並不戀杯中物，一年最多一、兩次。希望大家都可借此為鏡…免蹈覆轍。
長大成...豬頭人
晚上回家途中，我問豬頭人：「今年的聖誕節是我們的第幾個？」他回答：「第6個」是的…不知不覺就第6年了，他由當初的「小伙子」變成今天的「馬老闆」了。那天他在車上…靜靜的坐著，問他幹什麼…他說他在思考…思考如何處理公司面對緊的問題、思考如何爭取公司的權益、思考開會的內容、思考如何應付強悍的對手，嗰一刻…我真真正正感覺到豬頭人成熟了，佢開始會去面對一d佢根本唔想面對既野，開始去探究人心的自私…縱然佢並唔想自己會成為一個同讓小家..自私的人。當然我認為豬頭人對他人的善良係一件值得令人欣賞的事，但係每每見到佢因此吃虧…心裏就覺得不開心。不過我做到的就只有從旁提出少少的意見…少少的提醒，勉強急於他改變…只會令他辛苦…而且他本性如此…改得了的就不是豬頭人吧！
我好鍾意見到豬頭人訓覺個樣，見佢訓到甘舒服…好似可以將平日的煩惱統統忘記似的…眉心鬆開，這就是最討人歡喜的模樣。每次聽到他說失眠、睡得不好…就覺得頭痛，時間已經不夠休息…還要睡不著，我認為可以安睡…身體健康比任何事情都重要。他應承了漸漸養成早睡早起的習慣…希望他講得出做得到吧！！
送上我的安睡歌：
Stay Awhile
Into my room he creeps
Without making a sound
Into my dreams he peeps
With his hair all long and hanging down
How he makes me quiver
How he makes me smile
With all this love I have to give him
I guess I'm gonna stay with him awhile
中秋三天玩樂遊
6/9/2006 – 放左工就走左九舅父屋企過節，舅母炮製左好多餸菜，味道仲好好添！我個班表弟表妹真係好似拆樓甘…最搞笑亞樂(4歲)同琳琳(2歲)爭到打交添，佢兩個真係好惡…人仔細細都甘惡死。
10.30p.m.食飽飽之後就出發去又一城同豬頭人睇戲，由於人太多…要睇12點喎，有成個幾鐘頭空檔，所以我地就坐低食下野先…食左沙律、班尼包同雪糕，我就打左陣機，豬頭人就趁空檔訓左陣，臨入場仲買多隻熱狗添！！估唔到甘夜甘多人，「寶貝計劃」個BB主角真係好cute，一套帶著溫情的影片，不過不失啦，一貫的成龍電影囉…有笑有打。睇完都凌晨2點，個頭開始ring ring地…要訓覺，跳上車高速回家。
7/10/2006 – 今天是豬頭人公司開張的日子，佢一早就返去打點，我就响屋企做下mask…下晏先去。去到見到隻大燒豬，好似好大陣象甘喎，見到一個又一個既陌生人頭响度行來行去，唔知點解我覺得好侷促好唔自己甘，我既social intercourse真係好差…成碌木甘…唉！！仲無啦啦殺出個舊同學…都唔知佢叫咩名，仲要當眾相認，瘀到爆！仲有一班自己顧自己…自私到暈既人，搞到我執餐死，如果唔係比面豬頭人，真係打爆佢地個頭…
7.00p.m.兩個傻仔人拎住一袋二袋由旺角攞住20磅重既食物入去調頸嶺may表姐屋企，真係拎到手都痛，豬頭人入到去…第一時間…小睡片刻，我就同班小朋友玩…佢訓醒就開始見肚餓…食下野同marco吹下水甘。表姐比左成10對鞋我，真係開心到爆。玩下玩下都成1點…返到屋企就訓覺lu。
8/10/2006 – 今天約左亞詩、亞水佢地成班人去海洋公園~哈佬喂，我同豬頭人起身之後去左食個午餐…再返屋企睇左套DVD「透明人魔2」，唔係甘好睇，第1集好睇好多。3.30p.m.睇完就嗱嗱臨出門口喇！！因為約左人地4.30p.m.响荃灣等…今次既共有14人，我地分左3部車出發，一上車我就發現上錯賊船，架車好似過山車甘…亞水坐個架仲搞笑，佢話架車响路上開到百七甘飛馳…心都離埋面又青，我同豬頭人都大叫好彩…平安到抵。公園內多人到不得了，我地十幾人似住人多…尖來尖去，我見到有d女仔一入去就嚇到行番轉頭…豬頭人仲叫我定d黎，不過胆生毛既我實在太勁喇，一共入左4間鬼屋都無叫過…仲定過豬頭人。佢比個手指鬼嚇到要我摟住添！！今天的行程都算好辛苦…玩到腳仔軟。
玩完依3日…又要繼續我既工作…努力工作…努力搵錢…努力玩樂…努力開心…
開張大吉
7/10/2006 (星期六)
今天是豬頭人公司開張的日子, 場面都算好熱鬧啊...今次我覺的好像係一個好開始,豬頭人今次真係花左好多心機同時間落去...坐响佢間房內,有一種特別的感覺...好似真係有一間好有前途既公司甘...真係好希望佢可以把握到機會...搵到自己想要既野...成功甘建立到自己既事業.
中秋節快樂
今天是2006年10月6日， 農曆八月十五…即中秋節。由小時候開始，中秋節對我來說是開心的…大伙兒帶著蠟燭、零食、生果跑到公園玩一整晚，回到家就吃著婆婆整的湯圓…大大圓圓的湯圓…人月倆團圓吧。之前試過與豬頭人坐在公園度中秋…記憶又飄到從前去。希望今年人人都可有個人月團圓的中秋節！！
花火
人與人之間的關係為何可在一刻間由親切變為陌生，彼此之間的花火好像一下子燒盡了，是否因為一切神秘的已變成熟知，新穎的已成為陳舊，不再有誘惑，不再有波動，也不再有試探和研究的興趣，加上工作的忙碌，機械化的生活，磨光了幾許“情調”。是否每人、每事、每物皆逃不過！
為免被磨光…我們必須投入「熱情的種子」去令花火永不停止的閃耀，當然這是很費心力的路，靜心的問一問自己…仍然肯去付出嗎？？
亞花死了
下班後去左做GYM，努力的在跑步機上跑呀跑…出了一身汗，人好像精神了不少。
之後跑到餅店落釘金…訂下一個大大的旦糕給豬頭人公司開張之用…
在候車時…望到在朗豪坊頭頂的月亮，光光亮亮的，中秋節真的快來了。
回到家中…爸媽皆不在，想著想著吃點什麼呢！！那了些白飯、牛仔骨、芝士…焗了一客芝士牛仔骨飯，真係好好味。
一早收到豬頭人的msn…他說：「亞花死了…」我的心即往下沉，老虎都打死幾隻冒既亞花…點解會死，我真係覺得好傷心…亞花…亞花…你安息啦！！亦都希望豬頭人可以得到教訓…
1/10/2006西貢行山一天遊
今天是國慶日，明天會補假，所以豬頭人同我就聯同黎生、年哥、鄭姑娘、占美伉儷去行山…我地7.30a.m.就起身食早餐，豬頭人就扮晒野話自己好似有d發燒，我摸一摸佢「涼枕枕」既額頭就知佢想賴死，懶人真係麻鬼煩。
終於我地成9.30a.m.先到達坑口，比約定時間遲左成半個鐘，好在佢地食住早餐等啫。
10.00a.m. 我地一行7人就坐小巴轉巴士入西貢喇！車程大約45分鐘，豬頭人趁機訓下覺。
我地以北潭凹為起點 → 牛湖墩 → 赤徑 ~ 可以眺望塔門、黃石碼頭海景，由於中途落雨，所以要係樹下避左成半個鐘頭雨，豬頭人同占美、亞年趁機打NDS比併一下 →赤徑灣 ~ 我地响安記士多度食午餐，由於假期關係，遊人較多…等位等左差不多20分鐘。大家一坐低就急不及待叫杯冰凍既飲品…我就揀左酸酸甜甜的菠蘿冰，另外食左炸雞翼、安記炒飯、牛肉炒面、星州炒米、炒白菜同好好味的咸魚雞粒炒飯，食飽飽之後就繼續出發lu → 大浪坳 → 鹹田灣 ~ 今日有幸目睹數十部電腦螢幕佈滿沙灘一角的奇景，有點兒像藝術擺設(事後報紙話係走私船擱置留下的…仲有好多人去偷走螢幕)，登上為不斷上山落山的山徑，中途真係有d吃力，好在天氣清涼…如果太熱就會更加辛苦lu → 經過一河涌，河內有大量淡水魚。到達大西灣，要行很多石級才可上到西灣亭，依段路都幾考腳骨力，有行山捧上梯級會比較好。
大約5點到，我地就坐專線出番去西貢。係坐車返沙田既途中，我懷著愉快的心情…不知不覺睡著了啊！！一睡醒來…已到沙田市中心，一箭步跑去王家沙，可能今天消耗了大量能源…所以特別好胃口，分別點左：豆卜粉絲湯窩、蟹粉生煎、牛肉煎餅、蒜香魚湯菜心苗、大排湯面，我地兩個真係食量驚人…隔離枱對情侶好似覺得我地係大食怪甘添！！食飽之後就去左行宜家…不過空手而回，先後就返屋企大覺訓LU。
My Super Ex-Girlfriend
30/9/2006 (星期六)
豬頭人公司的裝修經已到了最後的階段，傢俱都陸陸續續甘運到，10月7日可如期開張…希望一切順順利利啦！！
晚上去左朗豪坊睇 ~ 超女．強勢回歸(My Super Ex-Girlfriend)，一套借超人再加以發揮的愛情喜劇，女人抬頭…不只撐起半邊天，還可保衛地球，但係又同時話比我地聽，就算再強的女人…都係逃不過愛情，都係需要愛情。
奉勸天下男仕一句：「飛女切記要小心，因住俾人玩鑊甘！」
