12隻暴龍遊峇里Bali (Day 2)

 

22/3/2007 (星期四) --- 天晴+清涼

 

7:00 am Morning Call (我同豬頭人都唔願起身，真係好佩服ricky ba同kit ma可以6點起身)

 

7:45 am 酒店食早餐，我食左牛油多士、大陽旦、雞肉腸、粥…減肥計劃統統唔記得lu，因為今日要去Quicksilver，所以亞堅先整左2粒暈浪丸比我、豬頭人同亞kit食，我問佢：「2粒甘多…得唔得嫁？！」亞堅佢非常『堅』定甘對我講：「無問題…依隻係無睡意的。」我見佢甘有把握…緊係信啦！！咕一聲就食左落肚。

 

 

8:45 am 坐旅遊巴到碼頭，乘坐客船到Quicksilver的大浮台去。响船上面…我既活動時間不過係食左粒話梅(由Kit ma提供)同影左一、兩幅相，腳就開始有點兒浮，起初我以為自己眼訓，但當我訓左成個鐘之後，上到浮台…依然成身無力，眼見Kit ma同豬頭人同我的反應一樣，依個時候我十分肯定問題係响「fing頭堅」身上，佢一定係寶藥黨…今次真係比佢害死，信錯人…

 

11:20 am 對任何玩意都提唔起興趣，食左一餐唔太好味的午餐後就同豬頭人上左甲板度晒太陽(=訓覺)，攞件衫笠住個頭…就大覺訓，心內不停咀咒「fing頭堅」，好快就訓著左。訓下訓下…隻腳有d痛，原來係陽光太勁…晒親，依個時候小黑就黎叫我地坐玻璃船觀光喇！！

我拖住軟弱無力的身軀，坐上玻璃船，對於外面一條又一條的大魚…都提不起興趣，只想躺下。大伙兒都在叫囂…不知者還以為他們看到恐龍~ ~ 之後我們去了一個不知名的小島，這裏有海龜、鬥雞…大大個的椰青…不過我統統都不感興趣，我只顧坐在涼亭下小睡。就係「fing頭堅」令我無左今天的行程，我必要向他追討US$170-(Quicksilver每人US$85---我同豬頭人兩個)

3:00 pm 之後既行程就係去做SPA，我對依個SPA係充滿期望，因為BALI的LULU SPA好出名，聽聞可以做到全身滑啫啫，當到達「ARUM SPA」的門口，開始有點遲疑，因為依度一D都唔靚，同我之前做SPA的地方差九皮，不過黎到…唯有硬著頭進去吧，室內昏昏暗暗，雙人房間也不太大。原本都無什麼期望，但當技師按摩時，真係「叮」一聲…超級舒服，佢按得好夠力，好舒服好享受。但舒服過後…悲慘的惡夢正式開始，因為我開始做「Fruit LULU Spa」，療程首先在身上搓滿一層綠色的LULU，個一刻真係凍到爆…D冷氣不停甘吹住身上的LULU，個種凍…簡直係凍到入心，全身的毛孔急速收縮，真係攞命。好不容易等到技師擦走身上的LULU，但係原來「好戲」在後頭，响我以為脫苦海的時候，技師又開始响我的身上搓上另一種漿(Avocado味)，今次仲難頂…簡直凍無法形容，係入心入肺個隻，係依一刻…就算你話比我聽做完有幾靚都好，我都係唔會理…所以我未夠時間都走去沖涼，沖走左身上的痴立立液體，個人即刻舒服晒！！事後大家都不約而同叫苦連天，依2個鐘頭真難捱。(後記：不過做完真係好滑，豬頭人隻腳滑到好似塊鏡甘…勁令)

 

7:00 pm 玩左成日都開始肚餓喇！！今晚的晚餐是「印尼風味餐」，一坐低望見周圍都無咩人…心諗依度一定唔好食啦，望見食物的賣想實在不太吸引，但係肚餓…咩都食住先啦！食食下…發現原來都幾好食喎！炸魚、芭東牛肉、炸蝦、豆腐…都好好味。

8:30 pm 食飽之後我地有轉場喇！今日黎到KUTA的商店街，好明顯依度係峇里比較旺的地方，商店林立，但係有一點好奇怪，就係唔知點解每行兩、三步就會有一間POLO、QUICKSILVER、ROXY、LEVIS，不過QUICKSILVER、ROXY、LEVIS同香港差唔多價錢，唔洗考慮，而POLO就平三分一至半價，都算買得過，豬頭人都買左幾件恤衫，次次佢都有收獲。

 

行下行下…忽然有個男人走埋黎派抽獎咭比我地，豬頭人就抽左一件衫，我就抽左US$1000-…下無程程中獎，真係有D唔對路喎！！！但係後來經10隻暴龍的提醒後…發現應該係騙局，我真係好唔開心 ~~唔係因為無錢…係因為估唔到甘衰，呃遊客，之前去旅行都未試過，令我對BALI留下壞印象。

 

9:30 pm 找了一店子先吃點東西，美味的沙爹串燒，那個沙爹醬令人拍案叫絶；鋪滿了芝士的pizza；印尼炒飯…最喜歡是飯上的太陽旦；香口的印尼炒面…還有那杯美味的Fruit Punch，好滿意。

 

10:30 pm 食飽後…忘記了之前的回憶，我地繼續去happy…我地坐的士到bar狂歡。今次我們選了更高格調的地方，白式的外牆…帶了點歐陸的色彩，怪不得店內大部份均為外籍人士。這店的名字「MACCARONI CLUB」，今次我點了杯Lemon Squash，味道不錯。我同PETER兄仲狂隊咸爆谷同炸紅豆，原來唔止我一個為食既。

 

12:30 am 我地盡興而歸，返到房間…已覺十分疲憊，快速洗了個澡，便一邊做mask一邊躺在床上看電視。走廊經常傳來【嘭】門及高叫的聲响，心想必是其他超級暴龍的惡行。他們的體力真是異於常人，不一會我便呼呼入睡，希望明天會有精彩的一天。

 

 

 

 

 

 

 

 

 

 

 

 

 

 

 

12隻暴龍遊峇里 Bali (Day 1)

 

21 to  25 March 2007 12隻暴龍遊峇里Bali

 

出席名單包括 :

 

傻仔敏

豬頭人

亞水

詩敏

亞賢

亞詩

亞堅

亞 Fi

Kit

Ricky

小黑

Peter

 

21/3/2007 (星期三) --- 天晴

 

6:00 am 起身出發

 

6:30 am 到達碼頭 (坐船~)

 

7:40 am 到達機場

 

8:10 am 食早餐(味千拉面) -- 超級貴, 一個拉面早餐成40蚊…不過响機場食野都預    左lu, 我食左個帆立貝烏東…豬頭人食西式早餐， 食飽飽之後就要預備入閘喇!!

 

10:05 am 飛機起飛， 國泰真係舒服好多…d野有好食…一坐低先整番杯冰凍既橙汁飲下先， 有於太疲勞的關係， 不一會我就訓著左喇!!豬頭人就响度睇新戲…訓醒就有野食…我最鍾意個沙律…好味。

我地响飛機度玩得興起…比班韓國人話添…不過佢d英文好水…我地一於扮唔識聽!!

 

2:50 pm 我地終於到達峇里 ~~~依度過機地好細…好迫…行埋有出得好慢， 我地一團共有30人…所以攞行埋時都有d亂。 亞詩在上車途中仲唔小心仆親添…亞賢真抵打, 淨係掛住影相。

 

4:00 pm 今站係海神廟， 峇里係一個極富神話的國家， 佢地有好多傳說同廟宇， 海神廟响潮退既時候， 可以比信眾行入廟內祈福， 最神奇係位於海上的廟內會有一個淡水泉, 信徒相信泉水有神奇的功效。

响高處望到海上的浪…澎湃的浪…真係好壯觀，小黑一邊望海一邊發表金句:[地球係圓既] ~~ 真係比佢吹脹。

可能依度係遊客區的關係， 我地買左幾支水都要成10萬(hk$100)，我同豬頭人都係無神論者…所以把握時間四圍行…買下野甘，  嘩…依度仲勁過大陸…開價高好多倍, 我買對拖鞋, 開價80萬…講下價就變10萬…好在ricky爸係講價能手啫!!豬頭人就買左一對草鞋同一條短褲…次次都係佢買得多d野~~

响每間鋪頭出面地下都會擺放左一個放左花/餅/米…等的祈福盒…行路真係要好小心， 去人地地方都應該專重人地既文化既。

 

6:30 pm 起程返酒店

7:00 pm 到達我地4晚住的酒店 [NOVOTEL BENOA BALI]， 依度有非常濃厚的渡假感覺， 最特別係依度既Lobby同房間係分開…要過馬路先可以到達另一邊。

依度係無客， 我地要行樓梯先可以到達房間。 我地12人全都住响一層…唔洗分開…感覺真好。 返到房收好行埋…就到酒店的餐廳食晚餐。 依度既人做野真係好慢…等佢整塊魚餅…等到腳軟。

全晚最好味最係個湯…超好飲…我飲左2大碗…Peter兄話得菜(沙律)食…食唔飽， 今晚一定要宵夜， 為食的我…當然舉腳贊成啦!

 

9:30 pm 响酒店借車(HK$70/7人車)出發去酒吧街遊樂，經過差不多半個鐘車程，終於到達KUTA區。依度街燈十分不足，所以眾人都行得步步為營，一行12人在KUTA街頭四圍岳，路面漆黑黑的…所以我都拖得豬頭人實一實，經過15分鐘的遊蕩後，終於找到合適的地方，這裏是「Super Star」，我們坐下一張大大的長枱，一坐低…班酒鬼就叫酒啤一啤，豬頭人見大家甘好興致，十年都唔一次酒既佢都飲番杯高興下。我就揀左杯pineapple dreamer，超好味…有冰凍既野飲，點少得野食，旋風式甘點左Fried Squid、Nachos、Pizza、咖哩…嘩…好飽…好滿足，一食飽大家都開始發功，不停叫囂、唱歌，亞Fi同小黑仲走左出去跳舞添！！玩到差不多12點…就坐車返酒店lu，臨返去之前我地去左OK入貨，見到佢地買個D大大支既啤酒…心諗：「佢地真係勁！！血內酒的含量係95%」

 

 

 

 

 

網上籲捐骨髓救石骨症女嬰

出生只有兩個月的女嬰熙雯，患了每100萬人才有一人患上的「石骨症」（Osteopetrosis），又稱「大理石骨病」，如今她的肝臟已脹大，生命危在旦夕。其父母周一在網上呼籲熱心市民捐贈骨髓，為愛女續命。

 

「由3月19日 入院至今，熙雯的病情一直無好轉：血小板低，貧血，肝臟已脹大。」

 

「因骨頭腫脹，眼部神經已被壓着，但由於熙雯只有兩個月大，所以未能確定她的視力被影響到什麼程度。可幸的是，她的聽覺未受影響，可以聽到我們的聲音。」

 

「今天一早到醫院的藥房，他們卻說因這病太罕有，醫院未有存貨（干擾素針）……我們唯有馬上詢問藥行、其他醫院的藥房，看看他們是否有存貨。希望明天藥能到達，否則我們的熙雯又要多等一天了！」

 

「盼明天有藥 否則又多等一天」

 

熙雯父母的網上日誌流露二人憂心忡忡，網上有不少留言指已把熙雯的消息傳出去，盼更多人捐骨髓。

 

養和醫院骨科專科醫生胡永祥解釋，大理石骨病患者的骨質受基因影響變密，成為「硬骨」，但較脆弱，容易折斷。神經線會因被「硬骨」壓着而影響運作，亦會出現牙齒不健康及肝脾變大。他指出，部分患者會於長大後才發現患病。

汶萊多面睇

今個禮拜《向世界出發》會由 曾志偉 先生帶大家到汶萊，大談汶萊的富貴豪華。汶萊很少人去過，但人人都認為那裏遍地黃金，全民皆富，一個有如神話般的奢華國度。

汶萊人人有錢的神話，源於現任國王Sultan Haji Hassanal Bolkiah Mu'izzaddin Waddaulah。自從汶萊國土發現石油，蘇丹王便佔去收益一半。除擁有世界上最大的王宮外，再用24K金打造清真寺，生日又請MJ唱歌助興，你想得到的富貴生活，統統可在汶萊找到。蘇丹王不孤寒，所以當地人的福利超筍，例如毋須交稅、讀書免費、醫療免費、汽油比水便宜、買屋可以問政府借錢（零利息）等等，即使是低下階層，閒閒㳜也有汽車兩架，家住一千呎大屋，實在令人眼紅。

有車有樓都是政府的「贈品」，若果單論草根階層的人工卻並不高，例如在快餐店工作，每個月大概只有三百五十元汶萊幣（約HK$1,750），收入低，日常生活自然樸素。來到位於汶萊河的水鄉Kampong Ayer，往來都是大飛式快艇，舉目都是陳舊的木屋，感覺上與大澳差不多。走進屋內，客廳卻很大，像一個籃球場，但裝修簡潔，一張，幾張梳化。與想像中的富貴黃金屋，有一大段距離，不過屋主說，他合共有兩間房屋、兩架車、兩條船。你說有錢嗎？似乎談不上；但他有車又有樓，真矛盾。

即使蘇丹王如何慷慨，也未至於派錢畀國民使，所以汶萊國民很少幫襯當地超市，事無大小，都過境到馬來西亞盡情購買廉宜物品，情況有如港人北上一樣。反正人人有車，汽油又便宜，駕車來回六小時，不算甚麼。話雖如此，汶萊仍有地方感受到低下階層的生活，那就是Night Market。款式不多，絕大部分都是吃的，甚有香港大牌檔的味道。價格亦相當便宜，一大碟炒粉，都是汶萊幣一蚊起、兩蚊止，算起來，大概等於港幣五至十元，便可吃得飽飽。最受當地人歡迎的，是叫做「東京」（Tong King）的烤串，名字令人有點期望，咬下去，滿口肥膏，原來是雞Pat Pat。連Pat Pat也視之為珍品，夜市有幾平民化，可想而知。

過期菠蘿(愛情)

重慶森林上映時還是一個黃毛Y頭，那份情懷根本無可能體會，那些交替的語言、環境、人物都令人眼花撩亂。

 

 

今天對金城武的一言一語，彷彿感到一絲絲的失意…

 

每個人都有失戀的時候，而每一次我失戀，我都會去跑步，

因為跑步可以將你身體裡的水分蒸發掉，而讓我不那麼容易流淚

 

我們分手的那天是愚人節，所以我一直當她是開玩笑，

我願意讓她這個玩笑維持一個月。從分手的那一天開始，

我每天買一罐５月１號到期的鳳梨罐頭，

因為鳳梨是阿Ｍａｙ最愛吃的東西，而５月１號是我的生日。

 

我告訴我自己，當我買滿３０罐的時候，她如果還不回來，這段感情就會過期。

 

不知道從什麼時候開始，在什麼東西上面都有個日期，

秋刀魚會過期，肉罐頭會過期，連保鮮紙都會過期，

我開始懷疑，在這個世界上，還有什麼東西是不會過期的？

 

終於在一家便利店，讓我找到第３０罐鳳梨罐頭。

就在５月１號的早晨，我開始明白一件事情，

在阿Ｍａｙ的心中，我和這個鳳梨罐頭沒有什麼分別

 

可否專一多點點

 

 

有一個疑問…到底男人係咪可以有「性」無「愛」，解決到生理上的需要才是最重要。到底男人可唔可以做到對愛情徹底的奉獻和對另一半忠誠？常聽說十個男人九個「滾」，到底依個係殘酷的事實或是對男人的誣衊？

 

一對夫婦，結了婚十數載，彼此共同生活互相扶持，四口子的家庭，原本一直無風無浪，但所有事情都在丈夫不忠的一天起了變化。

 

丈夫在外包養女人，妻子一直被蒙在鼓裏，在家盡好做妻子及母親的本份，直到半年之後，妻子不幸染上了性病，這時她才知道自己的枕邊人對自己不忠。哀莫大於心死，女人最大的悲哀莫過於此，你可以與他同甘共苦，但是男人不會因此而珍惜彼此的關係。

 

妻子很想一走了之，因為她已死心，但是還有兩個無辜的小孩，她內心掙扎著，她不能原諒不忠的丈夫…但同時她不願子女沒父親。就是這樣不公平，自己受了傷，還要顧及家庭，但男人尋花問柳之時，有可曾想過妻兒呢？！

 

妻子最後還是留下了，但是心內的刺一直都不能拔走，直到五年後的今天還是痛。數日前妻子在身體檢查中發現子宮腫瘤，醫生說有惡化跡象，必須盡早切除，早年她染上性病亦可能是引發腫瘤的主因。

為何當天的承諾會化為烏有，當天兩人之間的誓言還記得嗎？記得「我家有隻何東獅」內張栢芝的一段對白，可能有人會覺得橫蠻專制，但是我卻得女人求的不過是一份安全感，女人不敢奢望身邊的他愛你就如同你愛他那樣深，你只夠膽去期望，他可以對你專一，就只是一點點。

 

由宜家開始 你只可以錫我一個 要寵壞我 唔准呃我
答應我既每一件事都要做到
對我講既每一句話都要真心
唔做得蝦我 鬧我 要信哂我
人地蝦我 你要第一時間出來撐我
我開心呢 你就要陪著我開心
我唔開心呢 你就要哄我開心
永遠都要覺得我係最靚
發夢都要見到我
係你心入面得我一個

 

與光同行

 

你可能在YouTube    網站上看過他的風采，不久將來你還可在大銀幕上了解他賺人熱淚的故事。美國嚴重自閉少年Jason McElwain走出孤獨，憑着精湛的籃球技術贏盡美國人的掌聲。哥倫比亞電影公司、NBA    名宿魔術手莊遜正籌劃將Jason McElwain的勵志故事拍成電影。

 

現年18歲的Jason McElwain去年代表學校參加籃球賽，一鳴驚人。他在4分鐘內神乎其技地連奪20分勝出，不僅成為「美國象徵」，備受各方談論，連總統布殊    接見他時也感動得落淚，更獲得荷李活片商及出版社的合約。但有誰想到這名籃球天才竟是一個嚴重自閉患者？

 

Jason McElwain3歲就被診斷患有嚴重自閉，到5歲始說出第一個詞語「大鳥」。他跟許多自閉兒童一樣會出現異常行為，如聽到路過的貨車嘈吵聲時會尖叫，所以需要到特殊學校接受輔導，改善社交技巧。

 

他其後入讀紐約    一間高中，並加入籃球隊，但因個子太矮且有病長坐「冷板凳」。直至去年上旬最後一場季度比賽臨完場前4分鐘，教練眼見球隊奪標無望，遂讓Jason McElwain落場一償心願，豈料他一開波就接連6次遠射和1次短投，連入7球，為球隊連搶20分反勝。要在4分鐘內6次遠射得分，連職業球員也難以到做，專家也無法解釋Jason McElwain為何能做出如此佳績。他的教練事後說﹕「我當了教練25年，從未像那天晚上般興奮。」

 

不過Jason McElwain的醫生和父母都認為他風光過後復歸平淡，不能獨立自主的他只能當個超市職員。他的媽媽說﹕「這一切給他帶來了自信。他說話好了，更懂得交際了。不過他已醒覺到自己可能連一張高中畢業證書都拿不到，他已接受了不會像正常在學孩子般成功的事實。」

 

至目前為此自閉症依然成因不明，而且並無任何藥物可治癒，病患者由嬰孩開始會抗拒與他人接觸，包括了父母親。他們不擅與其他人溝通及接觸，在學習上或情緒上都會有異常，在照顧自閉人士方面，確係困難重重，而且香港在這方面的支援是嚴重不足，部份患者家人確是求助無援。

 

在日本，自閉症人士及家人在生活方面有龐大的支援，他們有專業的護理人員及單位支援，而且亦有組成聯合協會，令自閉症人士可積極融入社會，香港作為一個先進的國家…真的應多作學習，那些「煲呔」、「袋巾」戰…放埋一邊吧！

 

介紹一本好書給你們，「與光同行」！

 

 

終於成行喇

「柴娃娃旅行團」已經確實左可以响本月21號出發，21至25號我地會响bali渡過精彩的五天。今次的行程…我們可謂歷盡「辛酸」，驚險重重，好在最後都有驚無險，雖然之前有開心，但係以家諗番，反而令我對旅程更加期待，得來不易更應珍惜。

而且今次令我們各組員有更深的了解，還好像團結了呢！！！依一刻最希望的就是亞kit同ricky都可以同行…這就是最完滿了。

總動員…快d開始執行李，「柴娃娃旅行團」的客機快起飛lu！

現代女性唔易做

女人懷胎十月真的是很辛苦，在生理同心理上都出現了沈重的負擔。在懷孕的十個月裏，每天都要佗著十多磅的胎兒，一步一艱辛。頭數個月可能食咩嘔咩、坐唔安…訓又訓唔到、荷爾蒙會起變化，以致腸胃的蠕動減弱，再加上體積變大的子宮壓迫到腸子，造成便秘、水腫…母愛既偉大，真係不得不令人佩服。

女人不單要照顧家庭，現代女性還要在工作上角力，真的是少一點精力也不行。男士們放工回家，可以拋下工事包…訴說自己今天的辛勞…一邊看著報紙；女士們放工回家…仲有一大堆家務、小孩的家課、還要聽著老公的辛酸史。

女人實在是不易當，肩膀上的担子實在不少，點解佢地肯去做…明知懷孩子辛苦都去做，不只是生的一刻辛苦…之後還有整整二十年的教養…及一輩子的牽腸掛肚，除左天性的母愛外，我想或就是對另一半的愛吧！

 

如何可以不愛...它

 

精美的食物確實係一件藝術品，當你望著它是…會不其然心動，它會變成閃閃發光的寶石一樣，所有的注意力都會集中在它的身上。

 

無論心情是好是壞…它都能令你開懷！！

 

看見面前的它…你是否有心跳加速的感覺？！

 

看見面前的它…你是否有戀愛的感覺？！

賤人1號

扶康會男導師在職員室內與一名弱智女院友性交，他昨於區院承認一項與精神上無力女子性交罪名，被判監8個月。法官指被告違反操守傷害事主，斥責他對應受保護的院友抱有性幻想，但有鑑他初犯和一時衝動才予輕判。

 

控罪指被告鄒富華（35歲）於去年8月6日 ，在青衣扶康會男職員室內，與一名33歲輕度弱智的女院友非法性交。案情指被告於扶康會擔任活動導師，案發時他要求事主進入無人的職員室內，鎖上門後命令她脫去外褲和內褲，並躺在地上與他性交。性交途中事主感到痛楚，門外亦剛好有人召喚被告，被告遂停止性交，兩人穿上衣物後離開房間，及後有中心職員與事主會面後揭發事件，其後報警。

 

我真係覺得依個男人係人渣之既「人渣」，有咩可能連智障都搞，佢犯案時有用安全套，依一點就已經證明佢係一早立心不良啦，仲要係利用自己既職權去誘騙一個心智唔成熟既人，真係賤到無人有，甘都係判得八個月…實在太少。

翻生侏羅館(Night At The Museum)

翻生侏羅館(Night At The Museum)

 

待業中的雙失中年拉利（賓史迪拿飾）終於找到一份工作，就是進入「美國自然歷史博物館」當上夜班守衛。拉利本以為看守無人的博物館很是輕鬆，卻於首個晚上已發生了神奇怪事──身邊所有展覽品竟會瞬間復活！拉利整晚被暴龍化石震撼覓食，緊接著匈奴王軍隊、羅馬戰士，甚至山頂洞人、獅子、老虎都對他窮追不捨。拉利做夢也想不到，自己會身陷這樣糟糕的處境。

事出突然，拉利唯一能信任的，就是前總統蠟像羅斯福（羅賓威廉斯飾）。在其協助下，拉利每晚都運用機智和膽色，應付這群難纏活標本，搶救幾乎解體的博物館──目的，又豈只保住飯碗咁簡單？

成日都聽見d人話：「有無搞錯呀！成套戲响一個地方(場景)，勁慳皮！」但係我又覺得依套戲唔錯喎！先唔好講有冇深層意義帶出先…雖然全套戲都响博物館做晒，但係一D都唔覺悶喎，笑位十足。而且响笑之餘仲有溫情場面，另外可以話到一點比我地知道「所有困難都要經過努力才可成功」，或許我們不會成為偉人，但係我們每個人都有每個人的崗位，只要用心做好自己的本份就是了。

唯一要扣分的就係個戲名，其實全片只係得一隻恐龍骸骨係同「侏羅紀」有關連，似乎有D名過其實。

柴娃娃組員號外

又到三月了，回想去2006年3月時浮羅交怡之旅，記憶仍有如剛發生的一樣。

可能係依一年裏，世事都在變更，但難能可貴的是「柴娃娃旅行團」的組員仍能保持著聯絡，友情在各人的身上連線、滋長。

今年我們有不少聚會，聚首一堂時就有如老友般親切，說實在…這感情真的是十分確實，對他們每一位…我都是關心著。今年3月…就有如奇蹟一樣，我們居然再次聚首，展開我們第二次的旅行，這是我們共同期待的日子，旅程的行程表或許是如一般的公式，但卻因為是「我們」…一組由友誼緣份拉上的朋友，所以一切都變得令人期待。

昨天同詩敏齊聲說：「明年要去宿霧」那一刻我心情真是興奮到不得了…。

今次亞康、亞man因工作不能同行，這算是今次的美中不足…真希望下一次他們可參與，希望kit媽可以快點康復，可以趕及出發。

希望「柴娃娃旅行團」的各組員今年身體健康、搵多d錢、日日都開開心心。